Editبخێربێن بۆ زانکۆیا دهۆکێ (UOD)، دامەزراوەکا ئەکادیمی یا گەشەکری یا کو دکەڤیتە باژێرێ دهۆکێ یێ جوان، د ناڤ گەلیەکی دا یێ کو ب چیایێن مەزن دۆرپێچکریە ل هەرێما کوردستانا عیراقێ. زانکۆیا دهۆکێ، یا کو ل سالا ١٩٩٢ێ هاتیە دامەزراندن، پابەندە ب پێشڤەبرنا گەشەپێدانا ئابووری-کۆمەڵایەتی، چاندی و زانستی یا هەرێما مە، د گەل پێشکێشکرنا پەروەردەیەکا ب ستاندارێن جیهانی بۆ کۆمەکا جۆراوجۆر و چالاک یا فێرخوازان.

ب رێکا سەروکێ زانکویا دهوکێ (UOD)، جهێ شانازیێیە بۆ من کو ب خێرهاتنا هەوە بکەم بۆ دەزگەها مە - یا کو ناڤەندا داهێنانێن زانستی، دەولەمەندکرنا کەلتوری، و بەشداریکرنا جڤاکییە. ژ دەستپێکا کارێ من، ئەز ب کویراتی پابەند بوویمە ب رێڤەبرنا زانکویا دهوکێ د قوناغەکا گوهۆرینێ دا، یا کو ب پلانێن ستراتیجی، گوهۆرینا دیجیتال، و گەشەپێدانا بەردەوام هاتیە پێناسەکرن.

زانکۆیا دهۆک کۆمەکا جۆراوجۆر یا بەرنامێن بەکالۆریۆس، ماستەر و دکتۆرا د کۆلیجێن خۆ یێن ناڤدار دا پێشکێش دکەت، و ئامراز و زانینێ ددەتە خواندکاران بۆ سەرکەفتن د جیهانەکا گلۆبال و دینامیکی دا.

بەشێ ڤەکۆلینێ ل زانکۆیا دهۆکێ (UOD)، جهێ کو داهێنان، دۆزینەوە و باشیا ئەکادیمی پێکڤە دگەهن بۆ چارەسەرکرنا ئاریشەیێن هەرێمی و جیهانی. ڤەکۆلین کەڤرێ بناغەیێ ئارمانجا زانکۆیا دهۆکێ یە، و ب کویری د پلانا ستراتیجی ٢٠٢٣-٢٠٣٨ دا جهگرتیە، یا کو دیتنەکێ هەیە بۆ سیستەمەکێ ڤەکۆلینێ یێ چالاک کو بەشداریێ د پێشکەفتنێن ئەکادیمی، کۆمەڵگەهی و ئابووری دا دکەت.