زانكۆیا دهۆك، ١٤ـی گولانا ٢٠٢٦ | نڤیسینگەها راگەهاندنا زانكۆیێ (UNPO)

وەك پشكەك ژ پێگیریا خۆ بۆ پێشخستنا دیالۆگا ئەكادیمی و هۆشیارییا سڤیل، سەنتەرێ

خواندنێن فیدرالیزمێ ل زانكۆیا دهۆك ب هەڤكاری ل گەل كوژیێ ئەمریكی ل زانكۆیا

دهۆك وۆرکشۆپەكا تایبەتمەند ل دۆر ڕەهەندێن تیۆری و پراكتیكی یێن فیدرالیزمێ بۆ

قوتابی و مامۆستایێن كۆلیژا زانستێن سیاسی ل زانكۆیا دهۆك ڕێكخست.

وۆرکشۆپ بۆ قوتابیێن هەردوو پشكێن كۆلیژا زانستێن سیاسی هاتبوو ڕێكخستن كو ئەڤەنە:

- پەیوەندیێن ناڤدەولەتی و دبلۆماسی

- سیستمێن سیاسی و سیاسەتێن گشتی

د روینشتنان دا، گەنگەشەیێن كارتێكەر ل دۆر گرنگیا سیستەمێ فیدرالی بۆ عێراقێ و

هەرێما كوردستانێ و ئەگەرێن مێژوویی یێن ل پشت پەسەندكرنا فیدرالیزمێ و كێشە و

ئالنگاریێن سەرەكی یێن سیاسی و سازیاتی یێن كو كاریگەریێ ل سەر بجهئینانا وێ دكەن

هاتنە ئەنجامدان.

ئەڤ چالاكییە پشكەكە ژ بەرنامەیێن ئەكادیمی یێن بەردەوام یێن سەنتەرێ خواندنێن

فیدرالیزمێ كو ئارمانج ژێ ئەڤەنە:

- بلندكرنا ئاستێ هۆشیاریێ ل دۆر سیستەمێن حوكمڕانی و دەستووری

- هاندانا دیالۆگا سیاسی یا ڕەخنەیی دناڤبەرا گەنجان دا

- بهێزكرنا پشكداریا مەدەنی و ئەكادیمی د پرسێن نیشتمانی دا

ب ڕێكا ڤان دەستپێشخەریان، زانكۆیا دهۆك بەردەوامە ل سەر بهێزكرنا رۆلێ خۆ وەك

سەنتەرەك بۆ نایابیا ئەكادیمی و دیالۆگا سیاسەتان و پەروەردەیا ئاراستەكری بۆ

خزمەتا جڤاكی.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ، 14ـی گولانێ، 2026
راپۆرت: فاطمە محمود علی
وێنە: محەمەد ع. تاهر

پەیڤێن سەرەكی: وۆرکشۆپا فیدرالیزمێ ل زانكۆیا دهۆك، زانستێن سیاسی ل

زانكۆیا دهۆك، خواندنێن حوكمڕانیێ ل كوردستانێ، هۆشیاریا فیدرالی ل عێراقێ،

سەنتەرێ خواندنێن فیدرالیزمێ ل زانكۆیا دهۆك.