شرين صالح حسن
هاریکارێ پرۆژەیی
چالاکڤانەکا بوارێ ئاڤاكرنا ئاشتیێ و مافێن مرۆڤە، و خودان ئەزموونەکا بەرفرەهە د کارێ ڕێکخراوێن نەحکومى مرۆڤایەتى، و دەسپێشخەریێن ئەکادیمى یێن ئاشتیێ دا. نوکە وەک هاریکارا پرۆژەیان ل سهنتهرێ خواندنێن ئاشتيێ و چارەسەرکرنا ململان ل زانکۆیا دهۆک کار دکەت، و 5 ساله پشتگیریا بجهئینانا پرۆژەیێن ئاڤاكرنا ئاشتیێ یێن چ دکەت. خودان پتر ژ ١٠ سالێن ئەزموونا کارکرنێ یە دگەل ڕێکخراوێن نهحكومى و جڤاکێ مەدەنى، و کارێ وێ یێ نوکە ل سهنتهرى پابەندبوونا وێ یە بۆ ئاشتى و دادپەروەرییا جڤاکى.
تەوەرێ سەرەکى یێ کارێ وێ پێکدهێت ژ هەماهەنگیا چالاکیێن پرۆژەیان، ئامادەکرنا ڕاپۆرتێن بەخشینەران، و ڕێکخستنا ڕاهێنانان بۆ گەنجان. ب ڕێکا ئەڤان بەرنامەیان، وێ شيايه د گەهشتن و پشکدارکرنا پتر ژ ٥٠٠ گەنجان دا.
شرین ب شێوەیەکێ چالاک پشکدارى د کارێن داکۆکیکردنێ ێن نشتیمانى و نێڤدەولەتى دا کریە , ژوان ژى ئامادەکرنا ڕاپۆرتا UPR, ل سالا 2024 هاتە هەلبژاردن بۆ پشکداریکردنێ د خولا پێشوەخت يا عيراق ل جنێڤ کو تێدا دگەل دیپلۆماتکار و شاندێن نێڤدەولەتى کۆمبوو دەربارەى بابەتێن توندوتیژیا جێندەرى و پشکداریا ژنان د ئابوورى دا.
ناڤبرى هەڵگرا بڕوانامەیا بەکالۆریۆسێ یە د بوارێ وەرگێڕانێ دا ژ زانکۆیا دهۆک (ئێک بوویە ژ سێ قوتابیێن ئێکێ یێن دەرچووى)، هەروەسا پشکدارى د بەرنامەیەکێ ئالوگۆڕا ئەکادیمى دا کریە دگەل زانکۆیا ( Justus-Liebig-Universität Gießen — JLU )، ل ئهلمانيا کو تێدا تەوەرێ سەرەکى پشکداریا ژنان بوو د دیالۆگ، دانوستاندن، و پرۆسەیێن ئاشتیێ دا.