سالڤەگەرا هەشتەمین یا رێفراندوما سەربەخۆییا هەرێما کوردستانا عێراقێ ل ساڵا 2017ێ، سەنتەرێ خواندنێن فیدرالیزم ل زانکۆیا دهوک، دانیشتنەکا ئەکادیمی ئەنجامدا بنـاڤێ:
مافێ هەرێمێن فیدرالی د بکارئینانا مافێ دیارکرنا چارەنڤیسی (دیتنەکا یاسایی و سیاسی لدور رێفراندوما هەرێما کوردستانا عێراقێ ل 25 ئەیلونا 2017ێ)
ئەڤ دانیشتنە ل رۆژا 5/10/2026 هاتە ئەنجامدان ل هۆلا پێشمەرگە ل ناڤەندا قوتابیان – زانکۆیا دهوکێ. ژمارەیەکا قوتابیان، مامۆستایێن زانکۆیێ و مێهڤان ژ هەڤپەیمان و بزوتنەوەیێن سیاسی و رێکخراوێن کومەلگەها مەدەنی ل پارێزگەها دهوکێ تێدا بەشدار بوون.
ل دەسپێکا دانیشتنێدا، د.نجم الدين محي الدين ياسين ، رێڤەبەرێ سەنتەرێ خواندنێن فیدرالیزمێ، پێشوازیا بەشداربویان کر و داخازیا مفاوەرگرتنێ کر ژ هەمی برگەیێن زانستی و ئەکادیمی یێن دهێنە پێشکێشکرن.
دانیشتن بۆ دوو تەوەران هاتە دابەشکرن:
ئێک: لايەنێ یاسای یێ بابەتێ، ژلایێ د.رێنجبەر جەمیل شێخۆ، مامۆستایێ یاسایا دستوری ل زانکویا دهۆک، هاتە پێشکێشکرن.
دوو: لايەنێ سیاسی یێ بابەتێ، ژلایێ م.فەرهاد ئەترۆشی، مامۆستایێ زانکۆیی و پارێزگارێ بەرێ یێ دهوکێ، هاتە پێشکێشکرن.

د دوماهییا دانیشتنێدا، گفتوگۆیا راستەوخۆ دناڤبەرا بەشداربویان و پێشکێشکاراندا هاتە ئەنجامدا، و گەلەک پرسیار و تێبینیێن پەیوەندیدار ب بابەتیڤە هاتنە ئاراستەکرن و بەرسڤێن پێدڤی هاتنە پێشکێشکرن.
بڕێڤەبرنا دانیشتنێ ژلایێ م.سامی عبدالقادر ریکانی، مامۆستایێ زانکۆیا دهوکێ، هاتە ئەنجامدان.