١. دكتۆر داوود سلیمان ئهتروشی، سهرۆكێ زانكۆیا دهۆك، كو ههر ژ دهستپێكێ بیرۆكا دامهزراندنا سهنتهری وهرگرتی و بزاڤهكا زور كری داكو ئهڤ سهنتهره رۆشنایێ ببینیت ب وهرگرتنا رهزامهندیا فهرمی ل وهزارهتا خاندنا بلند و ڤهكۆلینێن زانستی ل ههرێما كوردستانێ (فهرمانا وهزاری یا ژماره ٨٥٤٢ ل رێکەفتی ٨/٥/٢٠٢٤).
پێكهاتهیا رێكخستنێ یا سهنتهری
سهنتهر ژ ڤان دهستهیێن بنهرهتی پێك دهێت:
ئێكهم: دهستهیا دامهزرێنهر:
ئهڤ دهستهیه ژ ڤان بهرێزێن ناڤێن وان ل خارێ پێك دهێت:
١. دكتۆر داوود سلیمان ئهتروشی، سهرۆكێ زانكۆیا دهۆك، كو ههر ژ دهستپێكێ بیرۆكا دامهزراندنا سهنتهری وهرگرتی و بزاڤهكا زور كری داكو ئهڤ سهنتهره رۆشنایێ ببینیت ب وهرگرتنا رهزامهندیا فهرمی ل وهزارهتا خاندنا بلند و ڤهكۆلینێن زانستی ل ههرێما كوردستانێ (فهرمانا وهزاری یا ژماره ٨٥٤٢ ل رێکەفتی ٨/٥/٢٠٢٤).
٢. دكتۆر سلوان رشید شنگالی، دبلوماتكار ل وهزارهتا دهرڤه یا عیراقێ، و خودانێ بیروكا بنهرهتی ئهوێ ههمی پشتهڤانی پێشكێشكری ژ پێخهمهت دامهزراندنا ڤی سهنتهری داكو ببیته پلاتفۆرمهكا ئهكادیمی یا ڤهكۆلینان یا تایبهتمهند ب كاروبارێن فیدرالی ل عیراقێ.
٣. دكتۆر نجم الدین محی الدین یاسین، رێڤهبهرێ سهنتهری، ئهوێ پشكداری كری، ب ههڤكاریا گهلهك ژ مامۆستا و كهساتیێن ئهكادیمی و سیاسی، ل دانانا بهرێ بنیاتی یێ ڤی سهنتهری ژلایێ رێكخستنێ و كارگێری ڤه و دارشتنا بهرنامێ زانستی یێ سالانه یێ سهنتهری و ب پشكداری و پالپشتیا راستهوخۆ ژ سهرۆكاتیا زانكۆیا دهۆك.
دووهم: جڤاتا شیرهتكاری:
ئهڤ جڤاتە ژ كۆمهكا دیاركری یا پسپۆر و كهساتیێن ئهكادیمی و سیاسی و رهوشهنبیری ژ ناڤخۆ و دهرڤهی عیراقێ پێك دهێت، ئهون یێن شارهزایی و ئهزموون و زانیاری ههین و گرنگی پێدهرێن كاروبارێن سیاسینه و ئهوان پشكداریهكا جدی و توكمه دڤی بیاڤی دا یا ههی. ئهركێ ڤێ جڤاتێ یێ سنوردار كریه ل پێشكێشكرنا ئاموژگاریان سهبارهت دارشتنا سیاسهتا سهنتهری و پشتگیری كرنا چالاكیێن وی و ههروهسا مفا وهرگرتن ژ سهربورا وان ل بجهئینانا بهرنامێ زانستی یێ سهنتهری و ئاڤاكرن و پهرهپێدانا شیانێن وی یێن زانستی.
