زانکۆیا دهۆك، ١٩ـی چریا ئێکێ ٢٠٢٦ | نڤیسینگەها راگەهاندنا زانکۆیێ (UNPO) — د. داود سلێمان ئەتروشی، سەرۆکێ زانکۆیا دهۆك، پێشوازی ل د. دلدار حاجی موسا، راگرێ کۆلیژا پزیشکی، د. بەیار ئەحمەد قاسم، و سێ قوتابیێن پشکدار کر، ژبۆ رێزلێنان و بلند نرخاندنا سەرکەڤتنا ئەکادیمی یا ناڤدەولەتی یا پەرتووکا «وێستگەهێن مێژوویی د زانستێ كەڕەڕژێن و نەخۆشیا شەکرێ دا» (Historical Landmarks in Endocrinology and Diabetes).

ئەڤ پەرتووکا کو ژ لایێ پرۆفیسۆر د. بەیار ئەحمەد قاسم ژ کۆلیژا پزیشکی ڤە هاتیە سەرپەرشتیکرن و سەرنڤیسین، ڕێزلێنانەکا مەزن ل کۆنگرەیێ ئەوروپی یێ كەڕەرژینا (ECE 2026) ل باژێڕێ پراگ ل وەلاتێ چیك ل ناڤبەرا ١٠ هەتا ١٢ـی گولانا ٢٠٢٦ـێ بدەستڤە ئینا؛ د پێنگاڤەکا ناوازە دا، ئەڤ بەرهەمە وەك پەرتووکا فەرمی یا کۆنگرەی هاتە دەستنیشانکرن و بوو پڕفرۆشترین بەرهەم د دەمێ ئەنجامدانا کۆنگرەی دا پشتی کو هەمی کۆپیێن بەرهەڤکری ب تەمامی هاتینە فرۆتن.

ئەڤ پەرتووکە ل ١ـی ئیلۆنا ٢٠٢٤ ژ لایێ دەزگەهێ چاپ و بەلاڤکرنا ناڤدار یێ بەریتانی (Cambridge Scholars Publishing) ڤە هاتیە چاپکرن و ژ ٤١٠ لاپەران پێکهاتیە؛ تێدا وێستگەهێن سەرەکی یێن مێژوویی د پێشڤەچوونا زانستێ كەڕەڕژێن و نەخۆشیا شەکرێ دا دکۆڵیت، ب شێوازەکێ کو کۆمکرنێ د ناڤبەرا ڤەکۆلینا زانستی، ڤەگێڕانا مێژوویی، و وێنەسازی و شێوازێ هونەری دا دکەت دا کو رۆهن بکەت کا چەوا ڤەدیتنێن سەرەکی رۆل د شێوەگرتنا زانینا پزیشکی یا سەردەم دا هەبوویە.

ناڤەڕۆکا پەرتووکێ چەندین تەوەرێن تایبەتمەند بخۆڤەدگریت، ژ وان ژی: كەڕەڕژێنە دەمار (Neuroendocrinology)، نەخۆشیێن ڕژینا تایرۆید (Thyroid)، نەخۆشیێن ڕژینا ئەدرینال (Adrenal)، ڕژینێن زاوزێ (Reproductive endocrinology)، و نەخۆشیا شەکرێ (Diabetes mellitus). ئەڤ بەرهەمە ب پشکداریا توێژەرێن زانکۆیا دهۆک و ب هەڤکاری

دگەل کۆلێژا شاهانە یا پزیشکان ل "ئەدنبرە" ل سکۆتلەندا هاتیە بەرهەڤکرن.

د دیدارێ دا، د. ئەتروشی شانازییا زانکۆیێ ب ڤی دەستکەفتێ مەزن دەربڕی و پشتەڤانیا بەردەواما زانکۆیێ بۆ چاپەمەنیێن ئەکادیمی و بەرهەمێن زانستی یێن ستافێ مامۆستایان دوپات کر. هەروەسا گرنگیا بەرهەمێن زانستی د پێشڤەبرنا زانینێ، بهێزکرنا کارتێکرنا

ڤەکۆلینان، و بلندکرنا پێگەهێ زانکۆیێ ل سەر ئاستێ ناڤدەولەتی دا بلند نرخاند.

سەرکەڤتنا ڤێ پەرتووکێ رەنگڤەدانا پابەندبوونا زانکۆیا دهۆکە ب نایابیا زانستی، هەڤکاریا ئەکادیمی یا ناڤدەولەتی، و بەلاڤکرنا زانینێ؛ هەروەسا ئەڤ دەستکەفتە دیسان دیار دکەت کا چەوا بەرهەمێن زانایێن زانکۆیا دهۆک دشێن بگەهنە ناڤەندێن ئەکادیمی یێن جیهانی و پشکداریێ د دیالۆگ و گەنگەشەیێن زانستی یێن بەرفرەهـ دا د بیاڤێ پزیشکی دا بکەن.

- پەرتووکێ ببینە: وێستگەهێن مێژوویی د زانستێ كەڕەڕژێن و نەخۆشیا شەکرێ دا

- تەماشەی پرۆمۆ یا فەرمی یا پەرتووکێ بکە: ڤیدیۆیێ ببینە

- ڤێرە کلیك بکە بۆ دیتنا روومالا میدیایی

نڤیسینگەها راگەهاندنا زانکۆیێ (UNPO)، ١٩ـی چریا ئێکێ ٢٠٢٦

ئامادەکرن: فاطمە مەحمود عەلی

وێنە: محەمەد ع. تاهر

پەیڤێن سەرەکی:

- نایابیا ڤەکۆلینان ل زانکۆیا دهۆك

- بەیار ئەحمەد قاسم

- وێستگەهێن مێژوویی د زانستێ كەڕەڕژێن و نەخۆشیا شەکرێ دا

- کۆنگرەیێ ئەوروپی یێ كەڕەرژینا 2026

- ڤەکۆلینێن پزیشکی و هەڤکاریا ناڤدەولەتی