شاندەكێ زانكۆيا دهۆك سهرهدانا زانكۆيا پالێرمۆ ل ئیتالیا دكهت ژ بۆ ب هێزكرنا ههڤكاريا ڤهكۆلينێ
زانكۆيا دهۆك – ١٦ـی شواتا ٢٠٢٦ | نڤيسينگهها راگەهاندنا زانكۆيێ (UNPO)
وهك پشكهك ژ پێگيرييا وێ يا بهردهوام ب ههڤكاريا ئهكاديمى يا ناڤدهولهتى و ئالوگۆڕكرنا زانينێ، زانكۆيا دهۆك پشكدارى د چالاكييێن زانستى يێن زانكۆيا پالێرمۆ ل ئيتاليا دا كر، ئهو ژى ب رێیا سهرهدانا د. عومران عهلى عومهر، رێڤهبهرێ سهنتهرێ خواندنێن ئاشتيێ و چارهسهركرنا ملمانێ.
پێشئێخستنا ديالۆگا ئهكاديمى ل دۆر ئاڤاكرنا ئاشتيێ
ئهڤ سهرهدانه د دهمێ برێڤهچوونا قوتابخانا زڤستانێ يا "MARE: ههڤپهيمانييا دهريايا ناڤهراست بۆ ڤهكۆلين و پهروهردێ" دا هاته ئهنجامدان، يا كو ژ ٩ تا ١٣ـی شواتا ٢٠٢٦ هاتبوو گێڕان. چالاكيێ كۆمهكا ڤهكۆلهر و دامهزراوەیێن ههڤپشك كۆمكرن، ژ وان ژى زانكۆيا بيرزێت، زانكۆيا لوبنانى يا ناڤدهولهتى، و زانكۆيا تونس ئهلمهنار.
شاندێ زانكۆیا دهۆك (UOD)
- د. عومران عومەر عەلی، سەڕۆكێ شاندی
- د. ئەحمەد محەمەد عەبدۆ
- د. هاجەر بەشیر سەعدون
- م. ئیدریس ئەحمەد حەسەن
د ماوێ روينشتنان دا، د. عومران و شاندێ زانكۆیێ پشكدارى د گهنگهشهيێن ئهكاديمى دا كرن ل دۆر ئاڤاكرنا ئاشتيێ، گوهۆڕينا ناكۆكييان (conflict transformation)، و قۆناغا ب ژ نوی ڤە رابوونێ ل پشتى ناكۆكييان. گرنگييهكا تايبهت ب دۆزا كوردى هاته دان، كو وهك نموونهيهكێ ههرێمى د بابهتێن پێكڤهژيانێ، و خۆڕاگریێ (resilience)، و ستراتيژيێن ئاشتييا بهردهوام دا هاته شڕۆڤهكرن.
درۆستكرنا دهليڤهيان بۆ ههڤكاريا ڤهكۆلينێ
ئارمانجا سهرهكى يا ڤێ سهرهدانێ رهخساندنا ژينگهههكا گونجاى بوو بۆ ههڤكاريا ڤهكۆلينێ يا ههڤپشك، و ديالۆگا دناڤبهرا پپسپۆرييێن جودا دا، و ب هێزكرنا تۆرێن پهيوهنديێن ئهكاديمى د ناڤبهرا زانكۆیێن پشكدار دا. د دانوستاندنان دا بهحس ل ئهگهرێن ئهنجامدانا پرۆژهيێن ڤهكۆلينێ يێن ههڤپشك، و ئالوگۆڕێن ئهكاديمى، و دهستپێخهريێن پاشهرۆژێ هاته كرن يێن كو گرێداى ئاريشهيێن ئاشتيێ نه ل دهڤهرێ و حهوزێ دهريايا ناڤهراست.
پشتگيرييا ديتنا ستراتيژى يا زانكۆيا دهۆك
ئهڤ پشكدارييه راستهوخۆ پشتگيريێ ل پلانا ستراتيژى يا زانكۆيا دهۆك (٢٠٢٣-٢٠٣٨) دكهت، ب تايبهتى د تهوهرێن:
- بهرفرههكرنا ههڤپهيمانيێن ئهكاديمى يێن ناڤدهولهتى.
- بهێزكرنا تۆرێن ههڤكاريا ڤهكۆلينێ.
- پێشئێخستنا ئالوگۆڕكرنا زانينێ كو پشتگيريێ ل سهقامگيرى و گهشهپێدانا دۆمدار دكهت.
ب رێكا دهستپێخهرييێن ب ڤى رهنگى، زانكۆيا دهۆك بهردهوامه ل سهر دياركرنا پێگههێ خۆ وهك ههڤپشكهكێ ئهكاديمى يێ كارا د گهنگهشهيێن جيهانى دا ل دۆر ئاڤاكرنا ئاشتيێ، و پێكڤهژيانێ، و خۆڕاگریا جڤاكى.
نێڕین بۆ پاشهرۆژێ
دهێته چاڤهرێكرن كو ئهڤ سهرهدانه رێكان بۆ ههڤكارييا پاشهرۆژێ د پرۆژهيێن ڤهكۆلينێ، و لڤينا ئهكاديمى، و چالاكييێن زانستى يێن ههڤپشك د بياڤێ خواندنێن ئاشتى و ناكۆكييان دا ڤهكهت، و رۆلێ ئهكاديمى يێ زانكۆيا دهۆك ل سهر ئاستێ ههرێمى و نێڤدهولهتى قاييمتر لێ بكهت.
ڤێرە کلیک بکە بۆ دیتنا وێنەیان
نڤيسينگهها راگەهاندنا زانكۆيێ – ١٦ـی شواتا ٢٠٢٦
راپۆرت: فاطمە محمود عهلى
پهیڤێن سهرهكى:
زانكۆيا پالێرمۆ، ڤهكۆلينێن ئاڤاكرنا ئاشتيێ، كهيسێن خواندنا دۆزا كوردى، ههڤكارييا ناڤدهولهتى يا زانكۆيا دهۆك، ههڤپهيمانييێن ئهكاديمى يێن دهريايا ناڤهراست