زانکۆیا دهۆک – ١٠ـی شواتا ٢٠٢٦ | نڤیسینگەها ڕاگەهاندنا زانکۆیێ (UNPO) —
زانکۆیا دهۆک، ب ڕێیا کۆلیژا زانست / پشکا کیمیا و چاپتەرێ قوتابیێن کیمیا (UOD–ACS Student Chapter) سەر ب کۆمەڵا کیمیایی یا ئەمریکی، مێهڤانداریا تێشتا جیهانی یا ئافرەتان (GWB) یا ئێکەتیا ناڤدەولەتی یا کیمیا پەتی و پراکتیکی (IUPAC) بۆ ساڵا ٢٠٢٦ کر. ئەڤ چالاکیە دچیتە د چارچۆڤێ دەستپێشخەریەکا زانستی یا جیهانی دا کو بانگەشێ بۆ یەکسانیا جێندەری، گونجاندن، و هەڤکاریێ د زانستی دا دکەت.

د ڕێورەسمان دا، د. لوقمان هادی حەسەن، هاریکارێ سەرۆکێ زانکۆیا دهۆک بۆ کاروبارێن زانستی، دگەل ڕاگرێن چەندین کۆلیژان، سەرۆک پشکێن ئەکادیمی، مامۆستا و قوتابیان بەرهەڤبوون. چاپتەرێن قوتابیێن پشکدار چالاکیێن خۆ ب ڕێیا پۆستەران نمایشکرن کو تێدا تەکەزی ل سەر پشکداریا وان یا زانستی و دەستپێشخەریێن خزمەتکرنا جڤاکی کر.

سەکۆیەکێ زانستی یێ ئێکگرتی
ئەڤ چالاکیە ژ لایێ د. سوهاد عەبدولڕەحمان یاسین و د. وەفا کازم عیسا ڤە هاتبوو ڕێکخستن، مامۆستایێن پشکا کیمیا، و تێدا زانایێن ئافرەت، قوتابی، خۆدان بڕیار و پشتەڤانێن زەلام د ژینگەهەکا گونجایی دا کۆمکرن بۆ گەنگەشەکرن، تۆڕەبەندی (Networking) و هەڤکاریا زانستی یا ناڤدەولەتی.
تێشتا جیهانی یا ئافرەتان یا ئەڤ ساڵە شەشەمین پشکداریا ب دویڤ ئێک یا چاپتەری قوتابیێن (UOD–ACS) بوو ژ ساڵا ٢٠٢١ـێ وەرە، ب سەرپەرشتیا د. سوهاد عەبدولڕەحمان یاسین. ب بۆرینا ساڵان، ئەڤ دەستپێشخەریە بوویە سەکۆیەکێ سەرەکی بۆ پشکداریکرنا سەرکردێن ئەکادیمی و بهێزکرنا ڕۆلێ ئافرەتان د زانستی دا.

پشکداریا فرە-چاپتەری د بسپۆریێن جودا دا
د گەڕا ٢٠٢٦ـێ دا، پشکداریەکا بەرفرەهـ ژ لایێ چەندین چاپتەرێن ناڤدەولەتی یێن قوتابیێن زانکۆیا دهۆک هاتە دیتن، ژ وان:

• چاپتەرێ قوتابیێن پشکا ئەندازیاریا تەلارسازی – پەیمانگەها ئەمریکی یا قوتابیێن تەلارسازیێ (AIAS).
• چاپتەرێ قوتابیێن پشکا جیۆلۆجی – کۆمەڵەیا ئەندازیارێن پەترۆلێ (SPE).
• چاپتەرێ قوتابیێن پشکا فیزیک – کۆمەڵەیا قوتابیێن فیزیکێ (SPS/UOD Chapter).
• پشکا کیمیا – چاپتەرێ قوتابیێن (UOD–ACS).

ڤان چاپتەران تا نوکە چالاکیێن زانستی و هشیارکرنێ ئەنجامداینە، ب تایبەتی دیارکرنا ڕۆلێ زانستی د خزمەتکرنا جڤاکی دا. ژمارەیا قوتابیێن پشکدار بریتی بوون ژ ٥٠ قوتابی ل چاپتەری فیزیکێ، ٣٥ ل جیۆلۆجی، و ٩ ل ئەندازیاریێ، دگەل پشکداریا کیمیا. ڕێکخەرێن چالاکیێ دیارکنر کو "گەلەک چاپتەر ل دەوروبەرێن ئێک مێزا زانستی کۆمبووینە"، کو ئەڤە گیانێ ئێکگرتنێ و بەرپرسیارەتیا زانستی یا هەڤپشک نیشان ددەت.

پێشئێخستنا دیتنا ستراتیژی یا زانکۆیا دهۆک
ئەڤ هەلکەڤتە دگەل پلانا ستراتیژی یا زانکۆیا دهۆک (٢٠٢٣-٢٠٣٨) د گونجیت، ب تایبەتی یا گرێدای یەکسانیا جێندەری، هەڤکاریا دناڤبەرا بسپۆریان دا، بهێزکرنا قوتابیان و تێکەلیێن ناڤدەولەتی. ئەڤ چەندە زانکۆیا دهۆک وەک سەنتەرەک بۆ دیالۆگا زانستی و دەستپێشخەریێن ئەکادیمی یێن جیهانی د دانیت

ڤێرە کلیک بکە بۆ دیتنا وێنەیان

نڤیسینگەها ڕاگەهاندنا زانکۆیێ، شواتا ٢٠٢٦
ڕاپۆرت: فاطمە محمود عەلی
فۆتۆ: محەمەد عەبدولکەریم تاهیر

پەیڤێن سەرەکی یێن نووچەی:
زانکۆیا دهۆک
تێشتا جیهانی یا ئایوپاک (IUPAC) ٢٠٢٦
چاپتەرێ قوتابیێن زانکۆیا دهۆک (UOD–ACS)
ئافرەت د زانستی دا و یەکسانیا جێندەری
تایێن زانستی یێن قوتابیێن ناڤدەولەتی