زانکۆیا دهۆک، ١٨ـی گۆلانا ٢٠٢٦ | نڤیسینگەها ڕاگەهاندنا زانکۆیێ (UNPO)

پشکا شوینواران ل كۆلیژا زانستێن مرۆڤایەتی، زانکۆیا دهۆک، ل ڕێکەڤتی ١٨ـی گۆلانا ٢٠٢٦ـێ، چالاکیێن ڕاهێنانا

قوتابیان کۆ د چوارچۆڤێ پڕۆژێ (TRANSITION) دا هاتبوونە ڕێکخستن، ب

چالاکییەکا تایبەت یا کەلتۆری کۆ هاتبوو تەرخانكرن بۆ جلوبەرگێن کەلەپۆری و

خوارنێن فۆلکلۆری یێن پێکهاتە و کێمینەیان، ب دوماهی ئینا. ئەڤ دەستپێشخەریە

پشکەکە ژ پێگیریا بەرفرەهـ یا زانکۆیا دهۆک بۆ پاراستنا فرەڕەنگیا کەلتۆری و

پاراستنا کەلەپۆرێ کەلتۆری یێ نەجەستەیی.

ئەڤ چالاکیە ب ئامادەبوونا ڤان بەرێزان بڕێڤەچوو:

- د. سەعید خودێدا عەلو، ڕاگرێ کۆلیژا زانستێن مرۆڤایەتی.

- د. بەیار سەفەر چیچۆ، بەرپرسێ لیژنا ناوچا چرا یا پارتی دیموکراتی کوردستان (PDK).

- مامۆستا و ستافێ ئەکادیمی ژ پشکێن جودا جودا.

- ئەو قوتابیێن د چالاکیێن ڕاهێنانێ یێن پڕۆژێ TRANSITION دا پشکدار بووین.

- چەندین ڕاهێنەر و بسپۆرێن کۆ ب هزر و ڕاسپاردەیێن گرێدای پڕۆژەیێ TRANSITION

پشکداری کرین.

د چالاکیێ دا ناسنامە و کەلەپۆرێ کێمینەیان ب ڕێیا جلوبەرگێن فۆلکلۆری، نەریتێن

کەلتۆری، و خوارنێن کەلەپۆری هاتە نیشاندان، کۆ ئەزمۆنەکا پەروەردەیی یا

کارلێکەر بۆ قوتابیان پەیدا کر، دا کۆ تیشک بهێتە ئێخستنە سەر گرنگیا

پاراستنا کەلەپۆرێ کەلتۆری یێ نە جەسنەیی و بهێزکرنا ناسنامەیا کەلتۆری.

مەرەم ژ ڤان چالاکیان هاندنا قوتابیان بوو کۆ ب شێوەیەکێ کارا پشکداریێ د

دۆکۆمێنتکرن و پاراستنا کەلەپۆرێ کێمینەیان دا بکەن، ب تایبەتی

کەلەپۆرێ کەلتۆری یێ نەجەستەیی کو ڕۆلەکێ گرنگ دگێڕیت د پاراستنا

بیرەوەریا مێژوویی، ناسنامەیا کەلتۆری، و ڤەگوهاستنا زانینێ د ناڤبەرا

نڤشێن جودا جودا دا.

ئەڤ چالاکیا دوماهییێ ڕەنگڤەدانا ئارمانجێن پڕۆژێ TRANSITIONـە، کۆ ب هەڤکاری

دگەل ئێکەتیا ئەورۆپا هاتییە پارەدارکرن، و بزاڤێ دکەت بۆ بلندکرنا هوشیاریێ،

ڕاهێنانا ئەکادیمی، و شیانێن سازیی د بوارێ پاراستنا کەلەپۆرێ کێمینەیان ل

هەرێما کوردستانێ و یەمەنێ.

ب ڕێیا ڤان جۆرە دەستپێشخەریان، زانکۆیا دهۆک بەردەوامە ل سەر بهێزکرنا ڕۆلێ خۆ یێ

ستراتیژی د بەرەڤپێشبرنا بەردەوامیا کەلتۆری، دیالۆگا د ناڤبەرا کەلتۆران، و

پەروەردا ئاراستەکری بۆ خزمەتا کۆمەلگەهێ.

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ، ١٨ـی گۆلانا ٢٠٢٦
راپۆرت: فاطمە محمود عەلی
وێنەگرتن: محەمەد ع. تاهر

پەیڤێن سەرەکی: پڕۆژەیێ TRANSITION یێ زانکۆیا دهۆک، پاراستنا کەلەپۆرێ

کێمینەیان زانکۆیا دهۆک، کەلەپۆرێ کەلتۆری یێ نە جەستەیی کوردستان، چالاکیێن کەلتۆری

یێن قوتابیێن شوینواری، پێشانگەها کەلەپۆرێ ڕەسەن.