هەلسەنگاندنا هەگبا مامۆستای
ههگبهی مامۆستا وپرۆسێسا ههلسهنگاندنا سالانه
ههگبهی مامۆستا پێك دهێت ژ سهرجهم پێزانين وباوهرنامێن چالاكيێن ئهكاديمی وشيانێن زانستی وداهێنان يێن هاتينه ئهنجامدان ژ لايێ مامۆستای بۆ دهمێ سالهكا خواندنێ.
ئارمانجێت سهرهكی يێت دروستكرنا ههگبهی مامۆستا:
- هاندانا مامۆستای بۆ خزمهتهكا باشتر د بوارێ فێركردنێ دا وبلندكرنا ئاستێ كواليتی.
- ههلسهنگاندنا شيان وچالاكيێت مامۆستای ژبۆ پاراستن وبهرزكرنا رۆلی وی يێ بهرچاڤ.
- هاريكاريا مامۆستای بۆ دهستنيشانكرنا خاڵين بهێز ولاواز وديتنا رێكێن چارهكرنێ ونههێلانا كێماسيا.
ناڤهروكا ههگبهی مامۆستا
- ژيانناما مامۆستای (CV)
- كورتيهك ل دور پرۆفايلی مامۆستا (پێتڤی يه مامۆستا بخۆ بنڤيسيت)
- باكگراوندێ زانستی يێ مامۆستای وكورتيهك لدور بوارێ بسپۆريێ.
- روونكرنهك بۆ فهلسهفه وبوچوونێت مامۆستای لدور ميكانيزم و چهوانيا بلندكرنا ئاستێ كواليتيا خواندن وفيركردنێ دبوارێ بسپوريا وی دا.
- كورتيهك لدور كۆرس وبابهتێن بۆ قوتابيا پێشكێش دكهت د بوارێ بسپوريا خۆدا.
- ژمارا قوتابيێن وان پۆلێن مامۆستا وانهيا بۆ پێشكێش دكهت.
- خشتهی بابهت، ناڤ ونيشان، مێژوو ودهمژمێرێت وانهيا.
- جۆری ئهزمونا، پرسيار وبهرسڤێت نموونهيی وچهوانيا دابهشكرنا نمرا.
ميكانزما ههلسهنگاندن
كۆمكرن و دروستكرنا پێزانين وبهلگهناما د فولدهرێكی تايبهت دا ئهركێ مامۆستايه، و پێتڤی يه مامۆستا بهری دوماهيا ههيڤا نيسانێ ههگبهی خۆ پێشكێش بكهت بۆ رێكخهرێ بهشی كو برێكهكا نهێنی وب ئيمزا (ذمة) پێشكێش بكهت بۆ ئهندامێت ليژنا ههلسهنگاندنێ ژبۆ هندێ كو ههر ئهندامهك ب شێوهكێ نهێنی فورمی ههلسهنگاندن پر بكهت. بهرامبهر ههر برگهيهك ب شێوهيهكی بابهتانه و لدويف بهلگهناما پلا (1 تا 5) پێ ی بدهت.
رێكخهرێ بهشی دێ رابيت ب كومكرنا ههلسهنگاندنێت سهرهكی ودئهنجامدا دێ فورما دوماهيێ ئامادهكهت كو بريتيه ژ رێژا ئاستێن سهرهكی بۆ ههر برگهيهكێ وكورتيهك لدور تێبينيا. فورمێن سهرهكی دگهل فورما دوماهيێ دگهل ههگبهی مامۆستا دێ هێنه پاراستن ل لايێ رێكخهرێ بهشی.
ليژنا ههلسهنگاندنا ههگبهی مامۆستا
ليژنا ههلسهنگاندنا ههگبهی مامۆستا ژ ئهندامێت ل خوارێ پێك دهێت:
- سهرۆك بهش (سهرۆكێ ليژنێ). دهمێ ههلسهنگاندنا ههگبهی سهرۆكێ بهشی يان راگرێ کۆلیژێ، پێتڤی يه سهرۆكێ ليژنێ خودان پلهيهكا بلندتر بيت ژ سهرۆكێ بهشی.
- رێكخهرێ بهشی یێ دڵنیایی جۆری.
- رێكخهرێ سهرهكی يێ کۆلیژێ يان نوينهرهكێ وی (ئهندامهكێ ليژنا دڵنيايی جۆری ل کۆلیژێ).
- رێڤهبهرێ هۆبا زانستی و خواندنا بلند ل سهر ئاستێ کۆلیژێ.
- مامۆستايهكێ خودان ئهزمون ب پلا پرۆفيسۆر يان پرۆفيسۆرێ هاريكار ژ دهرڤهی بهشی، كۆ پێدڤی يه جڤاتا کۆلیژێ بريارێ ل سهر بدهت و مهرج نينه مامۆستا ژ ههمان کۆلیژێ بیت يان ههمان بوارێ خواندنێ بيت، لێ باشتره.
پێدڤی يه پلهيا مامۆستايێ ههلسهنگێنهر بلندتر بيت ژ پلهيا مامۆستايێ دهێته ههلسهنگاندن يان وهكی وێ بيت.
مامۆستايێ د هێته ههلسهنگاندن ئامادهی كومبونێت ليژنێ نابيت
پشتی بدوماهيك ئينانا پرۆسێسا ههلسهنگاندنێ و بهرامبهر ههلسهنگاندنی ههگبهی ههر مامۆستايهكێ، دهمژمێرهك دێ هێته هژمارتن وهك چالاكی بۆ ههر ئهندامهكێ ليژنێ بۆ بهرنامێ زانستيخوازی بهردهوام. كۆيێ دهمژمێرێت هژمارتی نابيت ژ چوار (4) دهمژمێرا بوريت.
