د سەردەمەكید ڤەگۆھاستنا دیجیتالی دیمەنێ فێركرنێ ل جیھنێ دووبارە رێكدئێخیت، زانكۆیا دەلیڤێن باش بۆ پەرەپێدانا فێركرنێ و فێربوونێ و كارگێریێ ھەنە، سەرەرای ڤێ چەندێ چەندین سازی ھەولان بۆ بدەستڤەئینانا شیانێن تمام بۆ ئالاڤێن دیجیتالی د دەن، كو دبیتە ئەگەرێ زێدەكرنا خەرجیان و كێمبوونا داھاتان، ژ بەر ئەڤان ئاستەنگان، زانكۆیا دھۆك ڤەگۆھاستنا دیجیتالی د پلانا خۆ یا ستراتیجی یا درێژخایەن دا دانایە، ب ئارمانجا ئاڤاكرنا جڤاكەكێ ئەكادیمی یێ پێكڤەگرێدای و ب شێوەیەكێ پێشجاڤ و بساناھی.

ل ١٨ـی چریا دووێ ٢٠٢٤، زانكۆیا دھۆك بەردەوامی ب گەشتا خۆ بەرەڤ ب دەستڤەئینانا ئارمانجێن پلانا خۆ یا ستراتیجی یا درێژخایەن دا، ل گەل تەكەزكرن ل سەر ڤەگۆھاستنا دیجیتالی. ئەڤ وۆركشۆپە كو بەرێ بنیاتێ نێرینا زانكۆیێ یا بەرفرەھ بۆ پەرەپێدانا پەیوەندیكرنا و نێرینا جیھانی ب ناڤۆنیشانێ "كاریگەریا داتایێن جۆریا سروشتی و دابەشكرنا سەرمایا پێزانینێن دیجیتالی" ھاتە ئەنجامدان.

وۆركشۆپ ژ لایێ رێڤەبەریا خزمەتێن پێزانینان DOIS ھاتە رێكخستن و ب پشكداربوونا د. دیلان ماجد روستەم ل ئاڤاھیێ پەرتووكخانا ناڤەندی ل كەمپا زانكۆیا دھۆك و ب ئامادەبوونا بەرپرسێن خزمەتێن پێزانینان ل ھەر ١٩ كولیژێن زانكۆیا دھۆك و نوینەرێن سەنتەرێن ڤەكۆلینا و رێڤەبەریا راگەھاندنێ و نڤێسینگەھا سیاسەتێن زانكۆیێ ھاتە ئەنجامدان، كو رەنگڤەدانا پەیوەندیا ل سەر ئاستێ زانكۆیا دھۆك ل گەل دەستپێشخەریێ بۆ ڤەگوھاستنا دیجیتالی دكەت.

دیتنەكا گشتی ل دۆر وۆركشۆپی

ئەڤرۆ د دیمەنێ فێركرنێ یێ پێشكەڤتی دا، كو ڤەگۆھاستنا دیجیتالی ب دووبارە پێكئینانا تێگەھێن فێركرنێ دھێتە ھژمارتن، داتا وەك سەرمایەكا ئێكلاكەر دیاردبیت، لەورا بۆ گەھشتن ب ئەڤێ ڤەگوھاستنێ، زنكۆیا دھۆك ل دویڤ ستراتیژیەتەكا گشتگیر دچیت بۆ ڤەگوھاستنا دیجیتالی بۆ پەرەپێدانا شیانێن خۆ یێن ئەكادیمی و كارگێری. ئێك ژ پێكھێنێن سەرەكی یێن ئەڤێ ڤەگۆھاستنێ ئاساییكرنا داتایێن جۆریێ نە، داكو ھویری و رێكخستنا سەرمایا دیجیتالی یا زانكۆیێ گەرەنتی بكەت و د گەھشتن بۆ وێ یا شیاندا و ب ساناھی بیت. وۆركشۆپ وەكو سەكۆیەكێ بوو بۆ چارەسەركرنا ھەولێن بەردەوام یێن زنكۆیا دھۆك بۆ دیجیتالكرن و ئاساییكرنا داتایان ل گەل شیاندانا فەرمانبەرێن خۆ ژ بدەستڤەئینانا ئەڤێ ڤەگوھاستنێ كو ببیتە ئەگەرێ پەیدابوونا جڤاكەكێ ئەكادیمی یێ دیجیتالی.

