پەیمانگەھا چارەسەریا دەروونی و چارەسەریا تراومایێ IPP ل زانكۆیا دھۆك، ب ھەڤكاری ل گەل پەیمانگەھا زانستێن رەوشەنبیری و ساخلەمیێ ل زانكۆیا DHBW، بەرنامەیەكێ راھێنانێ ب رێكا ئونلاین د ماوێ ١٣ تا ١٧ـی چریا ئێكێ ٢٠٢٤ بۆ پالپشتیكرنا بسپۆرێن ساخلەمیا دەروونی یێن ل دەڤەرێن زیان ڤێكەڤتی ژ بیڤەلەرزا سوریا رێكخست.

ئارمانجا بەرنامێ راھێنانێ، پەرەپێدانا تورا ساخلەمیا دەروونی یە، دیسان پەرەپێدانا شیانێن پیشەیی یە ل ھەرێما كوردستانێ و سوریا. ئەڤ بەرنامە ب شێوەیەكێ تایبەت بۆ دەرونناس و جڤاكناس و پزیشكێن دەروونی و بسپۆرێن گەشەكرنا زارۆكا و كارمەندێن دی د بوارێ ساخلەمیا عەقلی دا هاتە رێکخستن، بەرنامێ راھێنانێ ب ھەردوو زمانێن ئنگلیزی و عەرەبی ھاتە پێشكێشكرن، كو بابەتێن سەرەكی وەكو چارەسەركرنا تراومایێ و دەروونناسیا فریاگوزاری و چاڤدێریا دەروونی و جڤاكی بۆ زارۆكا و چارەسەری ب رێكا ڤەگێرانێ، بخۆڤەگرتن. دیسان رێنما و زانیاری ژ لایێ وانەبێژێن پەیمانگەھا چارەسەریا دەروونی و چارەسەریا تراومایێ و فەرمانبەرێن كلینیكی ڤە ھاتنە پێشكێشكرن.

پشكدارێن بەرنامێ راھێنانێ ژ بوار و دەڤەرێن جودا یێن سەرانسەری وەلاتێ سوریا پێشكداربوون، كو نێزیكی ٤٠ كەسا پشكداریەكا كارا د بەرنامەی دا كر، ب ھەبوونا كارلێكرنەكا بێ سنور، بەرنامەی ژینگەھەكا فێركرنێ یا جۆراوجۆر دابینكر.

ھەژی ئاماژەدانێ یە؛ ئارمانجا ئەڤێ ھەولا ھەڤكاریێ پەرەپێدانا شیانێن كارمەندێن بوارێ چاڤدێریا ساخلەمیێ و پەرەپێدانا گونجاوییا دەروونی یا درێژخایەنە، دیسان چارەسەركرنا تراومایێ ل دەڤەرێن زیان ڤێكەڤتی.

راگەهاندنا زانكۆیا دهۆك، ٢٩ـی چریا ئێكێ، ٢٠٢٤

عیسمەت خابور

وەرگێران: ماهر كێستەیی

فۆتۆ: هەرمان جانگیر