سەرۆکێن بەرێ یێن زانکۆیا دهۆکێ

چیرۆكا زانكۆیا دھۆك پەیوەندیەكا بھێز ب خۆراگری و خواستێن گەلێ كورد ڤە ھەیە، زانكۆیا دھۆك ل سالا 1992 د دەمەكێ پری گوھۆرینێن رھوریشالی و ماوەیێ دووبارە ڤەژینێ دا ھاتیە دامەزراندن، كو بوویە نموونەیەكا بەرچاڤ بۆ ھیڤیێ و ستوینەكا سەرەكی بۆ گەشەپێدانێ ل دەڤەرێ. دیدگەھا و وەفاداریا سەرۆكێن زانكۆیا دھۆك رۆلەكێ سەرەكی د پێكئینانا زانكۆیێ وەك ناڤەندەكا فێركرنێ و ڤەكۆلینا و خزمەتكرنا جڤاكی ھەبوویە.

زانكۆیا دھۆك گەشتا خۆ ب ڤەكرنا دوو كۆلیژان "كۆلیژا پزیشكی و كۆلیژا چاندنێ" كو نێزیكی 200 قوتابیان بوون، دەستپێكر، بۆ بدەستڤەئینانا دیدگەھا خۆ د پێكئینانا دیمەنێ ئەكادیمی و پیشەیی بۆ دەڤەرێ. ئەڤ دیدگەھا دامەزراندنێ ب رێكا زنجیرەیەكا سەرۆكێن زانكۆیێ بەردەوام بوو، كو ھەر ئێك ژ وان ب شێوەكێ جودا پشكداری د گەشەكرن و پێشئێخستنا زانكۆیا دھۆك دا كریە.

ئەڤرۆ زانكۆیا دھۆك ب سێیەم مەزنترین زانكۆیا حكومی ل ھەرێما كورستانا عیراقێ دھێتە ھژمارتن، گەشەكرن و سەركەڤتنا وێ ژ ئەگەرێ سەركردایەتیا گوھۆرینكاریا سەرۆكێن وێ یێن بەرێ بوویە، ئەڤ روپەلە بۆ رێزگرتن ل سەرۆكێن زانكۆیا دھۆك یێن بەرێ ھاتیە بەرھەڤكرن، كو پیشەنگ بوون د ئاراستەكرنا زانكۆیا دھۆك ھەر ژ دامەزراندنا وێ و ھەتا نوكە و گەرەنتیا گەشەكرنا وێ یا دومدار و پێگەھێ وێ یێ بەرز د دەڤەرێدا كریە.

ژ خۆراگریێ زانكۆیا دھۆك پەیدابوویە

پشتی شەرێ كەنداڤی ل سالا 1991ـێ، ھەرێما كوردستانێ كەڤنە بەرامبەر ئاستەنگێن ناوازە، كو پتر ژ ملیون پەنابەرێن كورد ل سەرمال و مولكێ خۆ بەرەڤ چیا و سنوورێن دەولەتێن ھەڤسۆ كر، د ئەنجامدا پێكئینانا دەڤەرا ئارام یا دژە فرینێ ژ لایێ ھێزێن ھەڤپەیمانا ڤە دەلیڤە ب خەلكێ دەڤەرێ دا بۆ زڤرینێ بۆ سەر مال و مولكێن خۆ و دووبارە ئاڤاكرنا ژیانا خۆ.

د ڤان بارودۆخا دا و ب ھەبوونا ھیڤی و ئومێد و رژدیێ كۆمەكا پیشەنگا دەست ب دامەزراندنا سازیەكا فێركرنێ ل باژێرێ دھۆكێ كر، ھیڤی و خواستێن وان ئامادەكرنا نەوەیێن داھاتی بوو ب زانین و كارامەیێن پێدڤی بۆ دووبارە ئاڤاكرنا جڤاكی و ھاندانا پێشكەڤتن و پێشڤەچوونێ ل دەڤەرێ، ب ئەوێ رێكێ زانكۆیا دھۆك ژ دایك بوو كو سەرۆكێن وێ ڤی گیانێ پێشەنگیێ بەرجەستە دكەن.

سەرۆكێن زانكۆیا دھۆك یێن بەرێ

ئەو كەسانێن جیاواز یێن وەك سەرۆكێن زانكۆیا دھۆك خزمەتكری، ل گەل دیاركرنا پشكدرای و رۆلێ وان: