ب مەرەما هایداربوون ل سەر کاری و گەنگەشەکرن ل سەر پلان و پرۆژەیێن پاشەڕۆژێ یێن رێڤەبەریا خزمەتێن پێزانینا ل زانکۆیا دهۆک، ئەڤرۆ رێکەفتی 29ـێ نیسانا 2026، سەرۆکێ زانکۆیێ د. داود سلێمان ئەتروشی، دگەل دلر رێڤەبەر و کادرێ رێڤەبەریێ کۆمبوو.

د کۆمبوونێ دا، سەرۆکێ زانکۆیێ دەستخۆشی ل بزاڤ و کارێن کادرێ رێڤەبەریێ کر، و تەئکید ل سەر وی رۆلێ گرنگ کر یێ رێڤەبەریا خزمەتێن پێزانینا د بوارێ خزمەتێن دیجیتالید زانکۆیێ دا دگێریت. هەروەسا ئاماژە ب وێ چەندێ کر کو ئەڤ رێڤەبەرییە بوویە پێشەنگ و یا جودایە د بکارئینانا تەکنۆلۆژیا پێزانینان و پێشکێشکرنا خزمەتگۆزاریێن تەکنیکی دا.

هەر د وێ کۆمبوونێ دا، گەنگەشەیێن ب مفا د ناڤبەرا سەرۆکێ زانکۆیێ و کادرێ رێڤەبەریێ دا هاتنە ئەنجامدان ل دور میکانیزمێن ستراتیژی یێن دهێنە پەیڕەوکرن، و باس ل پلان و پرۆژەیێن پاشەڕۆژێ هاتە کرن کو ئارمانج ژێ بهێزکرنا وەرچەرخانا دیجیتاڵی و پێشخستنا خزمەتگۆزاریێن تەکنیکی یە ب شێوەیەکێ کو خزمەتا کاروانێ زانستی و کارگێری یێ زانکۆیێ بکەت.