سلێمانی، ٩ـی چریا دووێ، ٢٠٢٦ | نڤیسینگەها راگەهاندنا زانکۆیێ (UNPO) — زانکۆیا سلێمانیێ مێهڤانداریا دوویەمین کۆنفرانسێ جەماوەری یێ پرۆژێ (Erasmus+ TRANSITION) ل رۆژا چوارشەمبی، ٤ـی چریا دووێ، ٢٠٢٦ـێ کر. د کۆنفرانسی دا ئەکادیمی، بسپۆرێن بۆماوەی، نوینەرێن حکومەتێ و لایەنێن پەیوەندیدار ژ جڤاکێن خۆجهی کۆمبوون دا کو گەنگەشێ ل سەر پاراستنا بۆماوەیێ کەلتۆری و مافێن جڤاکێن کێمینە بکەن.

کۆنفرانس ل ژێر درووشمێ "پاراستن و خودانکرنا بۆماوەیێ کەلتۆری یێ بەرجەستە و نەبەرجەستە و مافێن کەلتۆری" هاتە سازکرن، و بوو سەکۆیەکێ گرنگ بۆ گەنگەشەکرنا رێکێن پاراستنا جهێن مێژوویی، پاراستنا زانینێن کەلەپووری، و ب هێزکرنا رۆلێ جڤاکان د پاراستنا ناسنامەیا وان یا کەلتۆری دا.

وەک نوینەرێ زانکۆیا دهۆك کو زانکۆیا رێکخەرا سەرەکی یا پرۆژەی یە، د. دلشاد عەبدولجەبار حەلیم، هاریکارێ سەرۆکێ زانکۆیێ و رێکخەرێ پرۆژێ TRANSITION، وەک مێهڤانێ شەرەفێ ئامادە بوو و د رێورەسمێن ڤەکرنێ دا پەیڤەک پێشکێشکر. هەروەسا روینشتنا ڤەکرنێ پەیڤەک ژ لایێ د. زانا م. حەسەن، هاریکارێ سەرۆکێ زانکۆیا سلێمانیێ

بۆ کاروبارێن زانستی بخۆڤەگرت، و ل دویڤ دا پەیڤا رێکخەرێ پرۆژێ TRANSITION هاتە پێشکێشکرن.

بەرنامێ کۆنفرانسی تیشک ئێخستە سەر چەندین تەوەرێن سەرەکی:

- بەرپرسیارەتیا سازیاتی بۆ پاراستنا بۆماوەی: دانوستاندن ل دۆر رۆلێ دەزگەهێن حکومی، رێکخراوێن ناڤدەولەتی و زانکۆیان د پاراستنا بۆماوەیێ کەلتۆری یێ بەرجەستە دا.

- بۆماوەیێ کەلتۆری و مافێن مرۆڤی: پێشکێشکرنا بابەتان ل سەر مافێ پشکداریکرنێ د ژیانا کەلتۆری دا و گرنگیا پاراستنا مافێن کەلتۆری یێن جڤاکێن کێمینە.

- پاراستنا بۆماوەیێ کەلتۆری یێ نەبەرجەستە: گەنگەشە ل دۆر زانینێن کەلەپۆری، نەریتێن کەلتۆری و پشکداریا جڤاکێن کێمینە.

- رۆلێ زانکۆیان: ئەزموون و شێوازێن سەرکەفتی د پاراستنا بۆماوەی دا، ژ وان ژی پێشڤەبرنا پڕۆگرامێن خواندنێ و دەستکەڤتێن سەرەدانێن مەیدانی.

- ئامرازێن دیجیتاڵی بۆ پاراستنا بۆماوەی: نیساندانا "کەلوپەلێن دیجیتاڵی یێن پڕۆژێ TRANSITION" و شیانێن وان د پشتەڤانیکرنا پاراستنا بۆماوەیێ کەلتۆری دا.

هەروەسا پانێلەکێ تایبەت ب ناڤونیشانێ "دەستەلاتدارێن حکومی و ئەکتەرێن ناڤدەولەتی د پاراستنا بۆماوەیێ کەلتۆری یێ بەرجەستە دا" ب پشکداریا نوینەرێن دامەزراوەیێن

بۆماوەی و ئەکادیمی هاتە ئەنجامدان، ژ وان ژی: هاشم ح. عەبدوڵڵا، رێڤەبەرێ شوونووار و بۆماوەی ل سلێمانیێ؛ د. زریان س. حەمە عارف، سەرۆکێ پشکا شوونوواران ل زانکۆیا سلێمانیێ؛ و پ.د. هردی م. میکا ژ ناوەندی کوردستان بۆ توێژینەوەی ئەکادیمی.

کۆنفرانس ب دانوستاندنەکا ڤەکری و پێشکێشکرنا راسپاردەیان بۆ پەرێ هەلوێست (Position Paper) یێ پرۆژەی ب دوماهی هات، کو تێدا خالێن سەرەکی یێن د روینشتنان دا هاتینە بەحسکرن خستنە روو.

