زانکۆیا دهۆك، تیرمەها ٢٠٢٦ | نڤیسینگەها راگەهاندنا زانکۆیێ (UNPO) – زانکۆیا دهۆك ب شانازی ڤە ئێکەمین ژمارا "بەلاڤۆکا زانکۆیا دهۆك" (UOD Newsletter) بەلاڤ کر، کو بەلاڤکراوەیا هەیڤانە یا فەرمی یا زانکۆیێ یە. ئەڤ بەلاڤۆکە ژ لایێ ڕێڤەبەریا راگەهاندن و پەیوەندیێن گشتی ڤە ب ڕێیا نڤیسینگەها راگەهاندنا زانکۆیێ (UNPO) دهێتە دەرخستن، و وەک پلاتفۆرمەکێ ستراتیژی یێ پەیوەندیان کار دکەت کو دەستکەڤتێن دامەزراوەیی بەلگە دکەت، پێشکەڤتنا ئەکادیمی نیشان ددەت، و تیشکێ دئێخیتە سەر کارتێکرنا زانکۆیا دهۆك د بوارێن پەروەردە، ڤەکۆلینێن زانستی، داهێنان، هەڤپشکییێن ناڤدەولەتی، و بەشداریکرنا جڤاکی دا.

ئەڤ بەلاڤۆکا هەیڤانە، کو ب زمانێن ئینگلیزی، کوردی، و عەرەبی دهێتە بەلاڤکرن، پشتەڤانیێ ل جێبەجێکرنا پلانا ستراتیژی یا زانکۆیا دهۆک (٢٠٢٣-٢٠٣٨) دکەت ب ڕێیا بهێزکرنا ناسنامەیا دامەزراوەیی، پێشڤەبرنا شەفافیەتێ، و بەرچاڤکرنا زانکۆیێ ل سەر ئاستێ ناڤدەولەتی.

بەلاڤۆکا زانکۆیا دهۆك ب سەرپەرشتیا سەرنڤیسەرێ جێبەجێکار عسمەت م. خابوور و سەرنڤیسەر فاطمە محمود عەلی، و ب پشكداریا نڤیسنێ یا ماهر تاهر سالح، مێهڤان م. سالح، وێنەگر عەلی حەبیب حەبیب، و دیزاینەر باوەڕ محەممەد سدیق دهێتە بەرهەڤکرن.

ژمارا ئێکێ پێشهاتێن نوی دەربارەی پێشکەڤتنا زانکۆیا دهۆك بەرەڤ باوەڕپێکرنا دامەزراوەیی ب ڕێیا دەسـتەیا متامنەبەخشــنا پرۆگـرام و دامەزراوەیێـن پــەروەردە و خواندـێ ل هەرێـما کوردسـتانێ (KAAE)، دەستکەڤتێن ڤەکۆلینان یێن کو ل سەر ئاستێ ناڤدەولەتی دانپێدان ب وان هاتیە کرن،

دەستپێشخەریێن دۆماریێ، و گرنگترین چالاکیێن کۆلیژ، سەنتەر، و پرۆژەیێن ستراتیژی یێن زانکۆیێ بخۆڤەدگریت.

بۆ خواندنا ئێکەمین ژمارا بەلاڤۆکا زانکۆیا دهۆك: ڤێره کلیك بکە

بەلاڤۆكا زانكۆیا دهۆك سەبسکرایب كە بۆ وەرگرتنا ژمارێن داهاتی و ئاگەهداربوون ژ نویترین نۆچە و دەستکەڤتێن زانکۆیا دهۆك.

نڤیسینگەها راگەهاندنا زانکۆیێ، تیرمەها ٢٠٢٦