كۆلیژا پەروەردا وەرزشی ل زانكۆیا دهۆك ل رۆژا 14/5/2018 خیڤەتگەها خۆ یا 12 یا سالانە ل ژێر درووشمێ‌ (بۆ كوردستانەكا گەشتر) ل ئاڤاهی و باخچێن كۆلیژێ‌ ل كەمپێ‌ زانكۆیێ‌ دەست پێ‌ كر.
د رێ‌ و رەسمێن دەستپێكرنا خیڤەتگەهێ‌ دا سەرۆكێ‌ زانكۆیا دهۆك پرۆفیسۆر د. مصلح دهۆكی و بەرپرسێ‌ لژنا ناوچا چار بەرێز رزگار كێستەی و راگرێ‌ كۆلیژا پەروەردا وەرزشی و راگرێن چەند كۆلیژێن زانكۆیا دهۆك ئامادەبوون كو تێدا 200 قوتابیێن كور و كچێن قوناغا ئێكێ‌ سپێدێ‌ و ئێڤاران پشكداری تێدا كربوو، كو ئێكەم كۆلیژا وەرزشیە ل سەر ئاستێ‌ زانكۆیێن هەرێما كوردستانێ‌ بەردەوام خیڤەتگەهێن سالانە ڤەدكەت.
ئەڤ خیڤەتگەهە دێ‌ بۆ سێ‌ رۆژا یا بەردەوام بیت و تێدا یاریێن وەرزشی و دیدەڤانی و سمینار و ئاهەنگ هێنە رێكخستن و قوتابی پشكداریێ‌ تێدا كەن.