ڤەکۆلینێن ل ژێر بجهئینانێ: ئاستەنگێن جێبەجێکرنا سیستەمێ فیدرالیزمی ل عێراقێ (دیتنێن ئەکادیمی ل سەر تێکەلبوونا دەستهەلاتێن دەستووری، ملمالنێیێن سیاسی و میکانیزمێن چارەسەرکرنا وان)
زانیاری لسەر ڤەکۆلینێ
- سەنتەرێ خۆاندنێن فیدرالیزمی ل زانکۆیا دهۆکێ، د چوارچوڤێ بەرنامەیێ سالا خو یا نوکە (2026–2027) دا، گروپەک ژ ڤەکۆلەرێن کوردستان و عێراقێ، یێن شارەزای و پسپۆریا وان یا ئەکادیمی د سیستەمێن فیدرالیزمی و دەستووری دا دهێنە نیاسین، راسپاردیە ب ئامادەکرنا ڤەکۆلینەکا زانستی یا بەرفرەه، بابەتی و ورد، دەربارەی دیارترین ئاستەنگ و رکابەریێن جێبەجێکرنا سیستەمێ فیدرالیزمی ل عێراقێ، ب شێوەیەکێ دروست، وەک ژ لایێ دەستوورێ فیدرالیزمی یێ عێراقێ سالا 2005ێ هاتیە دیارکرن.
- ئەڤ ڤەکۆلینا بەرفرەه، دەستپێکا چالاکیێن سەنتەری یە د بوارێ ئامادەکرنا ڤەکۆلین و لێکۆلینێن سەر سیستەمێ فیدرالی، کێشە و رکابەریێن جێبەجێکرنا وێ ل عێراقێ و پێشنیارێن چارەسەرکرنا وان پێک دئینیت. ڤەکۆلین ژ 6 تەوەرێن سەرەکی پێک دهێت، و هەر تەوەرەک 2 ڤەکۆلینان دگریت، کۆما گشتی 12 ڤەکۆلینن.
- ئامادەکرنا ڤەکۆلینان د ناڤەڕاستا هەیڤا تشرینا ئێکێ دەست پێکریە و تا دوماهییا مانگێ تشرینا دوویێ ڤەدکێشیت. پشتی پێداچوونا زمانێ، هەلسەنگاندنا زانستی و وەرگێڕانا وان بو زمانێ کوردی، ئەڤ ڤەکۆلینە دێ ژ لایێ سەرۆکاتیا زانکۆیا دهۆکێ ڤە هێتە چاپکرن. قوناغا دویڤدا، دانیشتنەکا ئەکادیمی دێ ل سەر ڤان ڤەکولینان هێتە ئەنجامدان، پەرتوک دێ هێتە واژۆکرن و دێ بۆ دەزگەه و لایەنێن پەیوەندیدار ل هەرێمێ هێنە بەلەڤکرن.