زانکۆیا دهۆك – ئیلۆنا ٢٠٢٦ـێ | نڤسینگه‌ها راگەهاندنا زانکۆیێ (UNPO) – پشکا پلاندانانا جهی ل زانکۆیا دهۆك ب سەركەڤتیانە بەردەوامى دا بەرنامەیێ سالانە یێ راهێنانا هاڤینى ل ئەلمانیا د ناڤبەرا ١٥ـی تەباخێ تا ٤ـی ئیلۆنا ٢٠٢٦ـێ. گەشتا ڤێ سالێ یا کو سێ حەفتیان ڤەکێشایى دەرفەتەکا ناوازە دا قوتابیێن وەرزێ شەشێ یێن پلاندانانا جهی بۆ ئەزموونەکا ئەكادیمى یا کویر و ئاڵوگۆڕەکا ب مفا یا کەلتۆرى. ئەڤ پرۆگرامە قۆناغەکا سەرەکى یا رێکەڤتنا هەڤبەشە دناڤبەرا کۆلیژا پلانسازیا شار و هەرێمان ل زانکۆیا دهۆك و زانکۆیا دۆرتمۆند یا تەکنیکی (TU Dortmund)، کو ب شێوەیەکێ کاریگەر پرا د ناڤبەرا تیۆرا پلاندانانا ناڤدەولەتی و جێبەجێکرنا راستەقینە دروست دکەت. د درێژاهیا بەرنامەى دا، راهێنانا هاڤینی ب سەرپەرشتیا د. رزگار موستەفا محەمەد، سەرۆکێ پشكا پلاندانانا جهی ل زانکۆیا دهۆك، و د. یۆهانس لوکێنکۆتەر، ڕێکخەرێ بەرنامەى ژ زانکۆیا دۆرتمۆند یا تەکنیکی ب رێڤەچوو.

گەشتەك د ناڤ دیمەنێن پلاندانانا ئەلمانى دا

بۆ بەرفەرهکرنا دیتنا وان دەربازى پۆلێ، قوتابیان گەشت بۆ سەنتەرێن سەرەکى یێن ئەلمانیا كرن، و ل وێرێ ڤەکۆلین ل سەر لایەنێن تایبەت یێن سیستەمێ پلاندانانا ئەلمانى، گەشەپێدانا باژێڕى، و ژێرخانا دۆمدار كرن.

حەفتیا ١: گرێدانا تیۆرا پۆلێ ب ڕاستیا فرانکفۆرتێ ڤە (١٥ – ٢٢ـی تەباخێ)

د حەفتیا خۆ یا ئێکێ دا ل فرانکفۆرتێ، قوتابیان ب راستەوخۆ مامەلە دگەل شارەزا و پیشەکارێن پلاندانانێ کر. سەرەدانانێ تەكەزی ل سەر بابەتیێن هەڤچەرخ یێن گرنگ د پلاندانانێ دا كر، ژ وان ژى:

• سەنتەرێن زانیاریان و ژێرخانا ژیرییا دەستکرد (AI): شیکارکرنا پێداویستیێن دەڤەرى یێن تایبەت بۆ ئابووریا دیجیتاڵى یا هەڤچەرخ.
• پلاندانانا ئاکنجیبوونێن سەرەکى یێن مەزن: پشکنین د گەشەپێدانا دەڤەرێن ئاکنجیبوونێ یێن نوی و گشتگیر دا.
• ئاکنجیبوونا جڤاكى و کەسککرنا باژێڕى: ڤەکۆلین د ڕێیێن نوی و بەردەوام دا بۆ ژیانا باژێڕى و جهێن گشتى. د درێژاهیا ڤان سەرەدانان دا، هاندانا قوتابیان دهاتە کرن کو نە ب تنێ تەماشەبکەن، بەلكو پرسیاران و دانوستاندنێ و هزربکەن—کو ئەڤێ چەندێ دەرفەتەکا گرنگ دا وان دا کو ب راستەوخۆ ژ ئەزموونا پلاندانانا ئەلمانى فێرببن.

حەفتیا ٢: ژ کەلەپۆرێ تەکنۆلۆژى بەرەڤ گونجاندنا کەشوهەوایى ل دۆرتمۆند (٢٣ – ٢٨ـی تەباخێ)

د حەفتیا دووێ دا، کۆمەڵێ سەرەدانا کارێ مەیدانى کر بۆ نیاسینا پلانسازیا شارسازی د کرداریێ دا ل دۆرتمۆند و مۆنستەر. گەشتێ فۆكسەكا مه‌زن کرە سەر کەلەپۆرێ پیشەسازى یێ ناڤدار یێ دەڤەرا ڕوور (Ruhr) و ڤەگوهاستنا وێ یا پێکهاتەیى یا بەردەوام. خالێن سەرەکى یێن فێربوونێ ئەڤە بوون:

• نویژەنکرنا جهێن پێشەسازى: چاڤدێریکرنا جهێن وەك دەریاچا فینێکس (Lake Phoenix) بۆ تێگەهشتنێ کا چەوا باژێڕ بەرسڤا پێداویستیێن ئابوورى و جڤاكى یێن گوهۆڕى ددەن.
• گونجاندنا کەشوهەوایى: ڤەکۆلین د باخچێن باژێڕى دا و دانوستاندن ل سەر بابەتێن گرنگ یێن وەک لافاوێن ب لەز، گەرما زێدە، و پلانسازیا پشكداریکرنێ بۆ ئاڤادانکرنا پاش کارەساتان.
• هاتن و چوونا چالاك (Active Mobility): شیکارکرنا رێنمایێن هاتن و چوونا ب پایسكلێ و ڤەگوهاستنێ د کرداریێ دا. د رێیێ دا، قوتابیان بەراوردى د ناڤبەرا رێبازێن جیاواز یێن ئاڤادانکرنا باژێڕى دا کر، و هزرکرن کا چەوا مێژوو و ناسنامەیا دەڤەرى "گیانێ جهى" دروست دکەن.