كومبوونا ليژنا ههلسهنگاندنێ
ليژنا ههلسهنگاندنێ سالانه د ههيڤا خزیرانێ (٦) كومبوونا خۆ گرێدهت وتێدا پێزانين ودوكيومێنێت دناڤ ههگبهی مامۆستا دا دهێنه ههلسهنگاندن وفورما دوماهيێ يا ههلسهنگاندنێ دهێته ئيمزا كرن. كۆنووسا كومبوونێ دێ هێته ئامادهكرن ژلايێ رێكخهرێ دڵنيايی جۆری ل بهشێ زانستی.
پێتڤی يه د كارێ ليژنێ دا دوپات ل سهر هاريكاريا مامۆستای بێته كرن بۆ نههێلانا خاڵێت لاواز وبلندكرنا ئاستێ وی وباشترين كواليتی پێشكێشی قوتابيا بكهت. هەلسەنگاندن بشێوێ ئونڵاین دهێتەکرن و ب رێیا سیستەمێ تایبەت ب دڵنیایی جۆری، ههروهسا پێتڤی يه ليژنا ههلسهنگاندنێ تێبينی و رهخنه وپێشنيارا توماربكهت بۆ ههر مامۆستايهكێ بێته ههلسهنگاندن ژبۆ وێ چهندێ وهك فيدباك مامۆستا پێش وهخت مفايێ ژێ بينيت.
پشتی ب دیماهی هاتنا پرۆسا هەلسەنگاندنێ، فورما دوماهيێ يا پهسهند كری دگهل كۆنووسێت كومبوونا يێت ليژنا ههلسهنگاندنێ برێكا رێكخهرێ گشتی يێ فاكولتيێ وبنهێنی دێ هێنه دان بۆ دهستێ راگرێ فاكولتيێ و برێكا وی دێ هێنه پێشكێش كرن بۆ جڤاتا کۆلیژێ بۆ پێداچوونێ وپەسەندکرنا هەلسەنگاندنا بۆ مامۆستای هاتیەکرن.
پشتی ئەنجامدانا هەلسەنگاندنێ
پێش دوماهيا ههيفا خزيرانێ و ب ئامادهبوونا رێكخهرێ سهرهكيێ کۆلیژێ، جڤاتا کۆلیژێ دێ ب ئەرکێن ل خوارێ ئهنجام د دهت:
1- پێداچوونهك سهر ههمی كۆنووسێت ليژنا ههلسهنگاندنێ دگهل فورمێت دوماهيێ. ئهگهر ليژنا ههلسهنگاندنێ هندهك بابهت يهكلا نه كربن، جڤاتا کۆلیژێ دێ بريارێ ل سهر دهت.
2- لدويف ئهنجامێن مامۆستای بدهستڤه ئيناينن، دێ بريار سهر ئێته دان. پاش وهخت، بريارێن جڤاتێ دگهل فورمێن دوماهيێ بنهێنی دێ هێنه دان بۆ مامۆستای.
3- پێدڤی یە بريارێن جڤاتا زانکۆیێ د گونجای بن دگهل پهرژهوهنديا مامۆستا وقوتابی، وپێتڤی يه مامۆستا ڤان بريارا بجهبینیت.
4- جڤاتا کۆلیژێ مافێ ههی دويف چوونێ بكهت كۆ پرۆسێس بشێوهيهكێ بابهتانه هاتيه ئهنجامدان و ليژنا ههلسهنگاندنێ بشێوهيهكێ دروست بكارێ خۆ رابويه، لێ جڤاتێ ماف نينه دهستكاری ل سهر ئهنجاما بكهت بهلكی پێتڤی يه بزويترين وهخت ڤان ئهنجاما پهسهند بكهت وبۆ رێڤەبەریا دڵنیایی جۆری ل سەرۆکاتیا زانکۆیێ بێنە رەوانەکرن.
مافێ مامۆستايێ دهێته ههلسهنگاندن
ئهو مامۆستايێ دهێته ههلسهنگاندن ماف نينه دهست كاريێ د پرۆسێسا ههلسهنگاندنێ دا بكهت يان پرسيارا بوچوونێت ليژنا ههلسهنگاندنێ بكهت يان گلهيی لێ بكهت.
مامۆستای مافێ ههی چاڤپێكهتنێ دگهل سهرۆكێ بهشی بكهت ژبۆ باسكرنا پێزانين وبهلگهيا ودياركرنا ئاستێ هاتيه توماركرن بێ كو دهستكاری ل سهر بريارا وتێبينی يا بكهت يان بگوهريت. مهرهم ژ چاڤپێكهتنێ بتنێ لێك تێگههشتن و رونكرنه.
ههروهسا مامۆستای مافێ ههی داوای پێداچوونا دهرئهنجاما بكهت، پێتڤی يه مامۆستا داوايهكه فهرمی پێشكێشی جڤاتا کولیژێ بكهت ژبۆ وێ چهندێ كو ليژنهكا ههلسهنگاندنێ ل بهشهكێ دی ههگبهی ئهو مامۆستا ب ههلسهنگينيت.
خشتهی دهرئهنجامێن ههلسهنگاندنا ههگبهی مامۆستا
