زانکۆیا دهۆک، ٢٥ـی خزیرانێ، ٢٠٢٥، نڤیسینگەها راگەهاندنا زانکۆیێ (UNPO) | وەک نەریتەكێ ساڵانە، زانکۆیا دهۆک ئەڤرۆ کۆمبوونەکا دامەزراوەیی پا یەبەرز برێڤەبر، کو سەرۆکێ زانکۆیێ، د. داود سلێمان ئەترۆشی، هاریکارێن سەرۆکێ زانکۆیێ، و نوينەرێ KAAE و جڤاتێن هەمی کۆلیژێن زانکۆیا دهۆک کۆمکرن. روینشتن ل سەنتەرێ کۆنفرانسان یێ زانکۆیا دهۆک هاتە برێڤەبرن بۆ پەرەپێدانا گەنگەشەكا ڤەکری ل دۆر دیتنا ستراتیژی یا زانکۆیێ، پەرەرپێدانا دامەزراوەیی، و خزمەتا داهاتی بۆ قوتابی و جڤاکێ ئەکادیمی.

د درێژییا كۆمبوونێ دا، د. داود ئەتروشی، سەرۆکێ زانکۆیا دهۆک، ، و د. هۆنەر عیسا، نوینەرێ KAAEباس ل بدەستڤەئینانا متمانەبەخشینێ کر. پاشی، د. داود ئەتروشی، سەرپەرشتیا گەنگەشان کر و جەخت ل سەر پابەندبوونا زانکۆیێ ب مسۆگەرکرنا کوالیتی یا دۆمدار، باشترکرنا ڕێڤەبەریێ، و هەڤڕێزبوون دگەل پیڤەرێن ئەکادیمی یێن ناڤدەولەتی کر.

بابەتێن سەرەکی یێن هاتینە گەنگەشەکرن ئەڤەنە:

• پێشڤەبرنا پرۆسەیا پەرەپێدانا دامەزراوەیی و بەرنامەیی ل سەرانسەری کۆلیژان.
• بهێزکرنا جێبەجێکرنا پلانا ستراتیژی یا زانکۆیێ (٢٠٢٣-٢٠٣٠).
• دیارکرنا میکانیزمان بۆ باشترکرنا خزمەتان بۆ قوتابی، بهێزکرنا ژینگەهێن خواندنێ و پێشڤەچوونا پیڤاژوویا بۆلۆنیا، و بهێزکرنا جڤاتێن کۆلیژان.
• گوهداریكرن ژ پێدڤی و ڕەخنەیێن پێشکێشکری ژ لایێ نوینەرێن کۆلیژان ڤە، ب فۆکوسەک ل سەر چارەسەریێن هەڤپشک یێن سوودمەند بۆ زانکۆیێ و بەرژەوەندیا گشتی.

کۆمبوونێ پلاتفۆرمەکا گرنگ بۆ نوینەرێن کۆلیژان دابینکر بۆ پارڤەکرنا هزرێن خۆ ب راستەوخۆ دگەل سەرکردەیێن زانکۆیێ. سەرۆکاتیێ ب هویری گوهـ ل هەر نیگەرانیەکێ گرت، بەرسڤا پشیارێن وان دا و گەنگەشەیا چالاکیێن گرنگ یێن پێشبینکری بۆ گەشەكرنا جڤاکێ زانکۆیێ کر.

کۆمبوونێن ب ڤی رەنگی جەخت ل سەر پابەندبوونا زانکۆیا دهۆک ب سەرکردایەتیا پشكداری، بڕیاردانا زەلال، و ئەرکێ وێ وەك سازیەكا ئەکادیمی یا پێشەنگ ل هەرێمێ یا كو خزمەتا هەر دوو جڤاک و زانینێ دکەت.

ڤێرە کلیک بکە بۆ دیتنا وێنەیێن هەلكەڤتێ

نڤیسینگەها راگەهاندنا زانکۆیێ، ٢٥ـی خزیرانا، ٢٠٢٥

راپۆرت ژ لایێ: فاطمە محمود علی

وێنەگرتن ژ لایێ: محەمەد ع.ەبدولكەریم تاهر، هەرمان جانگیر ئەحمەد

پەیڤێن سەرەکی:

• زانکۆیا دهۆک
• پلانا ستراتیژی یا زانکۆیا دهۆک
• پەرەپێدانا دامەزراوەیی
• جڤاتێن کۆلیژان
• کۆمبوونا سەرۆكاتیا زانکۆیا دهۆک