گرنگترین بابەت
دیتنا سەنتەرێ زمانان
دیتنا مە ئەوە کو شیانێ بدەینە قۆتابیان کو بگەهنە هەوڵێن خۆ یێن ئەکادیمی و پیشەیی ب ڕێکا دەربازکرنا ئاستەنگێن زمانی و ئاڤاکرنا شیانێن ب هێز یێن زمانی.
ئەم هیڤیدارین ژینگەهەکا فێربوونێ یا گشتگیر، چالاک و پشتەڤان پەیدا بکەین کو هاندانا فێربوونا بەردەوام، گەشەپێدانا کەسایەتی و پەیوەندیا کاریگەر د ناڤبەرا چاندێن جودا. ئەم باوەر دکەین کو شیانێن زمانی کلیلا سەرەکی یا سەرکەفتنا ئەکادیمی، پێشڤەبرنا پیشەیی، و بەشداریکرنا مفا بەخشە د جیهانەکا کو ڕۆژ بۆ ڕۆژێ پتر پێکڤە د هێتە گرێدان.
ب ڕێکا پەروەردەیا زمانی یا ب کوالیتی یا بلند و هاریکاریکرنا قۆتابیان، سەنتەرێ زمانان بەردەوام بزاڤا د کەت قۆتابیان ب زانیاری، شیان، و باوەری ب خووبونا پێدڤی یا زمانی چەکدار بکەت ژ بۆ ب دویڤچوونا ئارمانجێن خۆ یێن ئەکادیمی و پیشەیی و بۆ پەیوەندیکرنا کاریگەر د جیهانا نوکەدا.
پەیاما سەنتەرێ زمانان
ئارمانجا سەرەکی یا سەنتەرێ زمانان دابینکرنا پەروەردا وفیربۆنەکا زمانی یا بەرفرەهە وهاریکاریکرنا ئەوان قۆتابیانە ئەوێن ژ پاشخانەیێن جودا یێن زمانی و ئاستێن جودا یێن شیانێ قەستا سەنتەری کرینە.
سەنتەر ب تایبەتی پشتەڤانیا قۆتابی و بەربژێرێن خولێن خواندنا بلند (ماستەر و دکتۆرا) دکەت ئهوێن کو ڕەنگە ڕووبەڕووی ئاستەنگان ببن ژ بۆ ب دەستڤەئینانا ئاستێ پێدڤی یا زمانێ ئینگلیزی. سەنتەر هاریکاریا قۆتابیان دکەت ب رێکا بلندکرنا ئاست و شیانێن وان یێن زمانی داکۆ بشێن ئاستێ پێدڤی ب دەست خۆڤەبینن ژ بۆ ب جێهئینانا مەرجێن گرێدایی ب خواندنا بلند و هەروەسا ئەزموونێن نێڤدەولەتی یێن زمانێ ئینگلیزی وەک TOEFL, IELTS, و PTE.
ژ بۆ ب جێهئینانا ڤێ ئارمانجێ، سەنتەر خولێن شیانێن زمانێ ئینگلیزی دابین دکەت کو هاتینە دارشتن بۆ هاریکاریکرنا بەشداربوویان دا بگەهنە ئاستێ شیانێ ئهوێ ژ لایێ وەزارەتا خواندنا بلند و ڤەکولینێن زانستی ڤە هاتیە دیارکرن. ب پشکداربوون و سەرکەفتیانە ب دوماهیکئینانا ئەڤان خولان ئاستێ ئەکادیمی و شیانێن زمانی یێن قۆتابیان بەرهەڤ وبلند دبن و دگەهنە ئاستێ پێدڤی. ل گورەی ئەڤێ چوارچۆی قۆتابیێن خواندنا بلند ژ ئەزموونێن نێڤدەولەتی یێن زمانێ ئینگلیزی گەردەن ئازا دبیت و لێخۆشبوون پێ دهێتە دان.
هەروەسا سەنتەر پابەندە ب بەرفەرهکرنا دەرفەتان بۆ فێربوون و ب دەستڤەئینانا کارەمایێن پێدڤی د زمانێن دی دا، ژ وان ژی کوردی، عەرەبی، فارسی، تورکی، و زمانێن دی یێن پێدڤی.
