كۆليژا پزيشكى وۆركشۆپهك ل دۆر فێركرنا پزيشكى يا ل سەر بنەمایێ ئاريشهیان و كەیسان ئەنجامدا
زانكۆيا دهۆك – 15ـی شواتا 2026 | نڤيسينگهها راگەهاندنا زانكۆيێ
وهك پشكهك ژ پێگيرييا وێ ب نويكرنا ئهكاديمى و نايابييا فێركرنێ، كۆليژا پزيشكى ل زانكۆيا دهۆك وۆركشۆپهكا تايبهتمهند ل ژێر ناڤونيشاني "فێركرنا پزيشكى يا ل سەر بنەمایێ ئاريشهيان و فێركرنا پزيشكى يا ل سەر بنەمایێ كەیسان" رێكئێخست. وۆركشۆپ ل سهنتهرێ كۆنفرانسان ل زانكۆيێ ب پشكداريا مامۆستايێن كۆليژا پزيشكى هاته گێران.
چالاكى ب سهرپهرشتيا د. دلدار حاجى موسى، راگرێ كوليژا پزيشكى، و ب رێكخستنا پشكا پێشئێخستنا فێركرنا پزیشكی ل كۆليژێ هاته ئەنجامدان، ب مهرهما ناساندنا ستراتيژيێن فێركرنێ يێن مودێرن يێن فۆكوسێ ل سەر قوتابىان دكەت كو شيانێن هزركرنا كلينيكى و فێربوونا پراكتيكى بهێزدئێخن.
د ماوێ وۆركشۆپێ دا، پشكداران تهكنيكێن فێركرنێ يێن ههڤچهرخ ب رێكا روينشتنێن تيۆرى و پراكتيكى شڕۆڤهكرن. پروگرامێ وۆركشۆپێ رۆناهى ئێخسته سهر رێكێن فێربوونا ل سەر بنەمایێ ئاريشهيان (PBL) و فێربوونا ل سەر بنەمایێ كەیسان (CBL) كا دێ چهوا شێن هزركرنا شيكارى و شيانێن دهستنيشانكرنا نهخۆشييان ل دهڤ قوتابيان بهێزكهن، و ههروهسا كارلێكرنا وان دگهل سيناريۆيێن كلينيكى يێن راستهقينه زێده كهن.
ئهڤ دهستپێخهرييه پشتگيريێ ل پلانا ستراتيژى يا زانكۆيا دهۆك (2023-2038) دكهت، ب تايبهتى د تهوهرێ باشتركرنا كوالێتييا ئهكاديمى، پهيرهوكرنا رێكێن فێركرنێ يێن مودێرن، و پێشئێخستنا شيانان د فێركرنا پزيشكى دا، كو رۆلێ زانكۆيێ د بهرههڤكرنا كادرێن ساخلهميێ يێن خودان شيانێن بلند دا بهێزتردكهت.
كليك ل ڤێرێ بكه ژ بۆ ديتنا وێنەیان
نڤيسينگهها راگەهاندنا زانكۆيێ، 15ـی شواتا 2026
راپۆرت: حسێن اسماعيل محمد
پهیڤێن سهرهكى:
كۆليژا پزيشكى يا زانكۆيا دهۆك
نويكرنا فێركرنا پزيشكى
فێربوونا پشتگرێداى ب ئاريشهيان PBL
فێربوونا پشتگرێداى ب كەیسان CBL
پلانا ستراتيژى يا زانكۆيا دهۆك