زانكۆیا دهۆك، 7ـی گولانا 2026 | نڤیسینگەها ڕاگەهاندنا زانکۆیێ (UNPO)

وەکو پشکەک ژ پێگیرییا وێ یا ستراتیژی بۆ پێشئێخستنا ناڤدەولەتیکرنێ، ئالوگۆڕیا ئەکادیمی، و پەرەپێدانا ڤەکۆلینان، و د چارچۆڤێ پرۆژێ (RISE) دا، زانکۆیا دهۆک، ب ڕێيا ڕێڤەبەریا پەیوەندیێن ناڤدەولەتی (DOIR) و سەنتەرێ پەرەپێدانا كاری (CDC)، ب سەرکەڤتیانە پرۆگرامەکێ ڕاهێنانێ یێ سێ ڕۆژی بۆ نوینەرێن پەیوەندیێن ناڤدەولەتی (IR) و سەنتەرێ پەرەپێدانا کاری ل کۆلیژێن زانکۆیێ ڕێکئێخست. ئەڤ یەکە ب هەڤکاری دگەل ڕێکخەرێ سەرەکی یێ پرۆژێ RISE، ئێکەتیا زانکۆیێن دەریایا ناڤەراست (UNIMED)، و دامەزراوەیێن هەڤپشک وەکو زانکۆیا ناڤدەولەتی یا ڕۆما (UNINT) و زانکۆیا مۆرسیا هاتە ئەنجامدان. هەروەسا پرۆگرامی پشکداریەکا کارا ژ لایێ قوتابیێن بەکالۆریۆس، ماستەر و دکتۆرایێ بخۆڤەدیت.

بهێزکرنا شیانێن ناڤدەولەتیکرنێ ل سەرانسەری زانکۆیێ
ئەڤ پرۆگرامێ ڕاهێنانێ ب سەرپەرشتیا د. نەزار ئەمین محەمەد، ڕێڤەبەرێ پەیوەندیێن ناڤدەولەتی (DOIR)، و د. ئەحمەد خەیرەدین عەلی، ڕێڤەبەرێ سەنتەرێ پەرەپێدانا کاری (CDC) بڕێڤەچوو. ئارمانج ژ ڤێ دەستپێشخەریێ بهێزکرنا شیانێن دامەزراوەیی و زێدەکرنا هشیاریێ بوو ل دۆر ستراتیژیەتێن ناڤدەولەتیکرنێ د ناڤ پێكهاتێن ئەکادیمی و کارگێڕی یێن زانکۆیا دهۆک دا.

رۆژا ئێکێ: ئالوگۆڕی د ژێر بەرنامێ ئێراسمۆس پڵەس KA171
ژ لایێ: د. نەزار ئەمین محەمەد
رۆژا ئێکێ یا وۆرکشۆپێ ب ناڤونیشانێ "ئالوگۆڕی ل ژێر ئێراسمۆس پڵەس دا KA171: وۆرکشۆپەکا پراکتیکی بۆ ستافێ زانکۆیا دهۆک" ب پەیڤا دەستپێكێ ژ لایێ د. لقمان هادی حەسەن ڤە، هاریكارێ سەرۆكێ زانكۆیێ بۆ كاروبارێن زانستی و خواندنا بلند بڕێڤەچوو، كو دووپاتی ل سەر گرنگیا ئالوگۆڕیا ناڤدەولەتی و پەیوەندیێن جیهانی یێن ستراتیژی بۆ ستاف و قوتابیێن زانکۆیێ کر. د وینشتنێ دا پێداچوونەکا گشتگیر بۆ پرۆگرامێ ئێراسمۆس پڵەس (2021-2027) هاتە پێشکێشکرن، ب تایبەتی بڕگەیا 171 (ئالوگۆڕیا کرێدیت یا ناڤدەولەتی - ICM)، کو پشتەڤانیێ ل دەلیڤەیێن ئالوگۆڕیێ د ناڤبەرا زانکۆیێن ئەوروپی و وەڵاتێن هەڤپشک دا دکەت، دگەل عێراقێ ژی.

