پڕۆژەیێن پێشنیارکری بۆ جێبەجێکرنێ: وەک بەشەک ژ پلانا سالانە یا سەنتەری، چەندین پڕۆژە ئامادە کرینە کو دێ هێنە جێبەجێکەن، وەکی ل خوارێ یا دیار:
:
١. پێشنیارا پرۆژەیێ ڤەکۆلینەکا مەیدانی ل سەر: فیدرالیزم د بوارێ گشتی دا
(ڤەکۆلینەک ل سەر پەرەپێدانا ئامرازەکی بۆ پێڤانا ئاستێ رەگدواندنا فیدرالیزمێ ل هەرێما کوردستانێ، ل سەر هەردوو ئاستێن دامەزراوەیی و کۆمەڵایەتی.)
ئەڤ پرۆژەیێ ڤەکۆلینێ، د قۆناغا ئێکێ دا، ب تایبەتی ل هەرێما کوردستانا عێراقێ دێ هێتە ئەنجامدان، و د قۆناغا دووێ دا بۆ هەمی عێراقێ دێ هێتە بەرفراهکرن.
ئارمانجا ئەڤێ ڤەکۆلینا مەیدانی، زانینا ئاستێ رەگدواندنا چەمک و بەهایێن فیدرالیزمێ یە، و د کارکرنا دامەزراوەیێن فەرمی دا و هەم د تێگەهشتن و هۆشیارییا کەس و کومەلگەها کوردی دا. دا بشێین لایەنێنن لاواز و کێشەیێن هەین د ڤی سیستەمی دا پشتی نێزیکی دوو دەهەیان ژ پەسەندکرنا سیستەمێ دەستوورێ عێراقێ یێ سالا ٢٠٠٥ێ ، دیاری بکەین. هەروەسا، ڤەکۆلین دگەل ئەو ئاستەنگ و بەربەستێن کو ئەڤ سیستەمە رویبروی دبیت، دا هەوڵبدەین و دەستپێشخەریێ بکاین بو بەشداریکرن د پێشنیارکرنا چارەسەری و رێکارێن گونجایدا بو چارەسەرکرنا وان.
٢. پەرەپێدانا هوشیارییا سیاسی ل سەر گرنگیا فیدرالیزمیێ ل عێراق و هەرێما کوردستانێ
د ژێر ڤی ناڤونیشانی دا، سەنتەرێ خواندنێن فیدرالیزمیێ ل زانکویا دهوک، زنجیرەیەکا سمیناران بو قوتابیێن کولیژێن زانکویا دهوکێ و گەنجێن باژێڕێ دهوکێ پێشکێش دکەت، ل سەر بابەتێ: سیستەمێ فیدرالیزمی ل عێراقێ: دناڤبەرا تیوری و پراکتیکی دا.
ئەڤ سمینارە ژ لایێ ئەکادیمی، سیاسی و زانیاریڤە گرنگییەکا تایبەت هەیە، چونکی ئارمانجا وان ناساندنا سیستەمێ فیدرالیزمی ل عێراقێ یە بۆ قوتابی و گەنجێن مە، هەم ژ لایێ تیۆری و هەم ژ لایێ پراکتیکیڤە.
ژبەر کو فیدرالیزم، وەک میکانیزمەکێ حوکمرانیێ ل عێراقێ، پێتڤیەکا بنەرەتی و ژیارییە بو کوردان ژ لایێ سیاسی، ئابووری و ئاسایشیڤە ، ئارمانجا سەرەکی یا مە ئەوە کو قوتابیێن زانکویا دهوکێ و گەنجێن باژێرێ دهوکێ ب زانیارییێن دەستووری و سیاسی دەربارەی ڤی سیستەمێ و دیارترین ئاستەنگێن کو جێبەجێکرنا دروست یا وی لاواز دکەن، دەولەمەند بکەین.