ئارمانجێن وۆركشۆپی و بابەتێن سەرەكی

د. دیلان ماجد روستەم تێگەھشتنەكا سەرەكی بۆ گرنگیا داتایێن سروشتی د پێكئینانا سەرمایا پێزانینێن دیجیتالی یێن كوالیتیا بەرز نیشاندا، دیسان ڤەگوھاستنا دیجیتالی د نموونەیێن فێركرنێ دا بەرچاڤكرن، ئەوژی ب رێكا تمامكاریا ژینگەھێن فێربوونێ یێن ئاسایی ب زێدەكرنا رێكا فێركرنا دیجیتالی، كو ئەڤ ڤەگوھاستنە تەكەزێ ل سەر پێدڤیا زانكۆیا بۆ دەستنیشانكرنا ئێكەمیدانا جۆریێ و رێكخستنا داتایێن دیجیتالی.

ئارمانجا وۆركشۆپی دروستكرنا تێگەھشتنەكا سەرەكی یە بۆ گرنگیا ئاساییكرنا داتایا و رۆلێ وان د دروستكرنا سەرمایا پێزانینێن دیجیتالی یێن بھێز كو پالپشتیا نێرینا زانكۆیا دھۆك و جودایی و تایبەتمەندیا ئەكادیمی د سەردەمێ دیجیتالی دا.

رویدانێن سەرەكی

1. تێگەھشتنا خۆدان بەرژەوەندیا و نموومێن فێركرنا پێشكەڤتی:
   • د. دیلان ماجد روستەم تەكەز ل سەر ڤەگۆھاستنا فێركرنێ ژ شێوازێن ئاسایی یێن فەرمی بۆ مودلێ دیجیتالی كر، كو ئەڤ ڤەگۆھاستنە گرنگیا ھەلسەنگاندنا داتایێن ھویر و جۆریا بەرز بۆ پێكئینانا بابەت و خزمەتێن فێركرنێ دیاردكەت.

1. قوناغێن ڤەگوھاستنا دیجیتالی:
   • وۆركشۆپی رێبازا رێكخستی یا زانكۆیا دھۆك بۆ ڤەگوھاستنا دیجیتالی دەستنیشانكر، كو ژ دیجیتالكرنا داتایێن نوكە دەستپێدكەت، ل دویڤدا ئاساییكرنا داتایان بۆ گەرەنتیكرنا وەكھەڤی و ھویری و بساناھیا بكارئینانێ.
   • ئاساییكرنا داتایان بۆ ستافێ ئەكادیمی و فەرمانبەرێن كارگێری ئێكە ژ پێكھێنێن گرنگ یێن ڤەگوھاستنا دیجیتالی یە، كو ل نیسانا ٢٠٢٤ دەستپێكریە و نوكە نێزیكە تمام ببیت.

1. شیاندانا كۆلیژا ب رێكا سەنتەرێن پێزانینان:
   • د. دیلان ماجد روستەم ستراتیجیەتا سەنتەرێ پێزانینا یێ زانكۆیا دھۆك پێشكێشكر، كو دەلیڤێ ددەتە ھەر كۆلیژەكێ كارگێریا سایتێ خۆ یێ تایبەت د سنورێ DOIS دا بكەت.
   • سەمپلەكا سایتێ كۆلیژا پەرستاری CNUR ل سەر سایتێ cnur.uod.ac ھاتە نیشاندان، كو جۆرێن داتایێن پێدڤی بەرچاڤدكەت، دیسان چەوانیا پشكداریكرنا ئەڤان سەنتەران د ھەبوونا زانكۆیێ یا ئێكگرتی و نە ناڤەندی دا روھندكەت.

1. پۆرتفۆلیێن دیجیتالی یێن ئەكادیمی:
   • رۆلێ ADPs د گرێدانا دەستكەڤتێن ستافێ وانەگۆتنێ و ڤەكۆلینا و پشكداریێن فێركرنێ د تورەكا بەرفرەھتردا ھاتە نیشاندا، كو ADPs وەكو كلیلەكێ یە بۆ پەرەپێدانا نێرینا ئەكادیمی یا جیھانی یا زانكۆیا دھۆك، ئەڤ چەندەژی شوین تبلێن دیجیتالی یێن پێكڤەگرێدای یێن ئەكادیمیستێن تاك و سازیێ ھەمی دابیندكەت.

خالێن سەرەكی

د. دیلان ماجد روستەم تەكەز ل سەر ئەوێ چەندێ كر كو ڤەگۆھاستنا دیجیتالی یا زانكۆیا دھۆك گەشتەكا گشتگیرە، كو ستافێ ئەكادیمی و ھەمی فەرمانبەر رۆلەكێ سەرەكی د بەرھەمئینانا ناڤەرۆكا دیجیتالی دا دگێرن و پاراستنێ ل سەر دكەن د سنورێ سیاسەتا زانكۆیێ دا. ئارمانجا گشتگیر شیاندانا ھەر تاكەكی یە بۆ پشكداریكرنێ د پلانا ستراتیجی یا درێژخایەن یا زانكۆیا دھۆك، ھەروەسا پەرەپێدانا روھنیا وێ ل سەر گۆرەپانا جیھانی.