وۆرکشۆپێ تیشک ئێخستە سەر جۆرێن سەرەکی یێن ئالوگۆڕیێ کو ل ژێر بڕگەیا 171 بەردەستن، ژ وان ژی: SMS (ئالوگۆڕیا قوتابیان بۆ خواندنێ 2 بۆ 12 مەهان)، SMT (ئالوگۆڕیا قوتابیان بۆ ڕاهێنانێ 2 بۆ 12 مەهان)، دەلیڤەیێن ئالوگۆڕیا دکتۆرایێ یێن کورتخایەن و درێژخایەن، STA (ئالوگۆڕیا ستافی بۆ گۆتنا وانەیان 2 بۆ 60 ڕۆژ)، و STT (ئالوگۆڕیا ستافی بۆ ڕاهێنانێ 2 بۆ 60 ڕۆژ). هەروەسا روینشتنێ باس بوارێن پێشینەیێن سەرەکی یێن ئێراسمۆس پڵەس و پرۆگرامێن ئالوگۆڕیا ناڤدەولەتی کر، کو ئەڤان بخۆڤەدگریت: ڕێکەڤتنا کەسک و بەردەوامی، وەرچەرخانا دیجیتاڵی، حوکمڕانی، ئاشتی، و پەرەپێدانا مرۆڤی، گەشەپێدانا دۆمدار و کاریابی، ووزەیا نویبووی و گۆڕانکاریێن سەقایی، مافێن مرۆڤی و مەنهەجێن ئاراستەکری بۆ پاشەڕۆژێ، هەروەسا گونجاندن دگەل ئارمانجێن گەشەپێدانا دۆمدار یێن نەتەوەیێن ئێکگرتی (SDGs).

گرنگیەکا تایبەت ب وێ چەندێ هاتە دان کا چەوا زانکۆ و کەس دشێن داخوازیا دەلیڤەیێن ئالوگۆڕیێ ل ژێر KA171 بکەن. پرۆسەیا پێشکێشکرنێ ئەڤان بخۆڤەدگریت: دەستنیشانکرنا زانکۆیێن هەڤپشک، ئامادەکرنا ڕەشنڤیسێن پرۆپۆزەلان یان تێبینیێن چەمکی، ئیمزاکرنا ڕێکەڤتنێن دناڤبەرا دامەزراوەیان، ئامادەکرنا بەلگەنامەیێن پێدڤی و پلانێن ئالوگۆڕیێ، پێشکێشکرنا داخوازنامەیان ژ لایێ زانکۆیێن هەڤپشک ل وەلاتێن پرۆگرامی ڤە، دگەل جێبەجێکرن، چاڤدێریکرن، و ڕاپۆرتکرنا چالاکیێن ئالوگۆڕیێ.

رۆژا دووێ: ناڤدەولەتیکرن ل ناڤخۆ
ژ لایێ: د. تارا ئیحسان عەبدوللا
رۆژا دووێ تیشک ئێخستە سەر چەمکێ ناڤدەولەتیکرنێ ل ناڤخۆ، و جەخت ل سەر وێ چەندێ کر کا چەوا زانکۆ دشێن ڕەهەندێن جیهانی و دناڤبەرا کەلتۆران د ناڤ فێرکرن، فێربوون، و ژیانا کەمپێ دا بجهـبینن بێ کو پێدڤی ب گەشتکرنا جەستەیی هەبیت. گەنگەشە ل سەر ڤان خالان هاتنە کرن: ژینگەهێن فێربوونێ یێن گشتگیر، شیانێن دناڤبەرا کەلتۆران، مەنهەجێن ناڤدەولەتیکری، و پەیوەندیا جیهانی د ناڤ ژینگەها ئەکادیمی یا خۆجهی دا.