ژ زاخۆ بۆ سلێمانیێ:

بەردەوامیپێدانا دیالۆگێ ئەڤ کۆنفرانسێ سلێمانیێ ل دویڤ ئێکەمین کۆنفرانسێ جەماوەری یێ پرۆژێ TRANSITION هات، یێ کو ل رۆژا ٢ـی چریا دووێ، ٢٠٢٦ ژ لایێ زانکۆیا زاخۆ ڤە هاتبوو مێهڤانداریکرن و تێدا تیشک خرابووە سەر برێڤەبرنا مەترسیێن ل سەر بۆماوەیێ کەلتۆری. ل دەمەکێ کۆنفرانسێ زاخۆ ل سەر وان مەترسیان راوەستیا بوو یێن گەفێ ل بۆماوەی دکەن، کۆنفرانسێ سلێمانیێ گرنگیەکا مەزن دا مافێن کەلتۆری، پشکداریا کێمینەیان و رۆلێ دەزگەهـ و جڤاکان د پاراستنێ دا.

بەرنامێ هەڤپشکان ل رۆژا ٥ـی چریا دووێ ل زانکۆیا سلێمانیێ بەردەوام بوو، ب ئەنجامدانا چەندین چالاکیێن گرێدایی ب:

- توربەندی (Networking)، بەردەوامیپێدان و هەڤکاریا پاشەرۆژێ د ناڤبەرا هەڤپشکێن پرۆژەی دا.

- پێشکێشکرنا چالاکیێن راهێنانا راهێنەران (ToT) ژ لایێ هەڤپشکان ڤە.

- گەنگەشە ل دۆر بۆماوەیێ کەلتۆری، پەروەردە و گەشەپێدانا بەردەوام.

- مێزەگۆڤەندەك ل دۆر هەڤکاریا د ناڤبەرا زانکۆیان، دامەزراوەیێن بۆماوەی، جڤاکان و بڕیاربەدەستان دا.

- بەرهەڤکرنا پەرێ هەلوێست یێ پرۆژەی و پشبڕکێیا داهێنەرانە یا قوتابیان.

- دانانا کورتەباسەکێ ل دۆر سێیەمین کۆنفرانسێ جەماوەری یێ پرۆژەی کو بڕیارە ل دهۆکێ بهێتە ئەنجامدان.

دەربارەی پرۆژێ Erasmus+ TRANSITION ئەڤ کۆنفرانسە پشکەکن ژ پاکێجا کارێ پێنجێ (WP5) یا پرۆژێ Erasmus+ TRANSITION ل ژێر ناڤێ: "پاراستنا بۆماوەیێ کەلتۆری یێ بەرجەستە و نەبەرجەستە یێ جڤاکێن کێمینە ل هەرێما کوردستانا عیراقێ و ل یەمەنێ". ب رێکخستنا سەرەکی یا زانکۆیا دهۆك، پرۆژە هەشت دامەزراوەیێن هەڤپشک کۆمدکەتەڤە:

- زانکۆیا دهۆك (رێکخەرێ سەرەکی)

- زانکۆیا ئێڤۆرا (پورتوگال)

- زانکۆیا ساپینزا ل رۆما (ئیتالیا)

- ئێکەتیا زانکۆیێن دەریایا ناڤەراست (UNIMED)

- زانکۆیا عەدەن (یەمەن)

- زانکۆیا سلێمانیێ

- زانکۆیا زاخۆ

- زانکۆیا سۆران

ب رێیا سەرپەرشتیکردنا پرۆژێ TRANSITION، زانکۆیا دهۆك بەردەوامە ل سەر بهێزکرنا هەڤپەیمانیێن ئەکادیمی یێن ناڤدەولەتی و پشتەڤانیکرنا بزاڤێن پاراستنا بۆماوەیێ کەلتۆری یێ کێمینەیان.

گونجاندنا ستراتیژی

پرۆژێ TRANSITION پشەڤانیێ ل پلانا ستراتیژی یا زانکۆیا دهۆك (٢٠٢٣–٢٠٣٨) دکەت، نەخاسمە د ستوونێن "پشکداریا کارتێکەر د جڤاکی دا" و "دامەزراوەیا پێشەنگ د خواندنا بلند دا". ب رێیا هەڤکاریا ناڤدەولەتی،

ئاڵوگۆڕیا ئەکادیمی و دانوستاندنا دگەل جڤاکێن کێمینە، پرۆژە پشکداریێ د پاراستنا کەلتۆری، بەلاڤکرنا زانینێ و پێشڤەبرنا بەردەوام یا جڤاکی دا دکەت.

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، ٩ـی چریا دووێ، ٢٠٢٦

راپۆرت: فاطمە مەحمود عەلی

پەیڤێن سەرەکی یێن نووچەی:

پرۆژێ Erasmus+ TRANSITION | پاراستنا بۆماوەیێ کەلتۆری | مافێن کێمینەیان و بۆماوەیێ کەلتۆری | هەڤپشکیێن ئەکادیمی یێن ناڤدەولەتی | بۆماوەیێ کەلتۆری یێ بەرجەستە و نەبەرجەستە.