ل ڕۆژا دووشەمب، رێکەڤتى ١٦ـى ئیلۆنێ ٢٠٢٤، ل ناڤەندا قوتابین و ب ئامادەبوونا, د. داود سلێمان ئەتروشى سەرۆکێ زانکۆیا دهۆک، و د. نەبەز ئیبراهیم هاریکارێ سەرۆکێ زانکۆیا دهۆک، و ستافێ رێکخراوا (ILO)کو پێکهاتبوون ژ میتو تسوکاموتو سەرۆکا لقا "Employment in Investments" یا رێکخراوا (ILO)ل جنیف سویسرا، و د. مهى قطاع رێکخەرێ وەلاتی یا رێکخراوا (ILO) یا نیڤ دەولەتی ل عیراقێ، و ئەندازیار بشار السامرنە رێڤەبەرێ پروژێ ‏PROSPECTS ل عیراقێ، و ب ئامادەبوونا رێڤەبەرێن رێڤەبەریێنپەیوەندىدار، رێورەسمێن دەرچوونێ بۆ قوتابى و دەرچوویێن زانکۆیا دهۆک یێن خودان پرۆژە یێن پشکدار د بەرنامێ (EIIP) هاتە رێکخستن.

د ڤان رێورەسماندا، د. نەبەز ئیبراهیم هاریکارێ سەرۆکێ زانکۆیا دهۆک دیارکر: زانکۆیا دهۆک بەردەوام ب رێکا پەیوەندى و هەماهەنگیێ دگەل لایەنێن حکومى و نەحکومى ل سەر ئاستێ نافخوىى و نیڤدەولەتى، چەندین پرۆژەیێن هەڤپشک د بۆارێن جودادا ئەنجامدەت، هەروەسا هاریکارێ سەرۆکی زانکۆیێ ئاماژە ب وان پرۆژەیێن هەفپشکێن زانکۆیا دهۆک و رێکخراوا (ILO) ئەنجامدای، کو پێکهاتینە ژ:(پرۆژێ پارکا ئالۆکا، پشکداریا دەرچویێت کۆلیژا پزیشکى د سێ پرۆژەیاندا، پرۆژێ بەرهنگاریبوونا گهۆرینێن کەش و هەواى ب رێکا دارجاندنێ ل کەمپا زانکۆیا دهۆک).

ل دویف دا د. مهى قطاع رێکخەرێ وەلاتی یا رێکخراوا (ILO) یا نیڤ دەولەتی ل عیراقێ، خۆشحالیا خۆ ب ئەنجامدانا ئەڤان پرۆژا دگەل زانکۆیا دهۆک دیارکر، و گۆت: هیڤیخوازین د پاشەرۆژێ بشێین ب هەماهەنگى دگەل زانکۆیا دهۆک پرۆژەیێن گرنگ د بوارێن جودادا ل هەرێما کوردستانێ ئەنجامبدەین.

پاشى، ژلایێ ئەندازیار کوڤان ڤە، ب کورتى باس ل وان پرۆژێن هەفپشکێن زانکۆیا دهۆک و رێکخراوا (ILO) ل پارێزگەها دهۆک هاتینە ئەنجامدان و ژلایێ قوتابى و دەرچوویێن زانکۆیا دهۆک هاتینە سەرپەرشتىیکرن و برێڤەبرن هاتەکرن.

هەروەسا د رۆینشتەکێ دا، قوتابیێن پشکدار باس ل ئەرک و کارێ خۆ کر د وان پرۆژەیاندا، و سوپاسیا زانکۆیا دهۆک کر ژبو پشتەڤانیا وان د ئەڤى پرۆژەىى دا.

ل دویماهیێ ژى، بروانامە ژلایێ هاریکارێ سەرۆکێ زانکۆیی و ستافێ رێکخراوا (ILO) ب پشکدارا هاتنە دان.

بۆ دیتنا دیمەنا ڤێرێ کلیک بکە

راگەهاندنا زانکۆیا دهۆک: ١٧ـى ئیلۆنێ ٢٠٢٤.

حسێن تتمى

فۆتۆ: هەرمان جانگیر