محمد حازم عبدي
کارمەندێ کارگێڕی و ڕێڤەبەرێ مالپەڕی
سلاڤ! ئەز (محمد)م، بەرپرسێ کارگێڕی ل ڕێڤەبەریا خزمەتگوزاریێن پێزانینان (DOIS) ل زانکۆیا دهۆکێ، من ل مەها کانوونا دویێ یا سالا ٢٠٢٥ێ دەست ب کار کرییە ل ڕێڤەبەریا خزمەتگوزاریێن پێزانینان. ب پشتبەستن ب ئەزموونا من یا ب هێز د بیاڤێ زانستێن کۆمپیوتەری و پشتەڤانیا تەکنیکی و کارگێڕی دا، ئەز گەلەک حەز دکەم تەکنۆلۆژیایێ بکاربینم بۆ بلندکرنا کارامەییا ڕێکخستنێ و ب هێزکرنا جڤاکێ مە یێ زانکۆیێ.
ئەز هەلگرێ باوەرنامەیا بەکالۆریۆسێ مە د زانستێن کۆمپیوتەری دا، و د درێژاهییا کاروانێ کارێ خۆ دا من هەوڵدایە شارەزاییێن خۆ د برێڤەبرنا تەکنۆلۆژیایا پێزانینان، سەرکردایەتیکردنا تیمان، و کارگێڕیێ دا بەرەف پێش ببەم. د سالێن بوورى دا، دەلیڤە بۆ من ڕەخسایە کو کار دگەل ڕێکخراو و کۆمپانیێن نێڤدەولەتی دا بکەم، کو تێدا من پشکداری د پشتەڤانیکردنا کارێن تەکنیکی و کارگێڕی دا کرییە، زێدەباری پشکداریکردن د چالاکیێن پەیوەندیێن جڤاکی و برێڤەبرنا داتایان دا.
د کارێ من یێ نوکە دا وەک بەرپرسێ کارگێڕی، ئەز بەرپرسیارم ژ دویڤچوونا نڤیسارێن کارگێڕی و وەرگرتنا داخوازێن فەرمی یێن گرێدای ب دروستکرنا ئەکاونتێن ئیمەیلێ نوو بۆ مامۆستا و فەرمانبەرێن زانکۆیێ. هەروەسا، ئەز وەک بەرپرسێ کارگێڕی و تەکنیکی یێ مالپەڕێ زانکۆیێ، کارێ برێڤەبرنا مالپەڕێ ڕێڤەبەریا خزمەتگوزاریێن پێزانینان ئەنجام ددەم.
ئەز گەلەک یێ ب شەوقم بۆ پاشەڕۆژا گەشتا دیجیتاڵی یا زانکۆیا دهۆکێ، و هیڤیخوازم ب ڕێکا شارەزایی و ئەزموونا خۆ پشکداریێ د گەشەکرن و پێشخستنا دەزگەهێ مە یێ ڕەسەن دا بکەم.