ل رێکەفتی ٥ ـی چریا ئێکێ، ٢٠٢٤، ل هۆلا پشکا ئاخ و ئاڤێ ل کۆلیژا زانستێن ئەندازیاریا چاندنێ، ل زانكۆیا دهۆك وۆرکشۆپەکا زانستی ل دۆر "رۆژا جیهانی یا ئاخێ "، ب ئامادەبوونا د. شکری حجی سالح، راگرێ کۆلیژا زانستێن ئەندازیاریا چاندنێ، و د.زێرەڤان عەلی، سەرۆکێ پشکا ئاخ و ئاڤێ، و هژمارەکا مامۆستا و قوتابیان ئەنجامدا.

ل دەستپێكێ، د.شکری حجی سالح، راگڕێ کۆلیژا زانستێن ئەندازیاریا چاندنێ، باس ل گرنگیا ئاخێ کر و گۆت: "ئاخ سامانەکێ گرنگێ سروشتی یە ،پێدڤیە ئەم هەمی سەرەدەریەکا دروست و زانستیانە دگەل ئاخێ بکەین و ب پارێزین. ئاخ ژێدەرێ هەبوونا مرۆڤانە. سوپاسیا زانکۆیێ دکەین بەر دەوام خو ل ڤان بابەتێن گرنگ دکەتە خودان."

ل دویڤ دا، د. موستەفا ئیسماعيل باس ل گرنگیا ئەنجامدانا پشکنینێن زەویی کر و گۆت بەری بەرهەمێ چاندنێ بهێتە چاندن گرنگە جووتیار پشکنینێ بۆ زەویێ خو بکەت ، دا کو بزانیت کیژ جورێ بەرهەمی یێ گونجاییە، گۆت ژی خۆشبەختانە د نوکە دا جووتیارێن مە ئەڤ رەوشەنبیریە د ناڤ دا بەلاڤبوویە.

د دانۆستاندنەكا دی دا، د. محەمەد سدیق، مامۆستایێ پشکا ئاخ و ئاڤێ، باس ل جۆرێن پەینێ ڕوەکی و زاخا ئاخێ و گرنگیا وێ بۆ بەرهەمئینانا متایەکێ باش کر و گوت پێدڤیە ئەم سەرەدەریەکا دروست دگەل ئاخێ بکەین دا کو ئاخا مە بەردەوام یا ب هێز بیت و لاواز نەبیت، وبەرهەمەکێ باش ب دە تە مە.

ل دوماهیێ، د. محەمەد عەلی فەياز، مامۆستايێ پشکا ئاخ و ئاڤێ باس ل گرنگی و چەوانیا پاراستن و چاڤدانا ئاخێ کر و گۆت کەش و هەوا و بارانێن ب هێز کارێگەریێن نەرێنی دکەنە سەر ئاخێ و دبنە فاکتەرێن لاوازبوونا ئاخێ، لەورا گرنگە چاڤدانا ئاخێ بکەین.

هەژی گوتنێ یە کو روژا ئاخێ هەر سال ل ٥ـی كانوونا ئێكێ دهێتەساخکرن ل هەمی جیهانێ، ئەڤ رۆژە ل سالا ٢٠١٤ هاتیە دەستنیشانکرن ژ لایێ رێکخراوا فاو یاناڤدەولەتی ڤە و وەکو نەرێتە کێ سالانە دهێتە ساخکرن.

و ل دۆماهیا ڤێ دیدارێ، و پشتی هەمی پەیڤداران نامێن خو گەهاندینە ئامادەبوویان، دانوستاندنێن چالاك د ناڤبەرا ئامادەبوویان دا ب رێڤەچوون .

راگەهاندنا زانكۆیا دهۆك،٥ـی چریا ئێکێ، ٢٠٢٤

نيبارێ حاجی