دهۆک، عێراق - ٢٠ـی شوباتا ٢٠٢٥ـێ- د چوارچۆڤێ پابەندبوونا خۆ یا ستراتیجی بۆ زێدەکرنا خۆشگوزەرانیا قوتابیان و سەرکەڤتنا ئەکادیمی، زانکویا دهۆک (UOD) وۆرکشۆپەکا تێگەهشتنێ یا ب ناڤێ "هەڤسەنگیا مێشکی: کۆنترۆلا نیگەرانیێ و شارەزایێن خواندنێ" ئەنجامدا. ئەڤ بویەرە، کو ژ لایێ پشکا زانستێن کۆمپیوتەری ل کۆلیژا زانست هاتیە ئامادەکرن، ئارمانجا وێ پێشکێشکرنا تەکنیکێن پراکتیکی یە بۆ قوتابیان دا کو نیگەرانیا خۆ بێخن ژێر کۆنترۆلێ و ستراتیجیێن کاریگەر یێن خواندنێ پەرەپێبدەن بۆ باشترکرنا ئاستێ ئەکادیمی.

دەستپێشخەریەکا دەمناس بۆ سەرکەڤتنا ئەکادیمی

سیمینار ل هۆلا پەرتووکخانا کۆلیژێ هاتە گێران، و ژ لایێ مامۆستا ئاخین بەشار مستەفا و مامۆستا بەشار ئەحمەد محەمەد ڤە هاتە بڕێڤەبرن، هەردوو ژی مامۆستایێن ب ئەزموونن یێن پابەند ب پێشخستنا سەرکەڤتنا قوتابیان. ڤێ روینشتنێ ڕێنیشاندانێن پراکتیکی و تێگەهێن زانستی پێکڤە گرێدان، ب ڤی رەنگی قوتابی ب ئامرازێن گرنگ هاتن پالپشتکرن ژبۆ بڕێڤەبرنا گوشارێن ئەکادیمی و پێشخستنا کارکرنا مێشکی.

وانەیێن سەرەکی ژ سیمینارێ

ڤێ روینشتنا کارلێکەر لایەنێن گرنگ یێن خۆشگوزەرانیا قوتابیان بدیارکرن و ستراتیجیێن کارپێکراو پێشکێشکرن ژبۆ زێدەکرنا کاریگەریا فێربوونێ. بابەت پێکهاتن ژ:

• تێگەهشتنا نیگەرانیا تاقیکرنان: ناسینا سەدەم، هاندەر و کارتێکرنێن دەروونی ژبۆ هاریکاریا قوتابیان دا بزانن و گوشاریێن خۆ چەوا کۆنترۆل بکەن.
• تەکنیکێن کۆنترۆلکرنا نیگەرانیێ یێن سەلماندی: ڕاهێنانێن پراکتیکی وەک تەکنیکێن هەناسەدانێ، ستراتیجیێن هشیارییا مێشکی، و ڕێکێن ڕێلاکسکرنا رێنیشاندایی.
• باشترکرنا ڕەوشتێن خواندنێ: جەختکرن لسەر فێربوونا چالاک، شارەزایێن رێڤەبرنا دەمی، و ستراتیجیێن بهێزکرنا بیرهاتنێ ژبۆ باشترکرنا کاریگەریا خواندنێ.
• زێدەکرنا سەرنجدان و بەرهەمهێنان: ڕێنیشاندان لسەر پەرەپێدانا پلانێن خواندنێ یێن رێکخستی و کێمکرنا تشتێن کو بەرێ مرۆڤی ژ کاری دبن ژبۆ سەرنجدانەکا باشتر.
• پاراستنا هەڤسەنگیا ژیانا ئەکادیمی: ڕۆناهیخستن لسەر رۆلێ خەوا دروست، خوارنا ساخلەم و وەرزشێ د باشترکرنا ئاستێ ئەکادیمی دا.

هەڤگونجاندن دگەل دیدگەها ستراتیجی یا زانکۆیا دهۆک

ئەڤ چالاکیە ب تەمامی دگەل پلانا ستراتیجی ٢٠٢٣-٢٠٣٨ یا زانکۆیێ دگونجیت، یا کو جەختێ لسەر بهێزکرنا قوتابیان، خۆشگوزەرانیا دەروونی و پەروەردەیا هەمەلایەن دکەت. ب باسکرنا ساخلەمیا دەروونی ل تەنشتا شارەزایێن ئەکادیمی، زانکۆیا دهۆک بەردەوامە د ئافراندنا ژینگەهەکا فێرکرنێ یا پالپشت دا کو قوتبیان هاندەت بۆ پێشکەڤتن د خواندنێن خۆ دا هەروەها پاراستنا خۆشگوزەرانیا کەسایەتی.

کارتێکرن و دەستپێشخەریێن داهاتی

ب دیتنا گوشارێن زێدە یێن کو قوتابی د پەروەردا بلند دا رووبروودبن، زانۆیا دهۆک خۆ تەرخان کریە بۆ بەرفرەهکرنا پرۆگرامێن هشیاربوونا ساخلەمیا دەروونی، وۆرکشۆپێن ئاڤاکرنا شارەزایان، و دەستپێشخەریێن سەرکەڤتنا ئەکادیمی. زانکۆ ئارمانجا وێ یە کو بەردەوام سیمینارێن ساخلەمیا دەروونی بێخیتە ناڤ سالناما خۆ یا ئەکادیمی دا پشترەوان بیت کو قوتابی ب ئامرازێن پێدڤی هاتینە پالپشتکرن ژبۆ گەشەکرن د هەردوو ژیانا ئەکادیمی و کەسایەتی دا.

فیدباکا قوتابیان و کارتێکرنا ئەرێنی

قوتابیان کو پشکداری د وۆرکشۆپێ دا کرین، سپاسیا خۆ دیارکر بۆ ئامۆژگاریێن پراکتیکی یێن هاتینە پارڤەکرن، و باشبوون د تێگەهشتنا رێڤەبرنا گوشاریێ و پلاندانانا خواندنێ دا دیار کر. 

پابەندبوون ب گەشەپێدانا قوتابیان 

ب وەبەرهێنان د هشیاربوونا ساخلەمیا دەروونی و گەشەپێدانا شارەزایێن پراکتیکی دا، زانکۆیا دهۆک  رۆلێ خۆ وەک دامەزراوەیەکا بەرفرەهـ پتەو دکەت کو خۆشگوزەرانیا قوتابیان و سەرکەڤتنا ئەکادیمی ددانیتە سەرێ ئارمانجێن خۆ.

بۆ زانیاریێن نوی  لسەر وۆرکشۆپێن داهاتی و پرۆگرامێن پالپشتیا قوتابیان سەرەدانا www.uod.ac بکەن.

ئاگەهدار بمینن و پشکداریێ بکەن

ڕاگەهاندنا زانکۆیا دهۆک - ئادارا ٢٠٢٥

ڕاپۆرتکرن ژلایێ:

• فاطمە مەحمود عەلی
• نیژین ا. عەلی 
• وێنەگرتن ژلایێ: ڕیاد ڕەمەزان ئەمین

پەیڤێن سەرەکی:

• خۆشگوزەرانیا قوتابیێن زانکۆیا دهۆکێ
• کۆنترۆلکرنا نیگەرانیێ بۆ قوتابیان 
• شارەزایێن خواندنێ و سەرکەڤتنا ئەکادیمی
• ساخلەمیا دەروونی د پەروەردەیا بلند دا
• تەکنیکێن ڕێڤەبرنا گوشاریا تاقیکرنان