ورکشوپا: (عێراق پشتی ڤەکێشانا هێزێن هەڤپەیمانان: سەروەری، ئاسایش، هەڤبەشیا ناڤدەولەتی)

ل رۆژا پێنج شەمبی رێکەفتی (٨-١٠-٢٠٢٦) لدەمژمێر (١٠:٣٠) سپێدێ، سەنتەرێ خواندنێن فیدرالیزمێ ب هەڤکاری دگەل ل کۆلیژا زانستێن سیاسی ل زانکویا دهۆک رابون ب رێکخستنا ورک شوپەکێ ژبو قوتابیێن کۆلیژا زانستێن سیاسی لژێر ناڤونیشانێن (عێراق پشتی ڤەکێشانا هێزێن هەڤپەیمانان: سەروەری، ئاسایش، هەڤبەشیا ناڤدەولەتی) ل کوژیێ ئەمریکی ل زانکۆیا دهۆک هاتە برێڤەبرن.

ل دەستپێکێ پەیڤەک هاتە پێشکێشکرن ژلایێ بەرێز (د. نجم الدین محی الدین یاسین) رێڤەبەرێ سەنتەرێ خواندنێن فیدرالیزمێ ل زانکویا دهوک، ئارمانجا ئەڤێ وررک شوپێ دا دیارکرن، کو پتر گرنگیدان ب قوتابیان بهێتەدان تایبەتی د بوارێ پراکتیکی دا هاندانا قوتابیان بهێتەکرن دا کو ل داهاتی دا دناڤا جڤاکی دا وەک تەخەکا بژارە بهێنە دیارکرن.

پاشان پەیڤەک ژلایێ بەرێز (پ.هـ.د. هەوار خەلیل طاهر) راگرێ کولیژا زانستێن سیاسی ل زانکۆیا دهۆک هاتە پێشکێشکرن، ئاماژە دا گرنگیا ئەڤان جورە چالاکیان بو قوتابیان، تەکەز لسەر ئەنجامدانا ئەڤان جۆرە چالاکیان کر ژبو پێشخشتنا شیانێن قوتابیان.

دویڤدا دەرفەت ب پەنەلیستێ وورک شوپێ هاتە دان بەرێز (م. ئاشتی فتحی عبداللە) کورتەک لدۆر بابەتێ ورک شوپێ ژ بۆ ئامادەبویان دا دیارکرن، پاشان گروپێن قوتابیان دانە نیاسین، گروپێ ئێکێ قوتابیێن پشکا پەیوەندیێن ناڤدەولەتی و دبلۆماسی بون کو نوینەراتیا حکومەتا عێراقێ دکر باس ل گرنگیا ڤەکێشانا هێزێن هەڤپەیمان دکر و تەکەزی ل پاراستنا سەروەریا عێراقێ کر و بهێزکرنا سازیێن نافخویی ژبو هندێ سەروەریا عێراقێ یا تەمام بهێتە پاراستن، گرۆپێ دووێ قوتابیێن پشکا سیستەمێن سیاسی و سیاسەتا گشتی بون کو نوینەراتیا هێزێن هەڤپەیمان دکرن باس ل هاریکاری و پشتەڤانیا عێراقێ کر ل دەمێ دەربازبوی دا زێدەباری ئەوێ چەندێ کو ل قوناغا پشتی ڤەکێشانا هێزێن هەڤپەیمان دێ چەوا و چ بوار دا شێن هاریکاریا عێراقی کەن.

دوماهیێ بەرێز (م. ابراهیم سعید عمر) دەرئەنجامێن ورک شوپێ لگورەی گوتنێن قوتابیان دا دیارکرن ب ئەڤی شێوەی، لگورەی دیتنا وەلاتێ عێراقێ د ئەڤی دەمی دا عێراقێ پێتڤی ب هەبوونا هێزێن بیانی نینە و کار لسەر بهێزکرنا سازیێن نافخو هاتیە کرن ژ هەمی لایەکی ڤە ژبو پاراستنا سەروەریا عێراقێ، لگورەی دیتنا هێزێن هەڤپەیمان ژی دێ هاریکاربن ژبو پاراستنا سەقامگیری و سەروەریا عێراقێ ل هەر دەمەکێ عێراق داخاز ژ هەڤپەیمانان بکەت د هەر بوارەکی دا.

بشیوەکێ گشتی ئەڤێ ورک شوپێ گوتوبێژێن زانستی و پری بەرهەم ژلایێ قوتابیان ڤە هاتنە نیشاندان ژبو ئامادەبوویان، دوماهیێ باوەرنامێن پشکداربوونێ بسەر بەشداربویان دا هاتنە پارڤەکرن.