زانکۆیا دهۆک، ٣٠ـی خزیرانا ٢٠٢٥ـێ، نڤیسینگەها راگەهاندنا زانکۆیێ (UNPO) – ل گەل پلانا ستراتیژی یا زانکۆیا دهۆک بۆ پەرەپێدانا خۆشگوزەرانیا فەرمانبەران، کارێ تیمی، و شێوازێ ژیانەکا چالاک ل زانکۆیێ، و ژ رێکخستنا ڕێڤەبەریا وەرزشی ل زانکۆیێ، زانکۆیا دهۆک قارەمانیا فوتسالا مامۆستا و فەرمانبەران یا سالانە ل ٢٩ـی خزیرانێ دەستپێکر. پێشبڕکێ ١٠ تیمێن چالاک ب خۆ ڤە گرتن یێن نوینەرایەتیا کۆلیژ و ڕێڤەبەریێن کارگێڕی دکەن، کو پابەندبوونا زانکۆیێ ب پەرەپێدانا ژینگەهەکا تەندروست، و هەڤپشک دیار دکەت.

قارەمانیا فوتسالا مامۆستایان یا پێشتر ل زانکۆیا دهۆک ل ڤێرە ببینە

یاریا ئێکێ ل هۆلا کۆلیژا پەروەردا جەستەیی و زانستێن وەرزشی هاتە ئەنجامدان، کو گرنگیا زانکۆیا دهۆک ب پشتەڤانیا چالاکیێن دەرڤەی برنامێن خواندنێ یێن کو ڕۆحا جڤاکی ئاڤا دکەن دیار دکەت.

د بۆنەیێ دا ئەڤە ئامادەبوون:

• فەرمانبەر و بەرپرسێن ڕێڤەبەریا وەرزشا زانکۆیێ
• ژمارەیەک ژ مامۆستا کارمەندێن زانکۆیێ

یاریا ئێکێ یا قارەمانیێ پێشبڕکێیەکا ڕۆحدار د ناڤبەرا تیما کۆلیژا زانست و ڕێڤەبەریا پشکێن ناڤخۆیی ب خۆ ڤە دیت، کو ب سەرکە/تنا کۆلیژا زانست ب ئەنجامێ ٥-٣ بدوماهی هات. یاری ژ لایێ دادڤان چیا سابری ڤە ب شێوەکێ پیشەیی هاتە چاڤدێریکرن، کو کەشەکا دادپەروەر و پێشبڕکار مسۆگەر کر.

قارەمانی کو ژ لایێ ڕێڤەبەریا وەرزشا زانکۆیێ ڤە هاتە رێکخستن، ئارمانجێن سەرەکی یێن پلانا ستراتیژی یا زانکۆیێ پێشڤە دبەت ب باشترکرنا تەندروستیا جەستەیی یا فەرمانبەران وبهێزکرنا پەیوەندیێن دناڤبەرا کۆلیژان دا، و پەرەپێدانا ژینگەهەکا ئەرێنی ل زانکۆیێ کو پشتەڤانیا نایابیا ئەکادیمی و کارگێڕی دکەت.

بۆدیتنا دیمەنان ڤێرە کلیک بکە

نڤیسینگەها راگەهاندنا زانکۆیێ، ٣٠ـی خزیرانا ٢٠٢٥ـێ
راپۆرت ژ لایێ: نیبار حەجی حسێن

پەیڤێن سەرەکی:

• وەرزشێن زانکۆیا دهۆک
• پشکداریا کارمەندێن زانکۆیا دهۆک
• پلانا ستراتیژی یا زانکۆیا دهۆک
• قارەمانیا فوتسالێ
• خۆشگوزەرانیا زانکۆیێ