زانکۆیا دهۆک، ١ـی شواتا ٢٠٢٦ـێ | نڤیسینگەها ڕاگەهاندنا زانکۆیێ (UNPO)

سەنتەرێ ڤەکۆلینێن جینۆسایدێ ل زانکۆیا دهۆک، سمینارەکا ئەکادیمی یا تایبەتمەند ل سەر "ڕۆلێ پێکڤەژیانێ د ڕێگریکرن ل جینوسایدێ" ڕێئێخست و تێدا پێشوازی ل بەرێز ئالێک بارۆڤیچ، ڤەکۆلەرێ دکتۆرایێ د بوارێ ڤەکۆلینێن جینۆسایدێ دا ل زانکۆیا پادۆڤا (ئیتاڵیا) کر، کو ڕۆژا سێشەمبی ل كوژیێ ئەمریکی (American Corner) ل ناڤەندا قوتابیان بڕێڤەچوو.

ئەڤ سمینارە پشکەکە ژ پابەندبوونا بەردەوام یا زانکۆیا دهۆک ب هەڤکاریا ئەکادیمی یا ناڤدەولەتی، ئاڤاکرنا ئاشتیێ، و ڤەکۆلینێن پێشکەڤتی د بوارێ جینۆساید و ململانێیان دا. بەرێز بارۆڤیچ، کو خودان شارەزاییەکا بەرفرەهە د بوارێ پەروەردە و ڕێگرتن ل جینۆسایدێ، وەک پشکەک ژ ڤەکۆلینا خۆ یا بەراوردکاری ل سەر جینۆسایدێ و جڤاکێن پشتی ململانێیان سەرەدانا دهۆکێ کریە.

د دەمێ سمینارێ دا،بەرێز بارۆڤیچ تەکەزی ل سەر ڕۆلێ گرنگ یێ پێكڤەژیان و هەڤگرتنا جڤاکی د ڕێگرتن ل جینۆسایدێ دا کر، و نموونەیێن ناڤدەولەتی ژ بۆسنیا و هەرسەک، ڕواندا، و هەرێما کوردستانێ ئینان. شیکارکرنا وی دیار کر کا چەوا پەروەردە، بیردانكا ب کۆم، و سیاسەتێن گشتگیر دشێن وەک ئامرازێن کاریگەر بۆ کێمکرنا توندوتیژییا بەرفرەهـ و بجهئینانا ئاشتییا دۆمدرێژ خزمەت بکەن.

ئەڤێ چالاکیێ ژمارەیەکا مەزن ژ قوتابی و ڤەکۆلەرێن زانکۆیا دهۆک بۆ خۆ ڕاکێشان، کو نیشاندەرێ زێدەبوونا گرنگیدانا ئەکادیمی یە ب ڤەکۆلینێن جینۆسایدێ و مافێن مرۆڤی. سمینار ب روینشتنەكا گەنگەشێ یا کارلێکەر بدوماهیک هات، کو تێدا پشكداران ب پسیار و بیروڕایێن هویر پشکداری کر، ئەڤ چەندە ژی ڕۆلێ زانکۆیا دهۆک وەک سەکۆیەک بۆ دیالۆگا ڕەخنەیی، فێربوونا پشتبەستی ب ڤەکۆلینان، و هاوەڵاتینامەیا جیهانی موکمتر دکەت.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانكۆیێ" ١ـی شواتا ٢٠٢٦ـێ
راپۆرت: فاطمە محمود علی

پەیڤێن سەرەكی

• ڤەکۆلینێن جینۆسایدێ ل زانکۆیا دهۆکێ
• سمینارا ڤەکۆلینێن جینۆسایدێ
• پەروەردەیا ئاشتی و پێكڤەژیانێ
• هەڤکارییا ئەکادیمی یا نێڤدەولەتی
• ڤەکۆلینێن قۆناغا پشتی ململانێیان ل کوردستانێ