زانکۆیا دهۆک – ١٦ـی تەباخا ٢٠٢٦، نڤیسینگەها راگەهاندنا زانکۆیێ | ب هەماهەنگی د ناڤبەرا زانکۆیا دهۆک و زانکۆیا زاخۆ و ب پشتەڤانیا پارێزگەها دهۆکێ و ئیدارەیا سەربخۆیا زاخۆ، ل رێکەڤتی ١٢ـی تەباخا ٢٠٢٦ـێ، د رێورەسمەکێ شایستە

و تایبەت دا ل سەنتەرێ کۆنفرانسان یێ زانکۆیا دهۆک، "ڕێبەرێ ڕاستنڤیسا زمانێ کوردی - زارێ کرمانجی ب تیپێن عەرەبی" ب فەرمی هاتە راگەهاندن.

ئەڤ رێورەسمە ب ئامادەبوونا پارێزگارێ دهۆکێ د. عەلی تەتەر، راوێژکارێ وەزارەتا خواندنا بلند و ڤەکۆلینێن زانستی د. سەباح وەیس، سەرۆکێ زانکۆیا دهۆک د. داود سلێمان ئەتروشی، سەرۆکێ زانکۆیا زاخۆ د. دیار عەبدولکەریم سەعید، نوینەرێ سەرپەرشتێ ئیدارەیا سەربخۆیا زاخۆ بەرێز فارس یوحەنا بالیۆس، و جێگرا مەکتەبا رێکخستنێ یا پارتی دیموکراتی کوردستان د. ڤیان سلێمان، و ب پشکداریا ژمارەیەکا بەرچاڤ ژ بەرپرس و نوینەرێن حکومی، ئەکادیمی، حزبی، نڤیسکار، رەوشەنبیر و رۆژنامەڤانان بڕێڤەچوو.

پەیڤ و گرنگیا پرۆژەی

د رێورەسمان دا، پەیڤێن فەرمی ژ لایێ پارێزگارێ دهۆکێ و نوینەرێ سەرپەرشتێ ئیدارا سەربخۆیا زاخۆ ڤە هاتنە پێشکێشکرن. د پەیڤێن خۆ دا، تەکەزی ل سەر گرنگیا ڤی پڕۆژەیێ دیرۆکی کرن ب مەرەما ئێکگرتن و وێکخستنا ڕاستنڤیسا زمانێ کوردی د ناڤبەرا دامەزراوەیێن فەرمی، ناڤەندێن خواندنێ و دەزگەهێن راگەهاندنێ دا. هەروەسا وەک پشتەڤانیەک بۆ ڤی پرۆژەیێ هەرەگرنگ، پارێزگەها دهۆکێ رابوویە ب ئەرکێ چاپکرنا (٥٠٠٠) دانەیان ژ ڤی ڕێبەری.

د تەوەرەکێ دی یێ رێورەسمان دا، ناڤەرۆک و بنیاتێن زانستی یێن ڕێبەری ژ لایێ پ. د. عەبدولسەلام نەجمەدین عەبدوللا ڤە هاتنە ناساندن و شلۆڤەکرن. ژ لایێ خۆ ڤە ژی، د. داود سلێمان ئەتروشی وەکو سەرۆکێ لێژنا بلند یا ڕێبەری، چەندین پێشنیازێن

پراکتیکی بۆ چەوانیا جێبەجێکرنا ڤی ڕێبەری ل دامەزراوەیێن دەڤەرێ پێشکێشکرن.

لێژنا بلند و لێژنا ئامادەکار یا پرۆژەی

ئەڤ پرۆژە بەرهەمێ کار و خەباتا چەندین پسپۆر و زمانزانێن هەردوو زانکۆیێن دهۆک و زاخۆ یە. ل ڕێکەڤتی ٣ـی شواتا

٢٠٢٥، زانکۆیا دهۆک لێژنا بلند بۆ پلان دانان و ڕێڤەبرنا ڤی پرۆژەی پێکئینا کو ژ ئەڤان بەرێزان پێکدهێت:

