د بەردەوامیا پرۆگرامێ هاڤینێ یێ لاوێن کوردێن دیاسپۆرا یێ یێ زانکۆیا دهۆک دا، رۆژا چارشەمب، رێکەڤتی ١٤ـی تەباخێ ٢٠٢٤ـێ، پشتی پێشکێشکرنا سمینارەکێ ژ لایێ د. حەسەن ئەحمەد سەرۆکێ ریکخراوا شینوارێن کوردستانێ ل دۆر شینوارێن کوردستانێ، ب سەرپەرشتیا د. خەلیلل مستەفا ئەندامێ لژنا سەرپەرشت، پشکدارا سەرەدانا رێڤەبەریا شینوارێن دهۆکێ کر، ژلایێ د. بێکەس بریفکانی رێڤەبەرێ رێڤەبەریا ناڤهاتی هاتنە پێشوازیکرن.

دڤێ سەرەدانێ دا، لاوێن پشکدارێن پرۆگرامێ هاڤینیێ یێ زانکۆیا دهۆک، گەریانەک د ناڤا موزەخانا نیشتیمانی دا کر، و ژلایێ کارمەندێن موزەخانێ ڤە ب هویری باس ل وان شینوار و پارچەیێن دیروکی یێن کو رەسەناتیا کوردان ل دەڤەرێ دووپاتدکەن .

ل دویف دا، پشکدارێن پرۆگرامی، سەرەدانا دەڤەرا ئامێدیێ کر، ژبو ئاشنابوون ب دیرۆکا هزار سالیا پایتەختێ میرنشینا بەهدینان(ئامێدیێ) ببن، پاشی سەرەدانا دەرگەهێ کەڤنارێ ئامێدیێ (دەرگەهێ موصل) کر، و ژلایێ د. حەسەن ئەحمەد سەرۆکێ ریکخراوا شینوارێن کوردستانێ باس ل دیرۆکا کەڤنارا ئامێدیێ بگشتی و دەرگەهێ ئامێدیێ مزگەفتا مەزنا ئامێدیێ چەندین جهێن دی یێن شینواری کر، و دیارکر؛ گەلەک یا گرنگە گەنج و لاوێن کورس ب تایبەتی یێن ژ دەرڤە دژین ئاشنایی دیرۆکا کەڤنارا کوردستانێ بکەین، ژ بەرکو شینوارێن کوردستانێ دووپاتیا وێ چەندێ دکەن کو کورد ل رۆژهەلاتا ناڤەراست خودان مێژوویەکا کەڤنارن.

ل دویماهیێ ژی، پشکدارا گەریانەک ل جهێن گەشتیاری یێن دەڤەرا ئامێدیێ کر، یێن وەکو سییلاڤێ و ئاشەوا و ناحیا بامەرنێ…. کر

هەژی گوتنێ یە، پرۆگرامێ هاڤینێ یێ لاوێن کوردێن دیاسپۆرایێ زانکۆیا دهۆک، ئێکەم جارە ل هەرێما کوردستانێ ل زانکۆیا دهۆک ب چاڤدێریا د. داود سلێمان ئەتروشی سەرۆکێ زانکۆیێ دهێتە ئەنجامدان، و ل رێکەفتێ ٤ـى ئاب ٢٠٢٤ـێ ل زانکۆیا دهۆک دەستپێکریە، ب پشکداریا ١٦ گەنجێن کوردێن هەرچار پارچێن کوردستانێ یێن ل دەرڤەى کوردستانێ دژین بۆ دەمێ دوو حەفتیا دێ یێ بەردەوام بیت، کو رۆژانە ژ لایێ ماموستایێن پسپۆرێن زانکۆیا دهۆک ڤە ب بەرنامەکێ دارشتى چەندین سمینار و چالاکى سەرەدان بۆ باژێرێن هەرێما کوردستانێ دهێتە ئەنجامدان.

https://youtu.be/nSw1Ff2ngQk?si=xWtYTeGz_DOugILQ

#پرۆگرامێ_هاڤینێ_یێ_لاوێن_کورد_زانکۆیا_دهۆک

راگەهاندنا زانکۆیا دهۆک؛ ١١ـی تەباخا ٢٠٢٤ـێ.

نڤیسین و فۆتۆ: حسێن تتمی