ل دویماھیا وۆركشۆپی داخازا ژ پشكداران كر ببنە پیشەنگ د پەرەپێدانا نەھێلانا نەزانینا دیجیتالی و پشكداریكرنا كارا د پرۆسێسا ڤەگۆھاستنێ دا، ب رێكا ئەنجامدانا ئەڤێ گۆھورین، زانكۆیا دھۆك وەك سازیەكا ھزركرنێ دھێتە پێش و یا بەرھەڤە ئەزموونەكا ئەكادیمی یا بەرھەڤكری د پاشەرۆژێدا دابینبكەت.

پشكداریكرن و ئەنجام

وۆركشۆپی روینشتنەكا ڤەكری بۆ پرسیار و بەرسڤان بخۆڤەگرت، كو پشكدارا ڤەدیتنا لایەنێن كریاری یێن پرۆسێسا ڤەگوھاستنا دیجیتالی كر، دیسان پشكنینا سەمپلا پرۆژەیان كر و دیتنێن روھن ل دۆر سودمەندیا تەكنۆلۆژیایێ بۆ پێكئینانا سیستەمێن ئایكۆلۆژی یێن دیجیتالی بدەستڤەئینان، كو خالێن سەرەكی یێن ل خوارێ بخۆڤەدگرتن:

• دیتنا گەشتا ڤەگوھاستنا دیجیتالی یا گشتگیر، كو ھەمی ئەندامێن زانكۆیێ ب چالاكی ب داتایێن وان ڤە برێڤەدبەت.
• گرنگیا جڤاكێ ئەكادیمی یێ ھەڤرێ ل گەل سیاسەتا دیجیتالكرنێ بۆ پەرەپێدانا دید و ناڤۆدەنگیا زانكۆیێ.
• دەلیڤە بۆ ھەر ئەندامەكێ دەستەیا وانەگۆتنێ و كارگێریێ بۆ پشكداریكرن د ھەبوونا زانكۆیێ یا جیھانی ب رێكا پۆرتفۆلیێن دیجیتالی یێن ئەكادیمی.

دویماھی

ئەڤ وۆركشۆپە پێنگاڤەكا گرنگ بوو د گەشتا ڤەگۆھاستنا دیجیتالی دا ل زانكۆیا دھۆك، كو پەرەپێدانا بەرپرسیارەتیا كۆمی یا فەرمانبەر و دەستەیا وانەگۆتنێ دكەت د بدەستڤەئینانا ئارمانجێن زانكۆیا دھۆك یێن درێژخایەن، ب رێكا پەرەپێدانا جڤاكێ ئەكادیمی یێ ھوشیار ژ لایێ دیجیتالی ڤە، زانكۆیا دھۆك رێخۆشكرنێ بۆ سەربوورەكا زانكۆیێ یا نەرم و گرێدای ب جیھانێ ڤە دكەت. وۆركشۆپ ب پەیامەكا دەنگڤەدای ب دویماھی ھات "ھەر ئەندامەكێ زانكۆیا دھۆك رۆلەكێ سەرەكی د پێكئینانا پاشەرۆژا دیجیتالی یا زانكۆیێ و گەرەنتیكرنا پێگەھێ وێ ل گورەپانا ئەكادیمی یا جیھانی ھەیە".

پشكداری ڤەگۆھاستنێ ببە

زانكۆیا دھۆك داخازێ ژ جڤاكێ خۆ یێ ئەكادیمی دكەت خوداندارییا ئەڤێ گەشتا ڤەگۆھاستنێ بكەن، كو پشكداریێ د پاشەرۆێ دا دكەت بۆ شیاندانا دیجیتالی بۆ زانكۆیێ و خۆدان بەرژەوەندیا.

بۆ دیتنا وێنا سەرەدانا لینکێ ل خوارێ بکە:

https://drive.google.com/drive/folders/1v31zPAWHChhACCJOK_8bMJCRX_9eL1Uk?usp=sharing

راگەهاندنا زانکۆیا دهۆک: ٢٥ـێ چریا دووێ ٢٠٢٥

وەرگێران: ماهر تاهر کێستەىى

فۆتۆ: محەمەد عبدولکریم