سێیهم: جڤاتا زانستی:
ئهڤ جڤاتە پێك دهێت ژ كۆمهكا ئهكادیمیان ل بیاڤێ یاسایی و سیاسی ب تایبهت پسپۆرێن یاسایا دستوری و سیستهمێ سیاسی كو ناڤدارن ب شیانێن خۆ یێن زانستی و د رژد و بابهتینه دبیاڤێ ڤهكۆلینێن زانستی دا، ئهركێ ڤێ جڤاتێ دانانا بهرنامێ سهنتهری و پلانا وێ یا سالانه و ههیڤانه و دیاركرنا بابهت و وان پرسێن دێ خاندن و ڤهكۆلین ل سهر هێنه كرن، زێدهباری گێرانا كۆنفرانس و كور و مێزگهردێن دانوستاندنێ، ههروهسا دێ كار كهن دچارچووڤێ گرۆپێن خاندن و ڤهكۆلینان دا ئهوێن دێ هێنه پێكئینان ل دویف بهرنامێ سهنتهری و خشتێ چالاكیێن وی یێن زانستی.
چارهم: دهستهیا كارگێری:
ئهڤ دهستهیا پێك دهێت ژ رێڤهبهرێ سهنتهری و سهرۆكێن یەکەیێن زانستی ئهوێن دێ سهرپهرشتیێ ل سهر بجهئینانا بهرنامێ سهنتهری یێ سالانه كهن ب ههڤكاری دگهل دهستهیا زانستی ههر ئێك ل دویف وی ئهركێ پێ دهێته راسپاردن. ئهڤ جڤاتە وان فهرمانبهرێن كارگێری ژی بخۆڤه دگریت ئهوێن كار دكهن بۆ ئاسانكرنا كارێ سهنتهری یێ رۆژانه و كارێ وی یێ كارگێری رێك دئێخن، ئهڤهژی دێ د چارچووڤێ میلاكێ فهرمی یێ سهنتهری دابن.
سهنتهر ژ ڤان یەکەیێن سهرهكی پێك دهێت:
یەکەیا خاندن و ڤهكۆلینێن زانستی
ئهركێ ڤێ یەکەیێ دویفچوون و سهرپهرشتیا وی كاریه یێ دهێته كرن ژ خاندن و ڤهكۆلین و كومكرنا داتایێن مهیدانی و راپرسی و راوهرگرتنان ژلایێ گرۆپێن ڤهكۆلینان یێن تایبهتمهند كو دێ هێنه دیاركرن ژلایێ دهستهیا زانستی یا سهنتهری ڤه و ژ دهرڤهی وێ ژی و ل دویف بهرنامێ سالانه یێ كارێ سهنتهری و چالاكیێن وی و پێدڤیا ب پسپۆریان دبیاڤێن جودا دا.
یەکەیا كۆر و بازنێن دانوستاندنێ
ئهركێ ڤێ یەکەیێ سهرپهرشتی كرنه ل سهر وی كارێ سهنتهر پێ رادبیت ژ كۆنفرانس و كۆر و وورگشۆپێن تایبهتمهند و بازنێن دانوستاندنان و كار كهن ل سهر دابینكرنا ههمی پێداویستیێن تهكنیكی و لوجستی یێن پێدڤی بۆ ڤان جۆره چالاكیان و ل دویف بهرنامێ سهنتهری بۆ ههر بویهرهكا نوی كو پێدڤی بیت سهنتهر چالاكیهكا زانستی ل دۆر ئهنجام بدهت.
یەکەیا پهیوهندیێن گشتی و راگههاندنێ
ڤێ یەکەیێ ئهركێ وێ رێكخستن و برێڤهبرنا پهیوهندیێن دهرڤه یێن سهنتهریه دگهل دهزگههێن ئهكادیمی و سهنتهرێن ڤهكۆلینان و رێكخراوان (عیراقی و عهرهبی و نێڤدهولهتی) ئهوێن پهیوهندی ب كاروبارێن فیدرالی ڤه ههی و ههماههنگیێ دگهل كهن بۆ ئهنجامدانا چالاكیێن ههڤپشك و سهرهدانان داكو مفا ژ سهربورا وان بهێته وهرگرتن دڤی بیاڤی دا، زێدهباری كارێ وان یێ سهرپهرشتی كرنا ههر تشتێ كو پهیوهندی ب راگههاندنا سهنتهری و چالاكیێن وی ڤه ههی، ههروهسا بۆ بابهتێن گرێدایی كاروبارێن وهرگێران و چاپ و بهلاڤكرنێ.