زانكۆیا دهۆك بهرهڤ نویخوازیا پهروهردهیی؛ گهنگهشا نامهیا ماستهرێ ل دۆر ستراتیژیهتێن نوی یێن وانهگۆتنێ
زانكۆیا دهۆك – 14ـی شواتا 2026 | نڤیسینگهها ڕاگههاندنا زانكۆیێ (UNPO) —
زانكۆیا دهۆك، گهنگهشا نامهیا ماستهرێ یا ڤهكۆلهر (ماهر تاهر سالح) ئهنجامدا، ل كۆلیژا پهروهرده و ل 12ـی شواتێ، كو تێدا تیشك ئێخسته سهر كاریگهرییا ستراتیژیهتێن نوى یێن وانهگۆتنێ ل سهر بلندكرنا ئاستێ زانستی یێ قوتابیان د بابهتێ ئهدهبێ كوردی دا، وهك پێنگاڤەك بۆ گرێدانا تیۆری ب پراکتیکێ ڤە.
نویخوازیا پهروهردهیی د وانهگۆتنێ دا
ڤهكۆلین ل ژێر ناڤونیشانێ (كاریگهرییا ستراتیژیهتا LRD ل سهر دهستكهڤت و چارهسهركرنا پێزانینان) هاته پێشكێشكرن. د ڤێ نامێ دا، تهكهز ل سهر گوهۆڕینا شێوازێ وانهگۆتنا ئاسایی بۆ شێوازهكێ چالاك ب ڕێكا سێگۆشهیا (گوھداریكرن، خواندن، و گەنگەشەكرنێ) هاته كرن، ب مهرهما دروستكرنا نڤشەكێ خودان شیان د شیكاركرن و ههلگرتنا پێزانینان دا.
دەرئەنجامێن زانستی و پراكتیكی
ئەنجامێن ڤەکۆلینێ، كو ل سهر قوتابیێن پۆلا ههشتێ بنهرهت هاتینه جێبهجێكرن، دیاركر کو بکارئینانا ڤێ ستراتیژیەتێ كاریگهریهكا ئهرێنی یا بهرچاڤ ل سهر بلندكرنا نمرەیێن قوتابیان و گهشهپێدانا شیانێن وان یێن هزری ههبوویه، ب تایبهتی د لایهنێ چارهسهركرنا هویر و كویر یا پێزانینان دا.
پشتەڤانیکرنا دیتنا ستراتیژی یا زانکۆیا دهۆک
ئهڤ ڤەكۆلینە د چارچۆڤێ پلانا ستراتیژی یا زانكۆیا دهۆك دایه بۆ گرێدانا ڤهكۆلینێن ئهكادیمی ب گۆڕهپانا پهروهردهیی یا پراكتیكی ڤه. دیسان ههوڵهكه بۆ:
- پێشئێخستنا مێتۆدێن وانهگۆتنێ ل قوتابخانەیان.
- گرنگیدان ب زمان و ئەدەبێ كوردی ب شێوازهكێ زانستی.
- دابینكرنا ژێدهرێن زانستی بۆ مامۆستایان دا كو مفای ژ شێوازێن نوی یێن فێركرنێ وهربگرن.
چالاكی ل هۆڵا جڤاتا كۆلیژا پهروهرده ب ئامادهبوونا مامۆستا و بسپۆرێن بوارێ پهروهرده و زمانێ كوردی بڕێڤهچوو.
ڤێرە كلیك بكە بۆ دیتنا وێنەیان
نڤیسینگهها ڕاگههاندنا زانكۆیێ – 14ـی شواتا 2026
راپۆرت: ماهر تاهر سالح
وێنە: هەرمان جانگیر ئەحمەد
پهیڤێن سهرهكی:
زانكۆیا دهۆك
كۆلیژا پهروهرده
ستراتیژیهتێن وانهگۆتنێ
پێشئێخستنا ئهدهبێ كوردی
ڤهكۆلینێن ئهكادیمی