گێڕانا کۆربەندەکێ زانستى ب پێشەنگیا قوتابييان ل كۆليژا پەرستاری ب پشكداريا ناڤدهولهتى ژ زانكۆيا ئۆكسفۆرد
زانكۆيا دهۆك، ١٥ـی شواتا ٢٠٢٦ | نڤيسينگهها راگەهاندنا زانكۆيێ (UNPO)
وهك پێگيرييهك ب بهردهواميا زانكۆيا دهۆك بۆ بهێزكرنا كوالێتييا ئهكاديمى و گهشهپێدانا شيانێن ڤهكۆلينێ ل دهڤ قوتابييان، كۆليژا پەرستاری کۆربەندەکێ زانستى ب ئامادهبوونا راگر، د. ئەحمەد محەمەد سالح، و مامۆستا و قوتابيان رێكئێخست. ئهڤ چالاكيه ل ژێر سەرپەرشتیا ڕاستەوخۆ یا د. هاوار عهبدولڕهزاق محهمهد سادق هاته ئەنجامدان.
د ڤی کۆربەندی دا جەخت ل سهر فێربوونا قوتابی-سەنتەر هاته کرن، کو تێدا قوتابيێن پەرستاری زنجیرەكا سمينارێن زانستى ل دۆر بابهتێن ساخلهميێ یێن سەردەمیانە پێشکێشکرن. پێشکێشکرنێن وان رهنگڤهدانا بزاڤێن كۆليژێ بوون بۆ پێشئێخستنا هزركرنا شيكارى، پهيوهنديێن پيشهيى، و پراكتیزهكرنا ل سهر بنهمایێ بهلگهيان، كو ئهڤه ژ پیشەنیێن سهرهكى یێن ستراتيژييا گهشهپێدانا پهروهردهيى يا زانكۆيێ نه.
پشكداريهكا ناڤدهولهتى يا ناياب زهنگينى دا ڤێ چالاكيێ ب رێكا گۆتارهكێ كو ژ لایێ د. حافز خان، ژ پهيمانگهها ئۆكسفۆرد بۆ پيربوونا دانعهمران (Oxford Institute of Population Ageing) ل زانكۆيا ئۆكسفۆرد، هاته پێشكێشكرن. د سمينارا خۆ دا، ناڤبرى رۆناهى ئێخسته سهر رێكێن مودێرن يێن پەرستاری و گرنگييا چاڤدێريا ساخلهميێ، ئهڤێ ژى دهليڤه دا قوتابيان كو ئاشناى ستاندهردێن جيهانى يێن ساخلهميێ ببن و ئارمانجێن زانكۆيێ بۆ ناڤدهولهتيكردنێ بهێزتر لێ كرن.
ئهڤێی کۆربەندی ژينگهههكا ئهكاديمى يا ههڤكار دروستكر كو قوتابى و مامۆستا و زانایێن ناڤدهولهتى پێكڤه گرێدان، د ههمان دهم دا داهێنان د پهروهردهيا پەرستاری دا پێشئێخست بۆ ئامادهكرنا دهرچوويێن خودان شيان كو بشێن پێدۆيستیێن ساخلهميێ يێن نوى دابين بكهن.
كۆليژا پەرستاری سوپاسى و دهستخۆشييا خۆ بۆ قوتابيێن پشكدار و مامۆستايێن سهرپهرشت دياركر بۆ رۆلێ وان د سهركهڤتنا ڤێ دهستپێخهرييا ئهكاديمى دا، ئهوا كو خزمهتا پهياما زانكۆيێ دكهت د پێشئێخستنا زانست و كارامهييێن پيشهيى و پهروهردهيا ساخلهميێ يا جڤاكى دا.
نڤيسينگهها راگەهاندنا زانكۆيێ (UNPO)، ١٥ـی شواتا ٢٠٢٦
راپۆرت: فاطمە محمود علی
پهیڤێن سهرهكى:
زانكۆيا دهۆك
پهروهردهيا پەرستاری
ڤهكۆلينێن قوتابييان
ههماههنگييا ئهكاديمى يا ناڤدهولهتى
داهێنان د ساخلهميێ دا