زانکۆیا دهۆك، 24ـی تەباخێ 2026، نڤیسینگەها راگەهاندنا زانکۆیێ (UNPO) | کوژیێ ئەمریکی ل زانکۆیا دهۆك، بەرنامەکێ راهێنانێ بۆ ماوێ سێ رۆژان ب ناڤونیشانێ "پەرەپێدانا شیانێن سەرکردایەتی و کارگێڕیێ" ژ 17 تا 19ـی تەباخێ 2026 رێکخست و پێشکێشکر، کو تێدا فەرمانبەرێن نڤیسینگەها پەرلەمانێ حکومەتا هەرێما کوردستانێ و نڤیسینگەها پەرلەمانێ عیراقێ کۆمکرن.

راهێنان ژ لایێ د. گرین ئامێدی، رێڤەبەرا یەکەیێ سەرکردایەتیێ ل زانکۆیێ، و د. زیرەك یوسف حەسەن، رێڤەبەرێ کوژیێ ئەمریکی ل زانکۆیا دهۆك، هاتە پێشکێشکرن.

بەرنامەی تەکەزی دا سەر بهێزکرنا شیانێن پراکتیکی یێن پشکداران د بوارێن سەرکردایەتیکرن، پەیوەندیکرن، بڕیاردان، کارێ ب کۆم، دیسپلینا پیشەیی، و کارگێڕییا کاریگەر یا جهێ کاری.

ب گشتی 26 پشکدار ئامادەبوون، کو شەش ژ نڤیسینگەها پەرلەمانێ حکومەتا هەرێما کوردستانێ و 20 ژ نڤیسینگەها پەرلەمانێ عیراقێ بوون.

ب رێیا دانوستاندنێن کارلێکەر، چالاکیێن پراکتیکی، و راهێنانێن پەرەپێدانا پیشەیی، پشکداران رێکارێن سەرکردایەتی و کارگێڕیا کاریگەر ڤەکۆلین و گەنگەشە ل سەر وێ یەکێ کر کا چەوا ئەڤ شیانە دشێن د ناڤ جهێن کارێ پەرلەمانی و کارگێڕی دا بهێنە بجهئینان.

ئەڤ راهێنانە پشتەڤانیێ ل پلانا ستراتیژی یا زانکۆیا دهۆك دکەت ب رێیا هاریکاریکرنا ئاڤاکرنا شیانان، پەرەپێدانا پیشەیی، تێکەلبوونا جڤاکی، و بهێزکرنا پەیوەندیان دناڤبەرا زانکۆیێ و دامەزراوەیێن کەرتێ گشتی دا. هەروەسا رەنگڤەدانا رۆلێ کوژیێ

ئەمریکی یە د رەخساندنا دەلیڤەیێن فێربوونێ دا کو ژ دیوارێن زانکۆیێ دەرباز دبن و پشکداریێ د پێشئێخستنا کەسێن خودان پیشە و دامەزراوەیێن کاریگەر دا دکەن.

ڤێرێ کلیک بکە بۆ دیتنا وێنەیان

نڤیسینگەها راگەهاندنا زانکۆیێ، 24ـی تەباخێ 2026
ئامادەکرن: فاطمە مەحمود عەلی
وێنەگر: محەمەد ع. تاهر