زاخۆ – ٢٢ـی کانوونا ئێکێ ٢٠٢٥ | نڤیسینگەها راگەهاندنا زانکۆیێ (UNPO) —

د چارچۆڤێ بزاڤێن بهێزکرنا هەڤکاریا ئەکادیمی و ڕەوشەنبیری و پێشئێخستنا پشکداریا جڤاکی، (د. زیرەک یوسف حەسەن)، ڕێڤەبەرێ کوژیێ ئەمریکی ل زانکۆیا دهۆک، سەردانەکا فەرمی بۆ کۆلیژا سەربازی یا دووێ ل زاخۆ ئەنجام دا. ناڤهاتی و شاندێ دگەلدا، ژ لایێ (لیوا نەزیر عاسم گۆران)، ڕاگرێ کۆلیژێ، و بەرپرسێن بلند یێن کۆلیژێ ڤە هاتنە پێشوازیکردن.

مەرەم ژ ڤێ سەردانێ ناساندنا بەرنامە و چالاکیێن کوژیێ ئەمریکی بوو، هەروەسا دیارکرنا ڕۆلێ وی د گەشەپێدانا پەروەردەیی، دەولەمەندکرنا ئەکادیمی، و خزمەتکرنا جڤاکی دا. وەک پشکەک ژ سەردانێ، د. زیرەک سمینارەکا ئەکادیمی بۆ کۆمەکا ئەفسەرێن سەربازی پێشکێشکر، و تێدا تەکەزی ل سەر دەستپێشخەریێن سەرەکی یێن کوژیێ ئەمریکی کر، وەکی بەرنامەیێن ڕاهێنانێ، وۆڕکشوپێن پەروەردەیی، چالاکیێن ڕەوشەنبیری، و دەلیڤەیێن پێشئێخستنا سەرکردایەتیێ.

زێدەباری ڤێ چەندێ، کوژیێ ئەمریکی ٢٠٠ پەرتووک د بیاڤێن سیاسەتا ئەمریکی، مێژوو، پەروەردە، و ئەدەبیاتێ دا پێشکێشی پەرتووکخانا ئەکادیمی یا کۆلیژا سەربازی کرن، ژ بۆ پشتەڤانیکرنا پەرتووکخانێ و ب هێزکرنا ئالوگۆڕا زانستی د ناڤبەرا سازیێن پەروەردەیی دا.

ئەڤ سەردانە پابەندبوونا زانکۆیا دهۆک و کۆڕنەرێ ئەمریکی بۆ بەرفرەهکرنا هەڤپشکیا دامەزراوەیی، بەلاڤکرنا زانینێ، و ئاڤاکرنا پەیوەندیێن ئەکادیمی و ڕەوشەنبیری یێن دومدرێژ دگەل کەرتێن جودا یێن جڤاکی دوپات دکەت.

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ، ٢٢ـی کانوونا ئێکێ ٢٠٢٥
راپۆرت: فاطمە محمود علی
وێنە: حسێن ئیسماعیل محەمەد