هەڤتەریبکرنا پێشکەفتنێ دگەل دیتنا ستراتیجی یا زانکۆیا دهۆکێ

ل ١٦ێ شوباتا ٢٠٢٥ێ، زانکۆیا دهۆکێ کۆمبوونا خۆ یا ١٩ێ یا کۆمیتەیا بەرێڤەبرنێ یا پلاندانانا ستراتیجی ل ناڤەندا چاندی و کۆمەڵایەتی ئەنجامدا. د ڤێ دانیشتنێ دا سەرکردێن ئەکادیمی و کارگێڕی کۆمبوون بۆ هەڵسەنگاندنا پێشکەفتنا زانکۆیێ بەرەڤ گەهشتنا ئارمانجێن ستراتیجی، باوەرنامەیا دامەزراوەیی، و باشترکرنا چوارچوڤێ سیاسەتان.

د ئاخفتنا خۆ یا ڤەکرنێ دا، د. داود سلێمان ئەتروشی، سەرۆکێ زانکۆیا دهۆکێ، پێداگری ل سەر پابەندبوونا زانکۆیێ ب گەشەکرنا سیستەماتیک و دڵنیاییا کوالیتێ کر، و گۆت:

"پێشکەفتنا مە دبیت هێدی بیت، لێ ئەم د رێکا دروست دا نە، ب تەمامی هەڤتەریب دگەل پلان و ئارمانجێن مە یێن ستراتیجی. باوەرنامە نە ئارمانجا مە یا داویێ یە؛ بەلکو ئەو رێک ە یا کو ئەم دگرین بۆ گەهشتنا خواستێن خۆ یێن درێژخایەن. ئەز سوپاسیا ستافێ زانکۆیێ دکەم ژ بۆ پابەندبوونا وان یا بەردەوام د بهێزکرنا ڤێ دامەزراوێ دا د هەمی ئاستان دا."

گفتوگۆیێن سەرەکی یێن سیاسەتان و باشترکرنێن دامەزراوەیی د کۆمبوونێ دا پێشکێشکرن ل سەر سیاسەتێن گرنگ هاتنە کرن کو پشتگیریا پابەندبوونا زانکۆیا دهۆکێ ب باشیا ئەکادیمی، لێپرسینەریا سەرکردایەتیێ، و تێکەلبوونا نێڤدەوڵەتی دکەن.

١. سیاسەتا شاندان: دڵنیابوون ژ نوێنەرایەتیا ستراتیجی پێشکێشکری: د. نزار ئەمین محەمەد، رێڤەبەرێ رێڤەبەریا پەیوەندیێن نێڤدەوڵەتی

د. نزار ئەمین سیاسەتا شاندان پێشکێشکر، چوارچوڤەکا رێکخستی یا کو پێناسەیا هەلبژارتن، بەرپرسیاری، و لێپرسینەریا نوێنەرێن زانکۆیا دهۆکێ یێن بەشداربووی د چالاکیێن ناڤخۆیی و نێڤدەوڵەتی دا دکەت. ئارمانجێن سەرەکی یێن سیاسەتێ دناڤ خۆ دا دگرن:

هەڤتەریبکرنا چالاکیێن شاندان دگەل پێشینەیێن ستراتیجی یێن زانکۆیا دهۆکێ. بهێزکرنا ناڤودەنگێ دامەزراوەیی و تێکەلبوون د وارێن ئەکادیمی، ڤەکۆلینی، و پیشەیی دا. باشترکرنا شەفافیەتێ د پیڤەرێن هەلبژارتنێ و راپۆرتکرنا پشتی رویدانان دا بۆ هاندانا پارڤەکرنا زانینێ د ناڤ فاکەلتیێن زانکۆیا دهۆکێ دا.

ئەڤ سیاسەتە بۆ مامۆستایان، ستافێ کارگێڕی، و خواندکارێن ئامادەبووی د کۆنفرانس، وۆرکشۆپ، بەرنامێن راهێنانێ، و کۆمبوونێن هەڤپەیمانیا ستراتیجی دا یە، و پشتگیریا ئامادەبوونا جیهانی و هەوڵێن هەڤکاریێ یێن زانکۆیا دهۆکێ دکەت.