زانکۆیا دهۆک، ٩ـی کانوونا ئێکێ، ٢٠٢٥، نڤیسینگەها راگەهاندنا زانکۆیێ | سەنتەرێ ڤەکولینێن جینوسایدێ ل زانکۆیا دهۆک، ب هەلکەڤتا رۆژا جیهانی یا رێگریکرنێ ل جینوسایدێ، کۆربەندەکێ تایبەت ل ژێر ناڤونیشانێ "رێگریکرن ل جینوسایدێ: رەهەندێن جڤاکی، یاسایی و سیاسی" سازکر ل سەنتەرێ رەوشەنبیری و جڤاکی.

ل دەستپێکا کۆربەندی کۆ ئەندامێن جڤاتا زانکۆیێ و هەژمارەکا ماموستایێن زانکۆیێ و بسپۆرێن جینوسایدێ و مهڤانین ژ دەرڤەی زانکۆیێ تێدا بەرهەڤببوون، پەیڤا سەنتەرێ ڤەکولینێن جینوسایدێ ژ لایێ "د. ئدریس موسا محەمەد" ڤە هاتە پێشکێشکرن.

پاشان تەوەرێن سەرەکی یێن کۆربەندی ب ڕێڤەبەریا "م. ئومێد محەمەد تاهر مقداد" دەستپێکرن، کۆ تێدا سێ بابەتێن سەرەکی ژ لایێ پسپۆران ڤە هاتنە گەنگەشەکرن:

• تەوەرێ ئێکێ: ژ لایێ "د. سومەیە سەعید خالد" ڤە هاتە پێشکێشکرن، کۆ تێدا ب تێر و تەسەلی باس ل پێکڤەژیانێ و رێگریکرنێ ل جینوسایدێ ژ لایەنێ جڤاکی ڤە کر.
• تەوەرێ دووێ: تایبەت بوو ب لایەنێ یاسایی ڤە و ژ لایێ "د. ئالان جەمال محەمەد" ڤە هاتە پێشکێشکرن، ناڤبری د بابەتێ خۆ دا تیشک ئێخستە سەر دادپەروەریا ڤەگوهێز و رێگریکرن ل جینوسایدێ.
• تەوەرێ سیێ: ژ لایێ "د. سالم جاسم حاجی" ڤە هاتە بەرچاڤکرن و تێدا باس ل سیستەمێ سیاسی و رۆلێ وی د رێگریکرنێ ل جینوسایدێ دا کر.

ل دوماهیێ ژی دەرگەهێ دانوستاندنێ هاتە ڤەکرن و ئامادەبوویان پرسیار و پێشنیارێن خۆ ئاراستەی پەیڤداران کرن.

زانیاری دی هێنە نویکرن…

ڤێرە کلیک بکە بۆ دیتنا وێنەیان

نڤیسینگەها راگەهاندنا زانکۆیێ، ٩ـی کانوونا ئێکێ، ٢٠٢٥

راپۆرت: رۆندک فازل عادل
وێنە: محەمەد عەبدولکەریم تاهر