زانكۆیا دهۆك، گولانا 2026 | نڤیسینگەها ڕاگەهاندنا زانكۆیێ (UNPO)

د دەستپێشخەریەكێ دا بۆ پێشڤەبرنا ژینگەها كەمپا زانكۆیێ، زانكۆیا دهۆك ب هەماهەنگی دگەل دەزگەهێ خێرخوازی یێ بارزانی، پڕۆژێ چاندنا بیستانەكێ نموونەیی ل كەمپا زانكۆیێ ئەنجامدا.

ل ڕێكەڤتی 3ـی گولانا 2026، كۆژیێ ئەمریکی ل زانكۆیا دهۆك د دەستپێشخەریەكێ دا و ب هەڤكاری دگەل دەزگەهێ خێرخوازیێ بارزانی ئەڤ پڕۆسە بڕێڤەبر. ڕێورەسمێن چاندنێ ب ئامادەبوونا نوینەرێن زانكۆیێ و لایەنێن پەیوەندیدار هاتنە ئەنجامدان، كو پێكهاتبوون ژ:

• د. نەبەز ئیبراهیم محەمەد، هاریكارێ سەرۆكێ زانكۆیا دهۆك بۆ كاروبارێن قوتابیان.
• د. بسام ئەحمەد عەبدوڵڵا، ڕاگرێ كۆلیژا كارگێری و ئابووری.
• د. نەزار ئەمین محەمەد ، ڕێڤەبەرێ پەیوەندیێن ناڤدەولەتی.
• د. زیرەك یوسف حەسەن، ڕێڤەبەرێ كۆژیێ ئەمریکی ل زانكۆیا دهۆك.
• بەرێز نشوان جمیل أسعد، سەرپەرشتێ باخچەڤانان ل سەر ڕێڤەبەریا سەخبێریێ.

د ڤێ پڕۆسەیێ دا، 100 دارێن هرمیكان ژ جۆرێن هەرەباش و بەرهەمدار بۆ بیستانێ كۆلیژا كارگێری و ئابووری هاتنە چاندن، و د پلانا پرۆژەی دایە كو د قۆناغا داهاتی دا 120 دارێن دی ژی بهێنە زێدەكرن.

ئارمانجا سەرەكی ژ ڤێ دەستپێشخەریێ؛ زێدەكرنا ڕووبەرێن كەسك ل كەمپێ، بلندكرنا هوشیاریا ژینگەهی، و ڕەخساندنا دەلیڤەیێن فێربوونا مەیدانی یە بۆ قوتابیان، كو ئەڤە ژی پابەندبوونا زانكۆیا دهۆك بۆ ئاڤاكرنا ژینگەهەكا ئەكادیمی یا بەردەوام و سروشت-دۆست نیشان ددەت.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ، 6ـی گولانێ، 2026
راپۆرت: نیبار حەجی حسێن
وێنە: محەمەد عەبدولكەریم تاهر

پەیڤێن سەرەكی: پرۆژێ دۆمداریا زانكۆیا دهۆك، كەمپێ كەسك، دەستپێشخەریا چاندنا داران ژ لایێ قوتابیان ڤە ل كوردستانێ، هەڤكاریا دەزگەهێ خێرخوازی یێ بارزانی دگەل زانكۆیا دهۆك، فێربوونا مەیدانی و چاندنێ ل زانكۆیێ.