وەزارەتا خواندنا بلند کۆرسەکێ راهێنانێ د بوارێ دیبلوماسی دا ل وەڵاتێ تورکیا رادگەهینیت
ب مەرەما دروستکرنا هەماهەنگی و بەرفرهکرنا پەیوەندیان، وەڵاتێ تورکیا کۆرسەکێ راهێنانێ د بوارێ دیبلوماسی پێشکێشی هەرێما کوردستانێ دکەت
بو پتر پێزانین و رێکارێن پێشکێشکرنێ هیڤیە سەرەدانا لینکێ ل خوارێ بکەن:
مەرجێن پشكداریكرنێ د ئەڤی کۆرسی دا:
-ئەو کەسێ پشکدار دبیت دڤی کۆرسی دا دڤێت فەرمانبەر یان ماموستا بیت د دامودەزگەهێن وەزارەتا خواندنا بلند و ڤەکولینێن زانستی دا.
- دڤێت باوەرناما ماستەرێ یان دکتورایێ هەبیت.
- ژیێ وی ژ (٤٠) سالان کێمتر نەبیت هەتا (١-١-٢٠٢٤).
- شیانێن زمانێ ئنگلیزی یێن باش هەبن.
- ئاکنجیێ وەلاتێ تورکیا نەبیت.
- نابیت بەری نوکە یێ مفادار بیت ژ بەرنامێن دی یێن خواندن و راهێنانێ ل وەڵاتێ تورکیا.
- ئەو بەربژێرێ کۆ زمانێ وی یێ توركی ل ئاستەکێ پێشكەفتی بیت سەرەدەری دگەل ناهێتە کرن.
- دڤێت بەربژێر (٨٠٪) د وانە و سمیناران دا یێ پشكدار و چالاک بیت.
- ماوێ بەرنامێ ئەڤی کورسی: هەشت هەیڤن کۆ هەر ژ هەیڤا چریا دووێ یا ساڵا ٢٠٢٤ دێ دەستپێکەت و ل هەیڤا تیرمەها ساڵا ٢٠٢٥ دێ ب دوماهی هێت.
- دوماهیک ژڤان بو پێشکێشکرنێ: (٢-٩-٢٠٢٤).
شایستێن دارایی:
- ژبلی لایەنێ تەندروستی: هەمی خەرجیێن پشكداریكرنێ و مانێ و پلێتا فروکێ و هەتا خەرجیێن هەیڤانە ژی دێ ل سەر ئەرکێ حکومەتا تورکیا بن،ئەو بەربژێرێ کۆ د تاقیکرنێن ئاستی دا دەرنەچن،دێ پشتگیریێن دارایی ژێ هێنە برین.
- ئەو بەربژێرێن کۆ ئامادەیی چاڵاکیان نابن، ب ئەگەرێ نە ئامادەبوونا ئەوان پشتگیریێن دارایی دێ ژێ هێنەبڕین،و ئەو پشتگیریێن وەرگرتین ژی دێ ژێ هێنە وەرگرتن.
- پێشکێشکرن دێ ب رێکا ئونڵاین بیت، بەلێ ئەو بەلگەنامەیێن ل خوارێ دێ ب دەست پێشکێشی رێڤەبەریا پەیوەندیان ل دیوانا وەزارەتا خواندنا بلند و ڤەکولینێن زانستی کەی:
- تێستا زمانێ ئینگلیزی کۆ دەمێ وێ ب سەرڤە نەچووبیت، و بتنێ تێستێن زمانی یێن (تۆیفل و ئایڵتس وپی تی ئی) کار دێ پێ هێتە کرن.
- باوەرناما ماستەرێ بو ئەوانن یێن خودان باوەرناما ماستەرێ، هەروەسا ماستەر ودکتورا دێ بۆ ئەوان بیت یێن باوەرنامێن دکتورایی.
- رازیبوونا جهێ کاری کۆ ب روونی رازیبوونا خۆ بۆ پشكداریكرنا بەربژێری د ئەڤێ خولێ دا دەر ببریت، دگەل دیارکرنا ماوێ خزمەتکرنا کرداری پشتی ب دەستڤەئینانا دوماهیک باوەرنامە.
تێبینی: دوماهیک ژڤان بۆ پێشکێشکرنا بەلگەنامەیان روژا پێنجشەمبی یە رێکەفتی (٢٢/٨/٢٠٢٤) کۆ پێدڤیە هەمی یەلگەنامەیێن ب شێوەی رەسەن و کوپی بهێنە پێشکێشکرن.
راگەهاندنا زانکۆیا دهۆک:٢٠ تابخێ ٢٠٢٤
رۆندك فاظل