ل ریکەڤتی 3ـی كانوونا ئێكێ، 2024، و ل هۆلا سەنتەرێ رەوشەنبیری وجڤاکی، زانکۆیا دهۆک، ب هەڤکاری دگەل زانکۆیا نیویۆرک و پشتەڤانیا پرۆگرامێ نەتەوێن ئێكگرتی یێ پەرەپێدانێ UNDP وۆركشوپەک گرێدا ل دور دامەزراندا تۆرەكا ئەکادیمی بۆ خواندنێن ئاشتیێ ل عیراقێ. ئارمانج ژ وۆركشوپێ ئەو بوو کو پێداچوونا پروگرامێن خواندنێ یێن دەستنیشانکرى یێن نوکە بهێتەکرن د چارچۆڤێ پروگرامێ دبلوما بلند ل خواندنێن ئاشتیێ ل زانکویێن عیراقێ. زێدەبارى پەسەندکرنا پروگرامێن خواندنێن یێن ئێکگرتى کو دبیت بهێنە خواندن ل ڤان زانکۆیان. هەروەسا، ئارمانجا ڤێ وۆرکشوپێ دامەزراندنا تۆرەکێ بوو بۆ خواندنێن ئاشتیێ ل زانکۆیێن هەڤپشک دا ببیتە بنیاتەک بۆ هەڤکاریا پاشەروژێ د بوارێ ڤەکۆلین و وانەگۆتن و پێشئێخستنا پروگرامێن گرێدایی ب خواندنێن ئاشتیێ ڤە.

ژ هەژى ئاماژەدانێ یە كو ئەڤ وۆرکشۆپە بۆ سێ روژان یا بەردەوام بوو و زانکۆیێن دهۆک و مویسل و ئەنبار و نیویۆرک تیدا دپشکدار بوون. ل پێش ڤێ وورکشوپێ ژى زنجیرەیەکا کۆمبوونا برێکا ئەنتەرنێتێ هاتینە کرن ب پشکداریا چوار زانکۆیێن دیتر، ئەو ژى زانکۆیێن بەغداد و فەلوجە و قادسیە و زیقار.

راگەهاندنا زانكۆیا دهۆك، 9ـی كانوونا ئێكێ، 2024

فۆتۆ: محەمەد عەبدولكەریم