زانكۆیا دهۆک | نڤیسینگەها راگەهاندنا زانکۆیێ (UNPO) —

كوژیێ ئەمریکی (American Corner-Duhok) ل زانکۆیا دهۆک، رۆژا پێنجشەمبی ١١ـی کانوونا ئێكێ ٢٠٢٥، رێورەسمەکا تایبەت یا رێزلێنانێ گێرا، بۆ ریزلێنانێ ل کۆمەکا راهێنەرێن دلسۆز یێن کو زنجیرەکا کۆرسێن کاریگەر یێن ئاڤاکرنا شیانان بۆ قوتابیێن زانکۆیا دهۆک پێشکێشکرین. ئەڤ دەستپێشخەرییە وەکو پشكەك ژ بزاڤێن بەردەوام یێن كوژیی دهێت — کو ژ لایێ کۆنسۆلخانا گشتی یا ئەمریکا ل هەولێرێ ڤە پشتەڤانی لێ دهێتە کرن — ب مەرەما بهێزئێخستنا گەنجان، زێدەکرنا دەرفەتێن فێربوونێ، و ب هێزئێخستنا پشكداریا جڤاکی.

ئەو راهێنەرێن رێز لێ هاتینە گرتن، سەرپەرەشتیا چەندین پروگرامێن جۆراوجۆر و ب مفا یێن راهێنانێ کربوون، ژ وان:

• کۆرسێ پێشئێخستنا شیانان (Developing Skills)
• کۆرسێ دروستکرنا سابوون و مۆمێن سروشتی
• کۆرسێ هونەری
• پروگرامێ داهێنانێ (Invent Tomorrow)
• كۆرسێ شیانین بکارئینانا داتایان
• کۆرسێ یۆگا بۆ چارەسەریا تراوما
• کۆرسێ تایکواندۆ
• کۆرسێ موزیکێ

ئەڤ کۆرسە، کو ژ لایێ راهێنەرێن خودان ئەزموون و شەیدایێن کارێ خۆ ڤە هاتبوونە پێشکێشکرن، بوونە ئەگەرێ پشكداریەكا بهێز یا قوتابیان ژ کۆلیژێن جودا و ب رەنگەکێ بەرچاڤ هاریکار بوون بۆ ب هێزئێخستنا داهێنانێ، هزرا کارسازیێ، و شیانێن پراکتیکی یێن دەستی.

سەرۆکاتیا زانکۆیا دهۆک ڕۆناهیێ دئێخیتە سەر گرنگیا پێشێخستنا شیانان

رێورەسم ب پەیڤەکێ ژ لایێ د. نەزار ئەمین محەمەد، رێڤەبەرێ پەیوەندیێن ناڤدەولەتی ل زانکۆیا دهۆک دەستپێکر. د پەیڤا خۆ دا، د. نەزار سوپاسیا پشكداریا راهێنەران کر و تەەکەزی ل سەر رۆلێ سەرەکی یێ ڤان جۆرە پرۆگرامان کر د دەولەمەندکرنا ئەزموونا فێربوونا قوتابیان دا. ناڤهاتی دوپاتی ل پابەندبوونا زانکۆیێ کر بۆ پەروەردەکرنا شیانێن نەرم (Soft Skills)، نویگەری و زانینێن پراکتیکی ل دویڤ پێشینەیێن ستراتیژی یێن زانکۆیا دهۆک.

بهێزكرنا پشكداریا جڤاکی ب رێیا پروگرامێن کوژیێ ئەمریکی

د مەهێن بۆری دا، کوژیێ ئەمریکی ل دهۆکێ مێهڤاندارییا ژمارەکا زۆر یا وورکشۆپێن تایبەتمەند و کۆرسێن راهێنانێ کریە کو ژ لایێ راهێنەرێن شارەزا ڤە بۆ قوتابیێن زانکۆیا دهۆک و خەلكێ دهۆكێ هاتینە برێڤەبرن. ئەڤ کۆرسە گرنگیێ ب هەردوو لایەنێن پێشئێخستنا کەسایەتی و شیانێن گرێدای ب کاری ڤە ددەن، و هاریکاریا قوتابیان دکەن بۆ بدەستڤەئینانا شیانێن نوی، ڤەکۆلینا بوارێن داهێنانێ، و دویڤچوونا هزرێن نوی.

ل دوماهیا رێورەسمان، د. زیرەک یوسف حەسەن، رێڤەبەرێ کوژیێ ئەمریکی، سوپاسیا خۆ ئاراستەی راهێنەر و پشكداران کر. ناڤهاتی دوپات کر کو كوژی دێ بەردەوام بیت ل سەر پێشکێشکرنا پروگرامێن ب کوالێتییا بلند، یێن کو دهێنە دیزاینکرن بۆ پشتەڤانیکرنا بهێزئێخستنا گەنجان، گەشەکرنا پیشەیی، و مفا وەرگرتن ژ ژێدەرێن زانینا جیهانی.

ڤێرە کلیک بکە بۆ دیتنا وینەیان

نڤیسینگەها راگەهاندنا زانکۆیێ | ١٢ـی کانوونا ئێكێ ٢٠٢٥
راپۆرت ژ لایێ: نیبار حاجی حسێن، فاطمه محمود على
وێنەگرتن: محەمەد عەلی تاهیر

پەیڤێن سەرەکی:

• کوژیێ ئەمریکی
• پێشێخستنا شیانان ل زانکۆیا دهۆک
• پروگرامێن بهێزئێخستنا گەنجان
• پشكداریا جڤاکی ل زانکۆیا دهۆک
• دەستپێشخەریێن پەروەردەیی یێن کۆنسۆلخانا ئەمریک