حەفتیا ٣: چارەسەركرنا ئاستەنگێن هەڤچەرخ یێن بەرلین (٢٩ـی تەباخێ– ٤ـی ئیلۆنێ)

قوتابیان حەفتیا خۆ یا دوماهیێ ب دەرئەنجام ب دوماهى ئینا ب حەفتیەکا کویر ل بەرلین، ب تێکەلکرنا زانینا ئەكادیمی یا کویر دگەل ئەزموونا راستەوخۆ یا جهێن باژێرى یێن تایبەت یێن پایتەختى.

• قوتابیان ڤەکۆلین ل سەر مێژوویا گەشەپێدان و پلانسازیا شارسازی یا بەرلین كر، کار دگەل مۆدێلێن باژێڕى کر، و سەنتەرێ مێژوویى یێ باژێڕى ژ ئاڕاستەکێ جیاواز نیاسی د دەمێ گەریانەكا ب بەلەمێ دا. هەروەسا ئەڤێ حەفتیێ دەرفەت دا قوتابیان کو چاڤدێریێ بکەن کا چەوا هزرێن پلاندانانێ دهێنە وەرگرتن بۆ جهـ و تاخێن ڕاستەقینە.
• سەرەدانێن مەیدانى گرنگی دا ئاستەنگێن هەڤچەرخ یێن گرنگ د گەشەپێدانا شارسازی دا، ژ وان ژى ئاکنجیبوون، نویژەنکرنا باژێڕى، ژیانا ب کۆم، ژێرخانا کەسك، و گونجاندنا کەشوهەوایى. بۆ نموونه‌، ل Rummelsburger Bucht، قوتابیان ڤەکۆلین ل سەر هزرا "باژێڕێ ئیسفەنجى" كر و ڕێبازێن نوی بۆ رێڤەبرنا ئاڤا بارانێ. هەروەسا سەرەدانا Friedrichstadt و Park am Gleisdreieck کر دا کو باس ل سەر پەیوەندیا دناڤبەرا ئاکنجیبوون، جهێن گشتى، و دەڤەرێن کەسك بکن.
• ژبلی وانە و سەرەدانان، ئەڤ حەفتیە دەربارەى دانوستاندن، چاڤدێریکرن، ئاڵوگۆڕکرنا هزران، و فێربوونێ بوو ژ ئێك و دو. ئەزموونکرنا بەرلین ب ڕاستەوخۆ تێگەهشتنەکا ب نرخ دا قوتابیان دەربارەى کا چەوا باژێڕەکێ مەزن بەرسڤا هەردوو کەلەپۆرێ خۆ یێ مێژوویى و ئاستەنگێن پاشەرۆژێ ددەت.

بۆ زانیاریێن زێدەنر دەربارەى پرۆگرامێ قوتابخانا هاڤینى، سەرەدانا مالپەرێ مە بکەن: https://crp.uod.ac/departments/spatial-planning/summer-school-in-germany/

گونجاندن دگەل پلانا ستراتیژی یا زانكۆیا دهۆك (2023-2038): ئەڤ هەڤکاریا ناڤدەولەتى ب ڕاستەوخۆ پشتەڤانیا پلانا ستراتیجى یا زانکۆیێ دکەت ب تایبەتى خالێن:

• ناڤدەولەتیکرن و هەڤپەیمانیێن ئەكادیمى یێن جیهانى: ب رێیا بهێزکرنا رێکەڤتنا مە یا درێژخایەن دگەل زانکۆیا دۆرتمۆند یا تەکنیکی.
• فێربوونا کردارى یا قوتابیان: ب دەربازبوون ژ وانەیێن ئاسایى یێن پۆلێ، ئەڤ پرۆگرامە نموونا پێگیریا زانکۆیا دهۆکە ب فێربوونا ئەزموونى.
• کاریگەرییا دەڤەرى و ڤەگوهاستنا زانیاریان: ب ڕێیا هاندانا قوتابیان بۆ گونجاندنا مۆدێلێن پلاندانانا ئەلمانى (وەك حوكمڕانیا پشكداریکرنێ، کەسککرنا باژێرى، و ڤەگوهاستنا گشتى) دگەل چوارچۆڤەیێ دەڤەرێ یێ دهۆکێ و هەرێما کوردستانێ.

بۆ دیتنا وێنەیێن ئەڤى چالاكیێ ل ڤێرێ كلیك بكە

نڤیسینگه‌ها راگەهاندنا زانکۆیێ – ١٣ـی ئیلۆنا ٢٠٢٦ـێ

ئامادەکرن: فاطمە محمود عەلی، ئەلند كەمال عوسمان

وێنەگرتن: رزگار موستەفا محەمەد

پەیڤێن سەرەکی:

زانکۆیا دهۆك | پلاندانانا جهی | مەشقا هاڤینى ل ئەلمانیا | زانکۆیا دۆرتمۆند یا تەکنیکی | گەشەپێدانا دۆمدار | ناڤدەولەتیکرن