١. د. داود سلێمان ئەتروشی (سەرۆکێ زانکۆیا دهۆک) –

سەرۆکێ لێژنەیێ

٢. د. دیار عەبدولکەریم سەعید (سەرۆکێ زانکۆیا زاخۆ) – ئەندام

٣. د. ئەبو عوبەیدە عەبدوللا زیاب (ڕاگری کۆلێژا زمانان - زانکۆیا دهۆک) – ئەندام

٤. د. عەبدولسەلام نەجمەدین عەبدوللا (سەرۆکێ سەنتەری زاخۆ بۆ ڤەکۆلینێن کوردی) – ئەندام

٥. بەرێز موئەیەد تەیب (ئەندامێ دەستەیا سەروکایەتیا ئەکادیمیا کوردی) – ئەندام

هەروەسا، لێژنا ئامادەکار یا ڤی ڕێبەرێ زانستی کو پێکهاتیە ژ (١٤) پسپۆر و

مامۆستایان، ب ئەڤی رەنگی یە:

- د. عەبدولسەلام نەجمەدین عەبدوللا

- د. حسێن عوسمان عەبدولرەحمان

- د. ئەبو عوبەید عەبدوللا زیاب

- د. شێرزاد سەبری عەلی

- د. ڤیان ئیبراهیم عەلی

- د. شۆڕەشڤان عادل ئەحمەد

- د. فازل عومەر

- د. نه‌وزاد هروری

- د. ئیسماعیل تاها شاهین

- م. ئەرشەد ئیسلام شوکری

- بەرێز عەجیب عەبدوللا

ئارمانجێن ڕێبەرێ ڕاستنڤیسا زمانێ کوردی

ئارمانجا سەرەکی ژ بەرهەڤکرنا ڤی ڕێبەری، ئێکخستن و وەکەهەڤکرنا ڕاستنڤیسێ یە ل زانکۆیێن دەڤەرێ، کەناڵێن راگەهاندنێ،

پرۆگرامێن خواندنێ ل قوتابخانەیان و سەرجەم بەلگەنامە و نڤیسارێن فەرمی یێن دەڤەرا بەهدینان، بۆ نەهێلانا وێ ئالۆزی و جوداهییا د نڤیسینا هندەک پەیڤان دا هەی (بۆ نموونە: پێشکێشکرن/پێشکەشکرن، یان نڤیسینا "ئەز" ب شێوەیێ "ئەس").

ئارمانجێن پرۆژەی ب کورتی ئەڤەنە:

١. ئاسانکرن و برێڤەبرنا کاروبارێن کارگێڕی و پەروەردەیی ب

رێنویسەکا ئێکگرتی.

٢. دابینکرنا ڕێبەرەکێ وەکەهەڤ و ئێکگرتی بۆ قوتابی و

مامۆستایێن پشکا زمانێ کوردی.

٣. بلندکرنا ئاستێ نڤیسینێ یێ فێرخوازێن پشکا زمانێ

کوردی، دا کو مامۆستا پتر جەختێ ل سەر ڕاستنڤیسێ بکەن و نەوەکەهەڤی نەمینیت.

٤. فێرکرنا فەرمانبەرێن حکومی ل سەر ڕاستنڤیسا دروست یا زمانێ کوردی.

٥. جێبەجێکرن و بکارئینانا ڤێ ڕاستنڤیسێ د پرۆگرامێن خواندنێ دا ب شێوەیەکێ فەرمی و زانستی.

ل دویماهیا رێورەسمان، خەلاتێن رێزلێنانێ ژ لایێ پارێزگەها دهۆکێ ڤە ب سەر ئەندامێن لێژنا ئامادەکار دا هاتنە دابەشکرن، وەکو پێزانینەک بۆ وێ ماندیبوون و خەباتا وان یا زانستی. هەروەسا کۆنگرەیەکێ ڕۆژنامەڤانی ژ لایێ پارێزگارێ دهۆکێ و لێژنا ئامادەکار ڤە بۆ بەرسڤدانا دەزگەهێن ڕاگەهاندنێ هاتە ئەنجامدان.

ڤێرە كلیك بكە بۆ دیتنا وێنەیان

نڤیسینگەها راگەهاندنا زانکۆیێ، ١٦ـی تەباخا ٢٠٢٦
راپۆرت: فاطمە محمود عەلی
وێنە: محەمەد ع. تاهر