بهایێن سەرەکی
- بلندیا ئەکادیمی (Academic Excellence): ئەم پابەندین ب پێشکێشکرنا پەروەردەیا زمانی یا ب کوالیتیا بلند کو هاریکارییا قۆتابیان دکەت ژ بۆ ب دەستڤەئینانا ئارمانجێن خۆ یێن ئەکادیمی و پێشڤەبرنا شیانێن پێدڤی بۆ خواندنێن بلند.
- گشتگیری (Inclusiveness): ئەم پێشوازیێ ل هەمی قۆتابیان دکەین ئەوێن ژ پاشخانەیێن جودا یێن زمانی و ئاستێ هاتینە و هەوڵ ددەین ژینگەیەکا فێربوونێ یا گشتگیردابین بکەین.
- پێشڤەبرنا پیشەیی (Professional Development): ئەم گرنگیا شیانێن زمانی د پێشکەفتنا ئەکادیمی و پیشەیی ددەین و پشتەڤانیا قۆتابیان دکەین بۆ پێشڤەبرنا شیانێن پێدڤی بۆ کارێن وان یێن پێشەرۆژێدا.
- فێربوونا بەردەوام (Continuous Learning): ئەم هاندانا قۆتابیان دکەین کو بەردەوام شیانێن خۆ یێن زمانی پێشبێخن و باوەربوونا ب خۆ موکومتر بکەن ل بیاڤێ ب کارئینانا زمانان بۆ مەبەستێن ئەکادیمی، پیشەیی و کەسایەتییەکا بهێز
- پەروەردا ب کوالیتی (Quality Education): ئەم پابەندین ب پێشکێشکرنا پەروەردەیا زمانی یا ڕێکخستی و پشتەڤانی قۆتابیان کو بەرسڤا پرسگرێکێن ئەکادیمی و شیانێ یێن دیارکری بدەن.
- پەیوەندیا جیهانی (Global Communication): ئەم فێربوونا زمانی هان ددەین وەک بۆیەرەک بۆ موکومکرنا پەیوەندیان د ناڤبەرا چاندان وجڤاکاندا و بهێزکرنا قۆتابیان بۆ بەشداریکرنا کاریگەرتر د جیهانەکا ب ئێکڤە گرێدایدا.
- هاریکاریکرنا قۆتابیان (Learner Support): ئەم پابەندین ب پشتیڤانیکرنا قۆتابیان د درێژاهیا گەشتا وان یا فێربوونا زمانی و هاریکاریکرنا وان بۆ دەربازکرنا ئاستەنگیێن زمانی بەرامبەر پێشڤەبرنا ئەکادیمی و پیشەیی.
ئارمانج
- پشتەڤانیا قۆتابیان بکەت د پێشڤەبرنا ئاست و شیانێن زمانێ ئینگلیزی یا پێدڤی بۆ خواندنا بلند يا ئەکادیمی.
- خولێن ڕێکخستی یێن شیانێن زمانێ ئینگلیزی بۆ قۆتابیان د ئاستێن جودا دە دابین بکەت.
- هاریکاریا قۆتابیان بکەت دا بگەهنە ئاست و شیانا پێدڤی ژ لایێ وەزارەتا خواندنا بلند و ڤەکولینێن زانستی ڤە.
- پشتەڤانی قۆتابیێن ماستەر و دکتۆرایێ بکەت ئهوێن کو ڕەنگە هەمبەری ئاستەنگان ببن ژ بۆب دەستڤەئینان ئاستێ پێدڤی یا زمانێ ئینگلیزی.
- ئامادەکرنا قۆتابیان بۆ ب جێهئینانا مەرجێن زمانی یێن گرێدایی ب ئەزموونێن نێڤدەولەتی وەکۆ TOEFL, IELTS, و PTE.
- دابینکرنا ژینگەیەکا فێربوونێ یا کاریگەر و پشتەڤان کوهاندانا گەشەپێدانا زمانی بدەت.
