ل چوارچۆڤێ پرۆژێ "بهێزكرنا گه‌نجان ژهه‌می پێكهاته‌یێن جودا جودا بو به‌ره‌پێدانا گفتوگو،هه‌ڤكاری، ئاشتی ئێكگرتنا جڤاكی ل سه‌ر بنه‌مایێ رێبازا  مافێن مروڤی ل قه‌زایا سێمێلێ"، ئەڤرۆ روونشتنەکا راوێژکاری یا تایبەت بۆ چالاککرنا میکانیزمێن پەیوەندیکرنێ د ناڤبەرا گەنجان و سەنتەرێن بڕیارداینا حکومی و پشکداریکرنا گەنجان د بڕیارداینێ دا هاتە ئەنجامدان، ژ لایێ سەنتەرێ خواندنێن ئاشتی و چارەسەرکرنا ململانێ ل زانکۆیا دهۆک بەرهەڤکرن بۆ هاتبوو کرن، ب پشتەڤانیا رێکخراوا لوثه‌ر یا جیهانی (LWF).

د کۆمبوونێ دا جێگرێ پارێزگارێ دهۆکێ به‌رێز (شەمعون شلمون)، رێڤەبەرێ پولیسێن جڤاکی ل سێمێلێ عەقید (جەدعان میرانی)، نوێنەرێن نوسینگه‌ها مافێ مروڤی ل دهۆکێ، و پشکێن پەیوەندیدار ل قەزا سێمێلێ ئامادە ببوون. پشکداربووان بەحس ل ڕەوشا میکانیزمێن پەیوەندیکرنێ د ناڤبەرا جڤاکی و دامودەزگەهێن حکومی یێن پەیوەندیدار دا کر، دگەل میکانیزمێن چالاککرنا ڤێ پەیوەندیێ ژ بۆ ئاڤاکرنا باوەریێ و مسۆگەرکرنا پشکداریکرنا گەنجان د دەستنیشانکرن و دانانا بڕیاران دا.