ل بن چاڤدێریا د. داود سليمان ئەترووشی، سەرۆکێ زانکۆیا دهۆک، و ب سپۆنسەرییا ئاژانسا GAV یا میدیا دیجیتاڵ، سەنتەرێ ڤەکۆلینێن یەکسانییا جێندەری ل زانکۆیا دهۆک خولەکا راهێنانێ ل ژێر ناڤێ "ب هێزخستنا رۆژنامەڤان و ژنێن ڕاگەهاندنکار" ئەنجام ددەت. ئەڤ دەسپێشخەرییە جەختێ ل سەر رۆلێ گرنگ یێ ژنێن رۆژنامەڤان د ناڤ بوارێ ڕاگەهاندنێ دا دکەت و دانپێدان ب شیانێن وان یێن بهێز د ڤی بواری دا دهێتە کرن.

سەنتەرێ ڤەکۆلینێن یەکسانییا جێندەری دێ میوانداریا بەرنامەکێ راهێنانێ یێ چوار رۆژی کەت کو ئارمانج ژێ بلندکرنا ئاستێ شارەزایی و هوشیاریا ژنێن رۆژنامەڤانە. بەرنامە دێ چەندین بابەتێن تیۆری و کرداری ب خۆ ڤە گریت، ژ وان ژی: یاسا، کارێ میدیایی، رۆژنامەڤانی، و بنەمایێن شارەزایییا پیشەیی. ئەڤ بابەتە دێ ب رێکا سمینار و وانە و چالاکیێن کۆمەل ژ لایێ تیمەکا مامۆستایێن پسپۆر ڤە هێنە پێشکێشکرن.

ئارمانجا سەرەکی یا ڤێ راهێنانێ ب هێزخستنا ژنێن رۆژنامەڤانە ب رێکا ئاڤاکرنا ناسنامەیا وان یا پیشەیی و بەرهەڤکرنا وان بۆ بەرهنگاربوونا وان ئاستەنگێن دکەڤنە د رێکا کارێ وان دا. ئەڤ کارە دێ هاریكار بیت کو پشکدار بشێن بابەتێن جڤاکی ب شێوەیەکێ ئەکادیمی و ئاڤاکەرانە چارەسەر بکەن، ب دویرکەفتن ژ توندوتیژیێ و بەلاڤکرنا تەباییێ.

بۆ زانیاریێن پتر، کلیکێ ل سەر ڤی لینکی بکە: https://web.uod.ac/...

تەوەرێن سەرەکی:

• دەسپێکەک ل دۆر یاسا، ماف، و پێگەهێ ژنێ د ناڤ دەزگەهێن ڕاگەهاندنێ دا.
• گەشەپێدانا کەسایەتییا رۆژنامەڤانی.
• بەرهەڤکرنا راپۆرتێن رۆژنامەڤانی یێن گشتگیر.
• بەرهنگاربوون و دەربازکرنا ئاستەنگێن کارێ رۆژنامەڤانی.

ئارمانج:

• ب هێزخستنا کەسایەتییا رۆژنامەڤانان ب رێکا هەلسەنگاندنێن گشتگیر.
• ئاڤاکرنا رۆژنامەڤانێن پسپۆر.
• بلندکرنا ئاستێ پیشەیی یێ رۆژنامەڤانان ب رێکا رۆژنامەڤانییا پسپۆرانە.
• پێشخستنا میکانیزمێن نوو بۆ کاراکردنا رۆلێ ژنێن رۆژنامەڤان ل سەر ئاستێ ناڤخۆیی و نێودەولەتی.
• هەلسەنگاندن و ب هێزخستنا رۆل و پێگەهێ ژنێن رۆژنامەڤان د میدیایێ دا.

مەرجێن پشکداریێ:

• ئەو ژنێن د بوارێ میدیا و رۆژنامەڤانیێ دا کار دکەن.
• ئەو ژنێن ئارەزوویا کارێ میدیایی هەی و هەلگرێن باوەرنامەیا بەکالۆریۆس یان دبلۆمێ بن.

چاڤدێریا پرۆژەی:

• خاتون ديلين سەردار زوهدی، رێڤەبەرا سەنتەرێ ڤەکۆلینێن یەکسانییا جێندەری، زانکۆیا دهۆک.

رێڤەبەریا پرۆژەی:

• خاتون هۆزان عەبدوڵڵا یوسف، رۆژنامەڤان ل ئاژانسا GAVtv.

رێکخەر:

• سەنتەرێ ڤەکۆلینێن یەکسانییا جێندەری، زانکۆیا دهۆک.
• سەنتەرێ راهێنانا پێداگۆجی و گەشەپێدانا ئەکادیمی، زانکۆیا دهۆک.

سپۆنسەر:

• ئاژانسا GAVtv یا میدیایی.