رۆژا سێیێ: ناڤدەولەتیکرنا ڤەکۆلینان
ژ لایێ: د. ڕزگار موستەفا محەمەد
رۆژا دوماهیێ تیشک ئێخستە سەر ناڤدەولەتیکرنا ڤەکۆلینێن زانستی، ب جەختکرن ل سەر وێ یەکێ کا چەوا زانکۆ ب ڕێکا ڤەکۆلینێن جێبەجێکری و ڤەگۆهاستنا زانینێ دگەل جڤاکی دهێنە گرێدان. وۆرکشۆپێ تیشک ئێخستە سەر ئەڤان خالان: ڤەگۆهاستنا زانینێ وەکو ئەرکێ سێیێ یێ زانکۆیان، هەڤکاریا ڤەکۆلینان ل سەر ئاستێ هەرێمی و ناڤدەولەتی، بەلاڤکراوەیێن هەڤپشک و تۆڕێن ئەکادیمی، دیاربوونا ڤەکۆلینان و كاریگەریا سایتیشنێ (Citation)، دگەل ستراتیژیەتێن زێدەکرنا پشکداریا زانکۆیا دهۆک د دەستپێشخەری و گرانتێن ناڤدەولەتی یێن ڤەکۆلینان دا. هەروەسا روینشتنێ ل دۆر مۆدێلێن ناڤدەولەتی یێن گرێدانا زانکۆیان ب جڤاکی ڤە ب ڕێکا ڤەکۆلینێن جێبەجێکری ڤەكۆلی، و تیشک ئێخستە سەر وێ چەندێ کا چەوا ڤەکۆلین دشێن ژ بەرهەمهێنانا ئەکادیمی ببنە کارتێکرنەکا جڤاکی ب ڕێکا هەڤکاریێ دگەل کەرتێ پیشەسازی، ئیکۆسیستەمێن داهێنانێ، و میکانیزمێن ڤەگۆهاستنا تەکنەلۆژیایێ.

پشتەڤانیکرنا دیدگەها ستراتیژی یا زانکۆیا دهۆک
ئەڤ ڕاهێنانە ڕەنگڤەدانا پێشینەیێن ستراتیژی یێن بەرفرەهتر یێن زانکۆیا دهۆکە بۆ: بەرفرەهکرنا هەڤپەیمانی و هەڤکاریا ئەکادیمی یا ناڤدەولەتی، پێشئێخستنا شیانێن جیهانی یێن قوتابی و ستافی، بهێزکرنا هەڤکاری و داهێنانێ د ڤەکۆلینان دا، و پێشئێخستنا سیستەمێن پەروەردەیی یێن بەردەوام و گرێدایی ب جیهانێ ڤە.

پرۆگرامێ داهاتی یێ ڕاهێنانێ ژ لایێ CDC ڤە
وەک بەردەوامیەک بۆ ڤان بزاڤان، پرۆگرامەکێ دی یێ ڕاهێنانێ یێ تایبەتمەند دێ ژ لایێ سەنتەرێ پەرەپێدانا کاری (CDC) ڤە ل رۆژێن 12، 13، و 14ـی گولانا 2026ـێ هێتە ئەنجامدان، کو نوینەرێن DOIR و CDC ل هەمی کۆلیژێن زانکۆیا دهۆک دێ تێدا پشکدار بن. ئەڤ روینشتنێن داهاتی دێ پتر پشتەڤانیا پێشئێخستنا پیشەیی و هەماهەنگیا دامەزراوەیی کەت د بوارێن ئامادەییا بۆ کاری، پەیوەندیێن ناڤدەولەتی، و خزمەتگوزاریێن پشتەڤانیا قوتابیان دا.

بۆ دیتنا ڕووماڵا میدیایی ل ڤێرە کلیک بکە

نڤیسینگەها ڕاگەهاندنا زانکۆیێ، 7ـی گولانا 2026
راپۆرت ژ لایێ: فاطمە محمود عەلی
وێنە: محەمەد ع. تاهر
پەیڤێن سەرەکی: ناڤدەولەتیکرنا زانکۆیا دهۆک، پرۆژێ RISE زانکۆیا دهۆک، ڕاهێنانا Erasmus+ KA171 عێراق، وۆرکشۆپا DOIR زانکۆیا دهۆک، ناڤدەولەتیکرنا خواندنا بلند كوردستان.