ئێکەم پزیشکێ کورد ژ زانكۆیا دهۆك خەلاتێ BAU ل وەلاتێ ئیمارات بدەستڤەئینا
بدەستڤەئینانەكا مێژووی
د. خەڵەف گەرگەری، پزیشكێ تایبەتمەندێ زارۆكان و مامۆستا ل كۆلیژا پزیشكی یا زانكۆیا دهۆك، بوو ئێکەم پزیشکێ کورد کو خەلاتێ ب ناڤودەنگێBAU وەردگریت ل کۆنفرانسێ خەلاتێ BAU و دووەمین کۆنفرانسێ پزیشکیێ عیراقی ل وەلاتێ ئیمارات. ئەڤ هەلكەفته، ل ژێر سەرپەرشتیا بەڕێز شێخ نەهیان بن موبارەک ئال نەهیان، ل دوبەی بڕێڤەچوو ل ٢٤ تا ٢٥ـی کانوون دووێ، ٢٠٢٥. خەلاتێ BAU هەڤتەریبە دگەل بینینا وەلاتێ ئیمارات بۆ خزمەتگوزاریا ساخلەمیا جیهانی و داهێنانێ.
خەلاتكرنا نایابیێ
د. گەرگەری، ب خەلاتێ نایابیێ بۆ پاڵپشتیا ساخلەمیا کۆمەلگەهی هاتە رێزلێگرتن بۆ پشكداریێن وی ل پێشئێخستنا خزمەتگوزاریا ساخلەمی و باشتركرنا گەهشتن ب کۆمەلگەهێ. گرنگیدانا وی ب ڤەكۆلینێن پزیشکی و گەشەپێدانا جیهانا خزمەتگوزاریێن ساخلەمیێ ئەڤ دەستكەفتە بۆ دابین کر. ئەڤ خەلاتە ئاراستەی وان كەسان دبیت یێن عیراقی بن و پشكداریێن گرنگ ل زانست و ساخلەمیا جیهانی دا هەبن.
گرنگترین ئامادەبوویێن بویەرێ
- د. عیماد جەواد، سەرۆكا كۆمیتەیا BAU
- بەرێز موزەفەر جبوری، بالیۆزێ عیراقی ل وەلاتێ ئیمارات
- بەرێز شێخ سالم بن رەكاز عامری
- د. مەريەم مەتەر، سەرۆكا كۆنفرانسێ پزیشكیێ عیراقی یێ دووێ
پەیاما سوپاسگوزاریێ
د. گەرگەری سوپاسیا خۆ دەربڕی و گۆت: "ئەز گەلەك شانازیێ دبەم ب ڤێ دەستكەفتێ، كو رێزێ ل پسپۆڕێن ساخلەمیێ دگریت یێن كو هەوڵ ددەن جیاوازیێ دروست بکەن." خەلاتێ BAU و کۆنفرانسێ پزیشکیێ عیراقی بەردەوام دبن ل دویڤچوونا نایابیێ ل خزمەتگوزاریێن ساخلەمیێ دا و هاندانا نفشێن داهاتی.
پەیڤێن سەرەكی:
- خەلاتێ BAU
- دکتۆر خەلەف گەرگەری
- پزیشکێ کورد
- داهێنانا ساخلەمی
- کۆنفرانسێ پزیشکیێ عیراقی
راگەهاندنا زانكۆیا دهۆك، 26ـی كانوونا دووێ، 2025
فاطمه محمود عەلی