ڕۆژا 8ێ ئادارێ ئەو ڕۆژە کو ژ لایێ هەمی گەلێن جیهانێ ڤە هاتە نووژەنکرن ژ بو بڕێڤەبرنا وێ ڕۆژا ئێش و ژان ئەوا تێدا گەلەک توندوتیژیێن ترسناک دژی ژنان هاتبنە کرن یێن داخوازا مافێن خۆ یێن وەکهەڤ دگەل پیاوان د وارێ کاریدا کری، ئەو ڕۆژا کو ب سەدان ژن ل سەرانسەری جیهانێ ب هەلویست خستن بۆ دەستپێکرنا تێکۆشینا خۆ ژ بو گوهۆڕینا سیاسەتێن جڤاکی ل دۆر پەراوێزخستن، توندوتیژی، ، کوشتنا ژ بو نامووسێ، و هەمی تشتێن ب ڤەگوهاستنا کریارێن مرۆڤاتی دژی وان، ئەو سیاسەتێن کو بووینە سەدەمێ ستەمکاریا ژنان و ب هەژارکرن و استغلالکرنا شیانێن وان د کار و بارێن بێ بهایێ مادی و مەعنەوی، و ئەڤ کریارە ب ڕێکا سیستەم و پەیڕەوێن جڤاکی، کەلتووری و سیاسی یێن جڤاکان هاتنە دروستکرن یێن کو کەلتوورێن وان د داپۆشراوی نە ب نەوەکهەڤیا و ژ دەستدانا دادپەروەرییا جڤاکی ب هەمی پێڤەران.

هەمی ئەڤ کریارێن کو بووینە سەدەمێ چەوساندنا ژنان ل درێژاهیا سالان و بێبارکرنا وان ژ مافێن مرۆڤایەتی یێن ژیانەکا پڕ ژ ژیان و ساخلەمییا جڤاکی، بووینە سەدەمێ کو ب سەدان کەسایەتیێن ئاکادێمی و چالاکڤان ل جیهانێ دەست ب تێکۆشنەکە جدی بکەن ژ بو گوهۆڕینا وان سیاسەتێن کو ژن ل هەمی ئاستا پەراوێزخستن و چالاکیێن وان ل ژینگەهێن جڤاکی یێن تەنگ ڤەگۆهاستن، و ب ڤێ چەندێ ژن ژ تایبەتمەندیێن وان یێن مرۆڤاتی هاتنە بێبارکرن، و دەهسالیێن دووماهیێ ب چالاکیێن کو بووینە سەدەمێ گوهۆڕینا سیاسەت و قانوونان هاتنە ڕازاندن. گەلەک وڵات پشت بەستن ب بنەمایێن بنەڕەتی یێن مافێن مرۆڤی ل گورەی پەیمان و ڕێککەفتنێن نێڤدەولەتی کر، و ڕێککەفتنا (سیداو - CEDAW) شییا کار بکەت ژ بو گوهۆڕینا وێنەیێ نەجوان یێ ژنێ، و بهێزکرنا وەکهەڤیا ڕەگەزی، یا کو دادپەروەرییا جڤاکی و ئاشتییا جڤاکی د ناڤبەرا هەمی تاقمان دا مسۆگەر دکەت، ب تایبەتی وەکهەڤیا ڕەگەزی.

لێئین!!! ل دەمێ کو ئەم د سەدێ بیست و یەکێ دا دژین، ژن ل جڤاکێن مە، سەرەڕای کوشندەبوونا توندوتیژییا جڤاکی و سیاسی، هەروەسا هێشتا قوربانیێن توندوتیژییا جنسي و هەمی کریارێن نەمرۆڤایەتی یێن ژ لایێ گرووپێن تیرۆرستی ڤە دژی وان هاتینە کرن، و باشترین شاهدی بۆ وێ ڕویدانێن 3/8/2014 نە، ل دەمێ ژنێن کوردی یێن ئێزدی -یەکا ژ مەزنترین قوربانیان بوو- شییا دەنگێ خۆ بلند بکەت بۆ جیهانێ ژ بو ڕاگەهاندنا ئازارا خۆ و دیارکرنا وان کریارێن دژی وێ هاتینە کرن، ئەڤە هەمی بێرەنگ بوون کو دەنگێن چالاکڤان و ئاکادێمیان ل هەرێمێ کۆم ببن ب ڕێکا کارکرنێ بۆ ب دووماهی ئینانا هەمی شێوازێن توندوتیژییا دژی ژنان و پێدڤییا بجهئینانا بڕيارا جڤاتا اسایشێ ya نێڤدەولەتی ژمارە 1325، یا کو پاراستنا ژنان و پێدڤییا پەسەندکرنا سیاسەتان ب خۆڤە دگرت ژ بۆ مسۆگەرکرنا پشکداریکرنا وان د ئاڤاکرنا ئاشتیێ دا ل عێراقێ و جڤاکێن کوردی.

و ئەڤڕۆ، دەزگەهێن ئاکادێمی پشکدار بوون ببنە پلاتفۆرمەکا چلتووری یا کو هەمی هەولێن خوە یێن زانستی و ئاکادێمی د خزمەتا مرۆڤان ژ هەردو ڕەگەزان دا کۆم دکەت، و سیاسەتان پەسەند دکەت یێن کو وەکهەڤیێ مسۆگەر دکەن، دەرفەتان دابینکەن و ژنان بهێز بکەن ژ بو گەهشتنێ ب ژێدەران ل ژینگەها ئاکادێمی دا کو ڕەنگڤەدانا ل سەر جڤاکی ب ئاوایەکێ ژ ئاوايان هەبیت، و ب ڤی ئاوایی زانکۆیا دهۆک بوویە ئەو دەزگەهێ ڕۆلەکێ گرنگ د ئاڤاکرنا مرۆڤەکێ باوه‌ردار ب مافێن مرۆڤی و ئاشتیێ دا دگێریت ژ بەر کو ئەو ب تنێ رێکا بەردەوامیدانا پەرەپێدانا بەردەوامە ل هەمی کەرتان و بمانا وان.

سەنتەرێ خواندنێن یەکسانی یاجێندەری

زانکۆیا دهۆک