دەربارەی سەنتەرێ زمانان
سەنتەرێ زمانان ل سالا ٢٠١٨ێ، ل زانکۆیا دهۆكێ هاتیە دامەزراندن ب مەرەما پشتەڤانیکرنا داخوازکەرێن خواندنا بلند بۆ پێشڤەبرنا شیانێن زمانێ ئینگلیزی یا پێدڤی بۆ بجهئینانا ئارمانجێن وان یێن ئەکادیمی.
سەنتەر ڕۆلەکێ گرنگ دگێڕیت د هاریکاریکرنا قۆتابیان بۆ دەربازکرنا ئاستەنگێن گرێدایی زمانی ل هەمبەر پێشکەفتنا ئەکادیمی. ب تایبەتی، پشتەڤانیا داخوازکەرێن خواندنا بلند دکەت،ئهوێن ل داهاتی پلانا وەرگرتنا باوەرنامەیێن ماستەر و دکتۆرایێ هەین کو ڕەنگە هەمبەری ئاستەنگیان ببن بۆ دەستڤەئینانا ئاستێن پێدڤی یێن شیانێن زمانێ ئینگلیزی د ئەزموونێن نێڤدەولەتی یێن ناسکری وەک TOEFL, IELTS, و PTE.
ژ بۆ پشتەڤانیکرنا قۆتابیان بۆ ب دەستڤەئینانا ئاستێ پێدڤی ، سەنتەر خولێن شیانێن زمانێ ئینگلیزی ل سەر بنەمایێ پرۆگرامەکێ ڕێکخستی پێشکێش دکەت. خوولێن فێربوونێ یێن نوکە ژ لایێ Imperial English UK دهێنە دابینکرن و ژ چوار ئاستێن فێرکرنا زمانێ ئینگلیزی پێک دهێن.
سەنتەر بەشەکە ژ تۆڕەکا بەرفرەهتر یا سەنتەرێن زمانان د ناڤ زانکۆیێن حکومی دا ل سەرانسەری هەرێما کوردستانێ. ئەڤ سەنتەرە د بن چاڤدێری و ئاڕاستەکرنا کۆمیتەکا بلندە ل ژێر سیبەرا وەزارەتا خواندنا بلند و وڤەکولینێن زانستی ل هەولێرێ.
زێدەباری فێرکرنا زمانێ ئینگلیزی، سەنتەر مژوولی پەیداکرنا دەرفەتانە بۆ قۆتابیان ژ بۆ خواندن و پێشڤەبرنا شیانێن خۆ د زمانێن دی دا، ژ وان ژی کوردی، عەرەبی، فارسی، و تورکی.
ب ڕێکا بەرنامەیێن خۆ یێن پەروەردەیی و پشتەڤانیکرنا قۆتابیان، سەنتەرێ زمانان هەوڵ ددت ژینگەهەکا فێربوونێ یا گشتگیر و چالاک دابین بکەت کو تێدا قۆتابی بشین شیانێن خۆ یێن زمانی پێشڤە ببەن و ب کار بینن بۆ گەهشتن ب ئارمانجێن خۆ یێن ئەکادیمی و پیشەیی.