- پێشڤەبرنا شیانێن زمانی یێن ئەکادیمی و پیشەیی یێن قۆتابیان.
- هاریکاریکرنا قۆتابیان بکەت بۆ دەربازکرنا ئاستەنگیێن زمانی ئهوێن کو ڕەنگە دەرفەتێن وان یێن ئەکادیمی و پیشەیی سنوردار بکن.
- هاندانا گەشەپێدانا کەسایەتی و باوەربوونێ ب ڕێکا فێربوونا زمانی.
- هاندانا پەیوەندیکرنا کاریگەر د ناڤبەرا سنورێن زمانی و چاندی دا.
- بەرفەرهکرنا دەرفەتێن فێربوون و پێشڤەبرنێ د زمانێن کوردی، عەرەبی، فارسی، تورکی، و زمانێن دی.
- ڕاگرتنا ئاستێن بلند یێن پەروەردەیا زمانی و پشتەڤانیا قۆتابیان.
بەرنامەیێن زمانێ ئینگلیزی
خولێن شیانێن زمانێ ئینگلیزی
سەنتەرێ زمانان خولێن ڕێکخستی یێن شیانێن زمانێ ئینگلیزی دابین دکەت ئهوێن هاتینە دیزاینکرن بۆ هاریکاریکرنا قۆتابیان د پێشڤەبرنا ئاستێ ئینگلیزی یێ پێدڤی بۆ ئارمانجێن وان یێن ئەکادیمی و پیشەیی دە.
خولێن فێربوونێ یێن نوکە ل سەر بنەمایێ پرۆگرامەکێ دابینکری ژ لایێ Imperial English UK ڤە نە و ل سەر چار ئاستان هاتینە ڕێکخستن. هەر ئاستەک هاتیا دیزاینکرن بۆ پێشڤەبرنا ئاستێ شیانێن زمانی یا قۆتابیان ب شێوەیەکێ پلەبەند و ئامادەکرنا وان بۆ دەربازبوونێ بۆ قۆناغا پاشتر یا فێربوونێ.
هەر ئاستەک ژ ١٠٠ دەمژمێرێن وانەدانێ پێک تێت، کو ل داویێ ئهزموونەکا داویێ یا ل سەر کۆمپیتەرێ پێکهێت ب ڕێکا پرۆگرامێ فێربوونێ یێ Imperial English UK. پێدڤیە فێرخواز ب سەرکەفتی ئهزموونا داویێ دەرباز بکەت و ڕێژەیا ئامادەبوونێ ژ ٩٠٪ کێمتر نەبت دا کو بکارن دەرباز ببن بۆ ئاستێ پاشتر.
خولێن شیانێن زمانێ ئینگلیزی
ئاستێ ١ — دەستپێک Beginner (A1)
ئاستێ دەستپێک قۆتابیان ب بنەغەیێن زمانێ ئینگلیزی ئاشنا دکەت و زانیاریێن بنەڕەتی یێن زمانی و شیانێن پەیوەندیکرنێ گەشە پێ ددت.
ئاستێ ٢ — سەرەتایی Elementary (A2)
ئاستێ سەرەتایی ل سەر زانیاریێن بنەڕەتی ئاوا دبت و شیانێن قۆتابیان پێش دێخەت بۆ بکارئینانا ئینگلیزی د ڕەوشێن جوداتر دە.
ئاستێ ٣ — ناوین Intermediate (B1)
ئاستێ ناوین شیانێن قۆتابیان بۆ پەیوەندیکرنێ ب شێوەیەکێ سەربخۆتر پێش دێخەت و پشتەڤانی گەشەپێدانا شیانێن زمانی دکەت یێن کو بۆ پەیوەندیێن ئەکادیمی و ڕۆژانە پێدڤی.
ئاستێ ٤ — پێشکەفتی Advanced (B2)
ئاستێ پێشکەفتی شیانێن زمانێ ئینگلیزی یا قۆتابیان پتر پێش دێخەت و وان ئامادە دکەت بۆ پەیوەندیێن دژوارتر یێن ئەکادیمی و پیشەیی.
ستافێ سەنتەری
