زانكۆیا دهۆک، تەباخا ٢٠٢٥ | نڤیسینگەها راگەهاندنا زانکۆیێ (UNPO) | د پێنگاڤەکێ دا کو پابەندیا ستراتیژیا زانکۆیا دهۆک (UOD) ب خۆشگۆزەرانیا قوتابیان، یەكسانیا رەگەزی، و نویکرنا كەمپۆسێ نیشان ددەت، ئاڤاهیێپشكێن ناڤخۆیی یێ کچان یێ ب ناڤێ کوردستان ساڵح (ژمارە ٤) ل کولیژا زانستێن ئەندازیاریا چاندنێ (CAES) د پرۆسەیەکا نووژەنکرنا بەرفرەهـ دایە.

ئەڤ پرۆژە ب پشتەڤانیا دارایی یا رێکخراوا US Friends of Amar، و ب بجهئینانا رێکخراوا "Right Vision" و ب هەماهەنگی دگەل سەرپەرشتیا ئەندازیاری یا زانکۆیا دهۆک دهێتە ئەنجام دان. پتر ژ ٧٠،٠٠٠ دولارێن ئەمریکی بۆ ڤێ دەستپێشخەریێ هاتینە تەرخانکرن، کو پشکداری ژ ئالیێ رێکخراوا پشتەڤان و زانکۆیێ بخۆ ڤە بوویە.

ئاڤاهیێ پشكێن ناڤخۆیی یێ کو ژ چار قاتان پێک دهێت ب شێوەیەکێ تەمام دهێتە نووژەنکرن دا کو پێدڤیێن قوتابیێن کچ بجهـ بینیت. نووژەنکرن بخۆڤەدگریت باشترکرنا سەرشۆیان، لێنانگەهان و ژوورێن نڤستنێ، ل گەل دروستکرنا دوو هۆلێن رەوشەنبیری یێن نوو ل قاتین ئێکێ و دووێ. ئەڤ هۆلە دێ بنە جهێن تایبەت بۆ قوتابیێن کچ دا تێدا کوم ببن، بیر و بۆچوونێن خۆ ئاڵوگۆر بکەن، و پەیوەندیا دناڤبەرا هەڤالان ئاڤا بکەن، کو ئەڤە دێ هەستێ کومەڵایەتیێ د ناڤ ژیانا كۆلیژێ دا بهێزئێخیت.

دەستپێشخەری د مەها تەباخێ دا دەستپێکریە و بریارە ل مەها چریا ئێکێ یا ٢٠٢٥ ب دوماهی بهێت.

ئەڤ پرۆژە گرنگیا زانکۆیا دهۆک ددەتە ڤان خالان:

• باشترکرنا رەوشا ژیانا قوتابیان وەک پشکەک ژ پلانا درێژخایەنا زانکۆیێ بۆ گەشەپێدانا زانكۆیێ .
• پشتەڤانیکرنا قوتابیێن کچ ب دابینکرنا جهێن نیشتەجێبوونێ یێن ئێمن، نوو، و جڤاكی.
• بهێزکرنا هەڤپشکیان دگەل رێکخراوێن ناڤخۆیی و ناڤدەولەتی بۆ گەشەپێدانا بەردەوام.

زانکۆیا دهۆک یا بەردەوامە ل سەر دانانا خۆشگۆزەرانیا قوتابیان، یەكسانی و سەرکەڤتنا ئەکادیمی د پێشیێ دا، و پشتراستکرنا وێ یەکێ کو دام و دەزگەهێن كومپوسێ دگەل بلندترین ستانداردێن کواڵیتی و ئێمناهیێ دگونجن.

بۆ دیتنا دیمەنان ڤێرە کلیک بکە
نڤیسینگەها ڕاگەهاندنا زانکۆیێ، ٣١ـی تەباخا ٢٠٢٥
ڕاپۆرت ژ لایێ : فاطمة محمود علی
وێنەگر: محەمەد عەبدولكەریم تاهر

پەیڤێن سەرەکی

• ئاکنجیبوونا قوتابیان ل زانکۆیا دهۆک
• ئاڤاهیێ ئاکنجیبوونا کچان یێ کوردستان ساڵح
• پرۆژێن نووژەنکرنێ ل زانکۆیا دهۆک
• خۆشگۆزەرانی و وەرگرتنا قوتابیان ل زانکۆیا دهۆک
• هەڤپشکیا دگەل ڕێکخراوا (Right Vision)