قارهمانیا فوتسالێ یا زانکۆیا دهۆک ب سهرکهڤتنا کۆلیژا زانست ب دوماهيك دهێت
زانکۆیا دهۆک – ١٢ـی تەباخا ٢٠٢٥ – نڤیسینگەها ڕاگەهاندنا زانکۆیێ | زانکۆیا دهۆک (UOD) قارهمانیا خۆ یا سالانه یا فوتسالێ بۆ مامۆستا و فهرمانبهرێن كۆلیژان ورێڤەبەریان و سەنتەران ب یارییهکا دوماهیێ یا ب جوش ب دوماهی ئینا، کو تێدا کۆلیژا زانست ب ئهنجامێ ٢-١ ل سهر کۆلیژا زانستێن مرۆڤایهتى سهرکهفت و ناسناڤێ قارهمانیێ مسۆگهر کر. یارییا دوماهیێ ل هۆلا کۆلیژا پهروهردا جەستەیی و زانستێن وهرزشى، ب ئامادهبوونا دکتۆر نهبهز ئیبراهیم محهمهد، هاریكارێ سهرۆکێ زانکۆیێ بۆ کاروبارێن قوتابیان ل گهل کارگێر و مامۆستا و حهزژێکهرێن وهرزشێ، هاته ئهنجامدان.
ژ دهستپێکێ ههتا شانازیا قارهمانیێ
قارهمانی ل ٢٩ـی خزیرانا ٢٠٢٥ دهست پێ کر، وهک پشكەك ژ پلانا ستراتیژی یا زانکۆیێ بۆ پشتهڤانیکرنا ساخلهمیا فهرمانبهران، کارێ تیمى، و ژیانهکا زیندی یا کەمپوسێ. قارەمانی، کو ژ لایێ ڕێڤهبهریا وهرزشی ڤه هاتبوو ڕێکخستن، ١٠ تیمێن چالاک نوینهراتیا کۆلیژ و ڕێڤهبهریێن کارگێرى دکرن، و ژینگهههکا زانکۆیێ یا ساخلهم، پشکدار، و ههڤکار پێک ئینا.
مهراسیمێن دهستپێکێ گرنگیدانا زانکۆیا دهۆک ب چالاکیێن دهرڤهی خواندنێ نیشان دا کو گیانێ جڤاکی بهێز دکهن. د یارییا ئێکێ دا، کۆلیژا زانست ب ئهنجامێ ٥-٣ ژ ڕێڤهبهریا پشكێن ناڤخۆیی بر، و ب ڤێ چهندێ ڕێک بۆ قارهمانییهکا ب ڕکابهر یا بهێز خۆش کر.
خالێن گرنگ یێن یارییا دوماهیێ
د دوماهیهکا ب جوش دا، کۆلیژا زانست د یارییهکا بهێز دا ل سهر کۆلیژا زانستێن مرۆڤایهتى سهرکهڤت. بهیار سالح ب تۆمارکرنا ١١ گۆلان بوو گۆلکارێ قارهمانیێ، د دهمهکی دا کو عهلی حهسهن (گۆلپارێز، کۆلیژا زانست) و ئهسعهد محهمهد (کۆلیژا زانستێن مرۆڤایهتى) د ناڤ باشترین یاریزانێن قارهمانیێ دا هاتنه ناڤکرن.
کارتێکرنا ستراتیژی و جڤاکی
ژ بلی ڕکابهریێ، قارهمانیا فوتسالێ دگهل پێشینهیێن ستراتیژی یێن زانکۆیا دهۆک دگونجیت ب ڕێیا:
- بهێزکرنا پهیوهندیێن دناڤبهرا کۆلیژان و تۆڕێن پیشهیی.
- پێشئێخستنا کهشهکێ ئهرێنی یێ کەمپوسێ کو پشتهڤانیا نایابیا ئهکادیمی و کارگێرى دکهت.
قارهمانی ههروهها تهکهزیێ ل سهر گرنگیدانا زانکۆیا دهۆک ب پشکداریا کومهل و پشكداریا فهرمانبهران دکهت، وهک کو د پلانا ستراتیژی دا هاتیه دیارکرن.
نڤیسینگەها ڕاگەهاندنا زانکۆیێ – ١٢ـی تەباخا ٢٠٢٥
ڕاپۆرت ژ لایێ: نیبار حەجى حسێن
وێنەگرتن ژ لایێ: عەلی حەبیب حەبیب
پەیڤێن سەرەکی:
- قارهمانیا فوتسالێ یا زانکۆیا دهۆک
- سهرکهڤتنا وهرزشى یا کۆلیژا زانستى ل زانکۆیا دهۆک
- وهرزشا قوتابیان ل زانکۆیێن کوردستانێ
- چالاکیێن جودا ژ خواندنێ یێن زانکۆیا دهۆک
- سهرکهڤتیێن قارهمانیا فوتسالێ ٢٠٢٥